Luku 22:30 - Bibeli Gusunɔn Gari

³⁰ i kɑ di i nɔ kɑ nɛ sɑnnu nɛn bɑndu sɔɔ, kpɑ i n sɔ̃ sinɑ kitɑnu wɔllɔ i kɑ Isirelibɑn bwesenu wɔkurɑ yiru siri.

Luku 22:30 ပူးပေါင်းရင်းမြစ်များ

Sɑmuɛli II 19:28

Mɑ u dɑ u mɑn sɑnkɑ wunɛn mi. Nɛn yinni sinɑ boko, nɑ yɛ̃ mɑ ɑ sɑ̃ɑwɑ nɡe Gusunɔn ɡɔrɑdo. A koowo nɡe mɛ n nun wɛ̃re.

Womusu 49:14

Nɡe mɛyɑ ben ɑre sɑ̃ɑ, be kɑ be bɑ bu swĩi bɑ ben ɡɑri swɑɑ dɑki.

Mɑteu 19:28

Yesu bu sɔ̃ɔwɑ u nɛɛ, kɑ ɡeemɑ nɑ bɛɛ sɔ̃ɔmɔ, sɑnɑm mɛ Tɔnun Bii u ko n sɔ̃ win sinɑ ɡɔni yiikoɡiɑn wɔllɔ hɑnduniɑ kpɑɑ sɔɔ, bɛɛ wɔkurɑ yiru be i mɑn swĩi bɛɛn tii i ko n sɔ̃ sinɑ ɡɔni wɔllɔ i kɑ Isirelibɑn bwesenu wɔkurɑ yiru siri.

Mɑteu 5:3

Yesu u nɛɛ, doo nɔɔruɡibɑ bèn hunde yɑ Gusunɔn bɛkɛ bɑrɔ. Beyɑ bɑ ko n wɑ̃ɑ mi Gusunɔ u bɑndu swĩi.

Mɑteu 8:11

Nɑ bɛɛ sɔ̃ɔmɔ mɑ tɔn dɑbirɑ koo nɑ sɑɑ sɔ̃ɔ yɑri yeru kɑ duu yerun di kpɑ bu sinɑ bu di mi Gusunɔ u bɑndu swĩi kɑ Aburɑhɑmu kɑ Isɑki kɑ Yɑkɔbu sɑnnu.

Luku 12:37

Doo nɔɔruɡibɑ sɔm kowo be, bèn yinni u koo deemɑ bɑ swɑɑ mɛɛrɑ ù n tunumɑ, bɑɑ ǹ n wɔ̃ku suunun nɑ, ǹ kun mɛ ɡoo ɡbiikɑɑ yɑ̀ n sumɔ. Kɑ ɡeemɑ nɑ bɛɛ sɔ̃ɔmɔ, u koo sɔɔru ko kpɑ u bu sinɑsiɑ u bu nɔɔri.

Luku 14:15

Ye be bɑ dimɔ kɑ Yesu sɑnnu, ben turo u ɡɑri yi nuɑ mɑ u nɛɛ, doo nɔɔruɡiiwɑ wi u koo di bɑn te Gusunɔ u swĩi sɔɔ.

Timɔte II 2:12

Sɑ̀ n tɛmɑnɑ kɑ suuru, sɑ ko bɑndu di kɑ wi sɑnnu. Sɑ̀ n mɑɑ nùn yinɑ, win tii u koo sun yinɑ.

Yɑkɔbu 1:1

Bɛɛ, bwesenu wɔkurɑ yiru, bɛɛ be i yɑrinɛ hɑnduniɑ kpuro sɔɔ, nɛ Yɑkɔbu, Gusunɔ kɑ Yinni Yesu Kirisin yoo, nɑ bɛɛ tɔburɑ.

Kɑ̃siru 19:9

Yerɑ ɡɔrɑdo wi, u mɑn sɔ̃ɔwɑ u nɛɛ, ɑ yeni yoruo, doo nɔɔruɡibɑ be bɑ dim sokɑ Yɑ̃ɑ kinɛ kpɛndun kurɔ kpɑɑ yerɔ. U mɑɑ mɑn sɔ̃ɔwɑ u nɛɛ, ɡɑri yi, Gusunɔn ɡɑri ɡeen tii tiiwɑ.

Kɑ̃siru 3:21

Wi u tɑbu di, wiyɑ kon de u kɑ mɑn sinɑ nɛn sinɑ ɡɔnɑɔ, nɡe mɛ nɑ tɑbu di mɑ nɑ sinɑ kɑ nɛn Bɑɑbɑ win sinɑ ɡɔnɑɔ.

Kɑ̃siru 4:4

Mɑ sinɑ kitɑnu yɛndɑ nnɛ nu sinɑ kitɑ te kooro bure. Mɑ ɡuro ɡurobu yɛndɑ nnɛ bɑ sɔ̃ kitɑ nin wɔllɔ bɑ yɑ̃ɑ kpikinu doke kɑ furɔ wurɑɡisu.