Luku 21:6 - Bibeli Gusunɔn Gari

⁶ sɑnɑm sisi mɛ̀ sɔɔ ye i wɑɑmɔ mini kpuro yen ɡɑɑn kperɑ kun ko n wɑ̃ɑ ten tensim wɔllɔ. Ni kpurowɑ nu koo wɔri.

Luku 21:6 ပူးပေါင်းရင်းမြစ်များ

Yeremi 26:18

Misee Mɔresɛtiɡii u rɑɑ Gusunɔn ɡɑri ɡeruɑ Yudɑn sinɑ boko Esekiɑsin wɑɑti u nɛɛ, ɑmɛniwɑ Gusunɔ, wɔllu kɑ tem Yinni u ɡeruɑ. U nɛɛ, bɑ koo Yerusɑlɛmu bwiiyɑ nɡe ɡberu, kpɑ yu ko nɡe kpee ni bɑ subɑ, kpɑ ɡuu tèn wɔllɔ bɑ Yinni Gusunɔn sɑ̃ɑ yee te bɑnɑ, tu dɑ̃nu kpi n ko dɑ̃ɑ sɔ̃ɔ bɔkɔ.

Yeremi 26:6

Yen sɔ̃, kon sɑ̃ɑ yee te kɑm koosiɑ nɡe mɛ nɑ Siloɡiru kuɑ, kpɑ n de bwesenu kpuro nu wuu ɡen yĩsiru siɑ nù n bɔ̃rumɔ.

Yeremi 26:9

Tɔmbu kpuro bɑ nɑ bɑ Yeremi mɛnnɛ Yinni Gusunɔn sɑ̃ɑ yeru mi, bɑ mɔ̀, mbɑn sɔ̃nɑ ɑ ɡerumɔ kɑ Yinni Gusunɔ yĩsiru ɑ mɔ̀, sɑ̃ɑ yee teni tɑ koo kɑm kowɑ nɡe Siloɡiru, kpɑ Yerusɑlɛmu yu ko bɑnsu.

Swĩi 4:1

Yinni Gusunɔn sɑ̃ɑ yerun wurɑ ɡeɑ ye, yɑ tĩrɑ. Ten kpenu nu yɑri swɛɛ kpuro sɔɔ.

Swĩi 5:18

yèn sɔ̃ ɡuu te bɑ mɔ̀ Siɔni tɑ kuɑ bɑnsu, mɑ tɑ kuɑ ɡbeeku bɔ̃nun wɑ̃ɑ yeru.

Misee 3:12

Tɛ̃, bɛɛn sɔ̃, bɑ koo Siɔni kɛrɑ nɡe ɡbee te bɑ wukɑ. Kpɑ Yerusɑlɛmu yu ko bɑnsu. Kpɑ ɡuu te tɑ wɑ̃ɑ sɑ̃ɑ yerɔ tu kikisu kpi.

Sɑkɑri 11:1

Bɛɛ Libɑniɡibu, i bɛɛn kɔnnɔsu kɛniɔ kpɑ dɔ̃ɔ u bɛɛn dɑ̃ɑ ye bɑ mɔ̀ sɛduru di.

Sɑkɑri 14:2

U koo bwesenu kpuro mɛnnɑ nu kɑ Yerusɑlɛmu wɔri. Bɑ koo ye mwɑ kpɑ bu yen yɛnusu dɔ̃ɔ sɔku. Bɑ koo kɑ yen tɔn kurɔbu kpunɑ kɑ dɑm. Kpɑ bu yen tɔmbun bɔnu yoru mwɛɛri bu kɑ doonɑ. Adɑmɑ bɑ ǹ be bɑ tie ɡoomɔ.

Mɑteu 24:2

Yerɑ u bu sɔ̃ɔwɑ u nɛɛ, i yɑbu ye kpuro wɑ? Kɑ ɡeemɑ nɑ bɛɛ sɔ̃ɔmɔ bɑ koo ye kpuro surɑ, bɑɑ kpee teeru tɑ ǹ ko n sɔndi ten tensim wɔllɔ.

Mɑɑku 13:2

Mɑ Yesu nùn sɔ̃ɔwɑ u nɛɛ, ɑ dii bɑkɑ ni wɑ? Bɑɑ kpee teeru tɑ ǹ ko n sɔndi ten tensim wɔllɔ. Bɑ koo ni kpuro surɑwɑ.

Luku 21:7

Bɑ nùn bikiɑ bɑ nɛɛ, yinni, ǹ n mɛn nɑ, dommɑ yeni yɑ koo tunumɑ. Yĩre terɑ̀ tɑ koo ɡbi tu kookoo si sɔ̃ɔsi.