Luku 20:47 - Bibeli Gusunɔn Gari

⁴⁷ Bɑ ɡɔminibun yɛnusu dimɔ, mɑ bɑ kɑnɑ dɛndɛnnu mɔ̀ bu kɑ bu wɑn sɔ̃. Bɑ koo bu tɑɑrɛ wɛ̃ n kpɑ̃.

Luku 20:47 ပူးပေါင်းရင်းမြစ်များ

Esɑi 10:2

bu kɑ yinɑ bu sɑ̃ɑrobu ben ɡem wɛ̃, kpɑ bu bwɛ̃ɛbwɛ̃ɛbu ɡem birɑ, bu ɡɔminibu kɑ ɡobekubɑn ɑrumɑni mwɑ yu ko beɡiɑ.

Esekiɛli 22:7

Mɑ yen tɔmbu bɑ ben mɛrobu kɑ ben tundobu ɡɛmɑ. Gɑbɑ sɔbu dɑm dɔremɔ. Gɑbɑ mɑɑ ɡobekubɑ kɑ ɡɔminibu tɑki dimɔ.

Esekiɛli 33:31

Mɑ bɑ nɑɑmɔ dɑbi dɑbinu bɑ nun swɑɑ dɑki. Adɑmɑ bɑ ǹ mɔ̀ ye ɑ bu sɔ̃ɔmɔ. Bɑ wunɛn ɡɑri yɑɑkoru sɑ̃ɑ mɑ bɑ ben tii tiin ɑrufɑɑni nɑɑ ɡire.

Amɔsu 2:7

I rɑ n kĩwɑ i wɔnwɔndobu tɑɑre kpɑ bɑ n wiru tuɑ sɑ̃ɑ nuku sɑnkirɑnun sɔ̃. Kpɑ i n bwɛ̃ɛbwɛ̃ɛbu dɑm dɔremɔ. Bii kɑ bɑɑ bɑ kɑ kurɔ turo mɛnnɑmɔ. Nɡe mɛyɑ i kɑ nɛ, Yinni Gusunɔn yĩsi dɛɛrɑru sɑnkumɔ.

Misee 2:2

Bɑ̀ n ɡoon ɡberu binɛ kuɑ, kpɑ bu tu mwɑ. Bɑ̀ n ɡoon diru binɛ kuɑ, kpɑ bu tu mwɑ. Bɑ rɑ yɛ̃ro kɑ win yɛnuɡibu dɑm dɔrewɑ kpɑ bu du bu ben dukiɑ kpuro ɡurɑ.

Misee 2:8

Adɑmɑ bɛɛyɑ Yinni Gusunɔ u sɔ̃ɔmɔ u mɔ̀, i kuɑ win tɔmbun yibɛrɛbɑ. I tɔmbu sɛ̃re be bɑ wee tɑbu ɡberun di i ben yɑ̃nu potirɑ.

Misee 3:2

Adɑmɑ wee i ǹ ɡeɑ kĩ, kɔ̃sɑ i kĩ. I rɑ tɔmbu ben ɡɑ̃ɑnu kpuro mwɑɑriwɑ. Kpɑ i bu yɔ̃su tereru.

Mɑteu 23:13

Mɑ Yesu u nɛɛ, bɛɛ woodɑ yɛ̃robu kɑ Fɑlisibɑ murɑfiti bɛɛ, i ko nɔni swɑ̃ɑru wɑ! Domi i bɑn te Gusunɔ u swĩin ɡɑmbo kɛnumɔ. Bɛɛn tii, i ǹ tu wure. I ǹ mɑɑ wure be bɑ tu kĩ, bu tu wurɑ. [

Mɑteu 23:14

Bɛɛ woodɑ yɛ̃robu kɑ Fɑlisibɑ murɑfiti bɛɛ, i ko nɔni swɑ̃ɑru wɑ! Domi i ɡɔminibu wɔrɑrimɔ ye bɑ mɔ kpuro, mɛyɑ i mɑɑ kɑnɑ dɛndɛnnu mɔ̀ i n kɑ sɑ̃ɑre nɡe tɔn ɡeobu. Yen sɔ̃nɑ bɛɛn tɑɑrɛ koo kpɛ̃ɑ.]

Mɑɑku 12:40

Bɑ ɡɔminibun yɛnusu dimɔ kɑ tɑki mɑ bɑ kɑnɑ dɛndɛnnu mɔ̀ bu kɑ bu wɑn sɔ̃. Bɑ koo bu tɑɑrɛ wɛ̃ n kpɑ̃.

Luku 12:1

Sɑɑ ye sɔɔ, tɔn wɔru ɡunɑ yɑ mɛnnɑ sere bɑ bɔrikiɑnɑmɔ mɑ Yesu u ɡbiɑ u win bwɑ̃ɑbu sɔ̃ɔwɑ u nɛɛ, i tii lɑɑkɑri ko kɑ Fɑlisibɑn pɛ̃ɛ seeyɑtiɑ ye yɑ sɑ̃ɑ murɑfitiru.

Luku 20:46

i tii lɑɑkɑri ko kɑ woodɑ yɛ̃robu be bɑ kĩ bɑ n bɔsu kɑ yɑbe dɛndɛnnu, bɑ tɔbirinɑɑ kĩ bɑtumɑ sɔɔ, bɑ sin yee ɡbiikinu kɑsu mɛnnɔ yenɔ kɑ ɑye bɛɛrɛɡinu dim soku yerɔ.

Luku 21:1

Yesu u nɔni seeyɑ mɑ u dukiɑɡibu wɑ bɑ ɡobi kpɛ̃ɛmɔ sɑ̃ɑ yerun kpɑkororu sɔɔ mi bɑ rɑ ɡobi doke.

Tɛsɑlonikɑ I 2:5

Domi bɛɛn tii i yɛ̃ sɑ̃ɑ sɑ̃ɑ mɑ sɑ ǹ bɛɛ kɔkurɑ kɑ ɡɑri dure, sɑ ǹ mɑɑ wɑɑsu kue su kɑ bɛɛn ɡobi wɑn sɔ̃. Gusunɔwɑ sɑ̃ɑ bɛsɛn seedɑ.

Titu 1:16

Bɑ ɡerumɔ kɑ nɔɔ bɑ Gusunɔ yɛ̃, ɑdɑmɑ ben kookoosu ben ɡɑri siki. Bɑ sɑ̃ɑ tɔn kɔ̃sobu kɑ mɛm nɔɔ sɑriruɡibu, bɑ ǹ kpɛ̃ bu ɡɑ̃ɑ ɡeenu ɡɑnu ko.

Yɑkɔbu 3:1

Nɛɡibu, i ku de i n dɑbi bɛɛ be i kĩ i ko Gusunɔn ɡɑrin keu koosiobu. Domi i yɛ̃ mɑ bɛsɛ be sɑ Gusunɔn ɡɑrin keu sɔ̃ɔsimɔ bɑ koo sun siri kɑ wɔnwɔndu sɑriru n kere ɡɑbu.