Luku 20:28 - Bibeli Gusunɔn Gari

²⁸ yinni, n wee ye Mɔwisi u sun yoruɑ. U nɛɛ, “Goon bɛɛrɛ̀ ù n ɡu u kurɔ deri, mɑ u kun kɑ kurɔ wi bii mɑrɑ, u koo kpĩ u nùn tubi di, kpɑ u kɑ win bɛɛrɛ̀ bweseru wɑɑwɑ.”

Luku 20:28 ပူးပေါင်းရင်းမြစ်များ

Torubu 38:11

Yerɑ Yudɑ u Tɑmɑɑ sɔ̃ɔwɑ u nɛɛ, ɑ doo ɑ ɡɔminiru di sere nɛn bii Selɑ ù n kpɛ̃ɑ. Domi u tii sɔ̃ɔwɑ u nɛɛ, Selɑ ù n kurɔ wi suɑ, u koo rɑ mɑɑ ɡbi nɡe win mɑɑbu. Mɑ Tɑmɑɑ u doonɑ u dɑ u wɑ̃ɑ win tundon yɛnuɔ.

Torubu 38:26

Ye bɑ kɑ yɑ̃ɑ ni turɑ, Yudɑ u nu ɡiɑ mɑ u nɛɛ, kurɔ wi, u mɑn ɡem kere, domi nɑ yinɑ n nùn nɛn bii Selɑ wɛ̃ durɔ. Yen biru Yudɑ kun mɑɑ kɑ nùn mɛnnɑre.

Torubu 38:8

Sɑɑ ye sɔɔrɑ Yudɑ u Onɑni sɔ̃ɔwɑ u nɛɛ, ɑ wunɛn mɔɔn kurɔ suo ɑ yɛnu doke kpɑ ɑ nùn bweseru kɑsuɑ nɡe mɛ woodɑ yɑ ɡerumɔ.

Luku 20:29

Nɡe mɛnɑ, tundo turosibu nɔɔbɑ yiru ɡɑbɑ rɑɑ wɑ̃ɑ. Gbiikoo u kurɔ suɑ mɑ u ɡu, u ǹ kɑ kurɔ wi bii mɔ.