Luku 2:10 - Bibeli Gusunɔn Gari

¹⁰ Mɑ ɡɔrɑdo u bu sɔ̃ɔwɑ u nɛɛ, i ku nɑndɑ domi nɑ kɑ bɛɛ Lɑbɑɑri ɡeɑ nɑɑwɑwɑ ye yɑ koo tɔmbu kpuro nuku doo bɑkɑbu wɛ̃.

Luku 2:10 ပူးပေါင်းရင်းမြစ်များ

Torubu 12:3

Bɑɑwure wi u nun domɑru kuɑ, kon mɑɑ yɛ̃ro domɑru kuɑ. Wi u mɑɑ nun bɔ̃rusi, kon yɛ̃ro bɔ̃rusi. Wunɛn min diyɑ hɑnduniɑn tɔmbu kpuro bɑ koo domɑru wɑ.

Esɑi 40:9

Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Esɑi 41:27

Nɛ, Yinni Gusunɔ, nɛnɑ nɑ ɡbiɑ nɑ sɔmɔ ɡɔrɑ u Yerusɑlɛmuɡibu lɑbɑɑri ɡeɑ sɔ̃.

Esɑi 49:6

U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

Esɑi 52:10

U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.

Esɑi 52:7

Annɑ ɑ wɑ nɡe mɛ bɑ bu dɑm koosiɑmɔ, be, be bɑ wee ɡuunun di bɑ lɑbɑɑri ɡeɑ kpɑrɑmɔ. Bɑ Siɔni bɔri yɛndu kɑ fɑɑbɑn ɡɑri sɔ̃ɔmɔ bɑ mɔ̀, Gusunɔ wunɛn Yinni u bɑndu dii.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Dɑniɛli 10:19

Yerɑ u nùn sɔ̃ɔwɑ u nɛɛ, ɑ ku bɛrum ko durɔ kĩnɑsi, ɑlɑfiɑ yɑ n kɑ nun wɑ̃ɑ. A tii dɑm kɛ̃ɛyɔ. Ye u kɑ nùn ɡɑri mɔ̀, yerɑ u dɑm wɑ u nɛɛ, Yinni, ɑ de ɑ kɑ mɑn ɡɑri ko. Domi ɑ mɑn dɑm kɑ̃.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Mɑteu 14:27

Adɑmɑ mii mii Yesu kɑ bu ɡɑri kuɑ u nɛɛ, i ku mwiɑ kpɑnɑ, nɛnɑ, i ku bɛrum ko.

Mɑteu 28:18

Yesu bu susi u nɛɛ, wɔllu kɑ tem yiiko kpurowɑ bɑ mɑn wɛ̃.

Mɑteu 28:5

Gɔrɑdo wi, u kurɔ be sɔ̃ɔwɑ u nɛɛ, i ku bɛrum ko bɛɛ! Nɑ yɛ̃ mɑ Yesuwɑ i kɑsu, wi bɑ kpɑre dɑ̃ɑ bunɑnɑrɔ.

Mɑɑku 1:15

U nɛɛ, sɑɑ yɑ turɑ, Gusunɔ u sisi u bɑndu swĩi. I ɡɔ̃ru ɡɔsio bɛɛn torɑnun di kpɑ i Lɑbɑɑri ɡeɑ ye nɑɑnɛ doke.

Mɑɑku 16:15

Mɑ u bu sɔ̃ɔwɑ u nɛɛ, i doo hɑnduniɑn bɑɑmɑ kpuro kpɑ i bweseru bɑɑtere Lɑbɑɑri ɡeɑ wɑɑsu kuɑ.

Luku 1:13

Mɑ ɡɔrɑdo wi, u nùn sɔ̃ɔwɑ u nɛɛ, ɑ ku bɛrum ko Sɑkɑri, domi bɑ wunɛn kɑnɑru mwɑ. Wunɛn kurɔ Elisɑbɛti u koo nun bii tɔn durɔ mɑruɑ, kpɑ ɑ nùn yĩsiru kɛ̃ Yohɑnu.

Luku 1:19

Mɑ ɡɔrɑdo wi, u nùn wisɑ u nɛɛ, nɛnɑ Gɑbiriɛ, nɛ wi nɑ rɑ n yɔ̃ Gusunɔn wuswɑɑɔ. Bɑ mɑn ɡɔrimɑwɑ n kɑ nun ɡɑri ko kpɑ n kɑ nun lɑbɑɑri ɡeɑ ye nɔɔsiɑ.

Luku 1:30

Gɔrɑdo u nùn sɔ̃ɔwɑ u nɛɛ, ɑ ku bɛrum ko Mɑɑri domi Gusunɔ u nun durom kuɑ.

Luku 2:11

Gisɔ Dɑfidin wuuɔ bɑ bɛɛ Fɑɑbɑ kowo mɑruɑ wi u sɑ̃ɑ Kirisi Yinni.

Luku 24:47

Kpɑ bu tem kpuron tɔmbu sɔ̃ kɑ win yĩsiru bu nɛɛ, bu ɡɔ̃ru ɡɔsio bu kɑ ben torɑnun suuru wɑ. Bɑ koo torewɑ Yerusɑlɛmun di.

Luku 8:1

Yen biru Yesu u wuu mɑrosu kɑ bɑru kpɑɑnu dɑ dɑ, u wɑɑsu mɔ̀ u Gusunɔn bɑndun lɑbɑɑri ɡeɑ kpɑrɑmɔ. Mɑ bwɑ̃ɑbu wɔkurɑ yiru ye, yɑ wɑ̃ɑ kɑ wi,

Gɔrobun Kookoosu 13:32

Sɑ mɑɑ bɛɛ Lɑbɑɑri ɡeɑ nɔɔsiɑmɔ ye yɑ kɑ Gusunɔn nɔɔ mwɛɛru yɑ̃ te u bɛsɛn sikɑdobɑ kuɑ.

Romu 10:15

Amɔnɑ bɑ koo kɑ ɡɑri yi wɑɑsu ko ɡoo ù kun bu ɡɔre. Nɡe mɛ bɑ yoruɑ, “Annɑ ɑ ben nɑɑrun dobu nɔ be bɑ Lɑbɑɑri ɡeɑ kpɑrɑmɔ.”

Efesu 3:8

Nɛ wi nɑ sɑ̃ɑ nɑɑnɛ dokeobu kpuron yɑ̃kɑbu, nɛnɑ Gusunɔ u durom mɛni kuɑ n kɑ ɡɑ̃ɑ ɡeenu nɔru sɑri ni nu wɑ̃ɑ Kirisi sɔɔn lɑbɑɑri kpɑrɑ tɔn tukobun mi.

Kolose 1:23

i n tɛmɑnɛ i n tɑ̃sɑ nɑɑnɛ dokebu sɔɔ dim dim, kpɑ i ku rɑ bɛɛn yĩiyɔbu deri bi i mɔ sɑɑ mìn di i Lɑbɑɑri ɡeɑ nuɑ, ye bɑ tɔnu bɑɑwure nɔɔsiɑ wi u wɑ̃ɑ hɑnduniɑ sɔɔ. Nɛ Pɔlu nɑ mɑɑ kuɑ yen sɔmɔ.