Luku 17:27 - Bibeli Gusunɔn Gari

²⁷ Tɔmbɑ dimɔ, bɑ nɔrumɔ, bɑ suɑnɑmɔ, bɑ durɔbu kɑ kurɔbu kɛ̃ɛnɑmɔ sere n kɑ ɡirɑri dɔmɑ te Nɔwɛ u ɡoo duɑ. Mɑ nim yiburɑ nɑ tɑ be kpuro kɑm koosiɑ.

Luku 17:27 ပူးပေါင်းရင်းမြစ်များ

Torubu 7:23

Hunde konibɑ kpuro hɑnduniɑɔ bɑ kɑm kuɑwɑ, sɑɑ tɔnu sere yɛɛ nɑɑsu nnɛɡii kɑ yi yi rɑ kɑbiri kɑ ɡunɔsu. Kpurowɑ n kɑm kuɑ, mɑ n kun mɔ Nɔwɛ turo kɑ sere win tɔmbu kɑ yɛɛ yi yi wɑ̃ɑ kpɑkoro te sɔɔ.

Torubu 7:7

Mɑ u duɑ kpɑkoro te sɔɔ kɑ win kurɔ kɑ win bibu kɑ ben kurɔbu bu kɑ wɑ bu nim yibu bɑkɑ te suuri.

Esɑi 21:4

Nɛn lɑɑkɑri yɑ burisinɑ, mɑ nɑ diirimɔ bɛrum sɔ̃. Yokɑ yè sɔɔ nɑ nuku dobu yĩiyɔ, ye sɔɔrɑ bɛrum mɑn deemɑ.

Esɑi 47:11

Adɑmɑ tɛ̃, kɔ̃sɑ koo nun deemɑ. A ǹ mɑɑ ɡoo wɑsi wi u koo nun wɔrɑ. Nɔni swɑ̃ɑrɑ koo nun wɔri. A ǹ mɑɑ kpɛ̃ ɑ tu suuri, kpɑ ɑ kɑm ko subɑru sɔɔ.

Mɑteu 22:30

Domi sɑnɑm mɛ ɡɔribɑ koo se, durɔbu kɑ kurɔbu bɑ ǹ mɑɑ suɑnɑmɔ, bɑ ko n sɑ̃ɑwɑ nɡe Gusunɔ wɔllun ɡɔrɑdobɑ.

Luku 17:26

Ye n kuɑ Nɔwɛn sɑnɑm sɔɔ, n koo mɑɑ ko Tɔnun Biin sɑnɑm sɔɔ.

Luku 17:28

Mɛyɑ n koo mɑɑ ko nɡe Lɔtun sɑɑ. Tɔmbɑ dimɔ, bɑ nɔrumɔ bɑ dwemɔ bɑ dɔrɑmɔ, bɑ dĩɑnu duurumɔ, bɑ diɑ bɑnimɔ.

Sɑmuɛli I 30:16

Mɑ bɑ nɔɔsinɑ nɡe mɛ. Mɑ u kɑ Dɑfidi dɑ. Ye bɑ turɑ mi, yerɑ bɑ wɑ wee, Amɑlɛkibɑ bɑ tɛrie bɑɑmɑ bɑ tɔ̃ɔ bɑkɑnu mɔ̀ bɑ dimɔ bɑ nɔrumɔ dukiɑ ye bɑ ɡurɑ Filisitibɑ kɑ Yudɑbɑn min din sɔ̃.