Luku 16:20 - Bibeli Gusunɔn Gari

²⁰ Sɑ̃ɑro ɡoo rɑɑ mɑɑ wɑ̃ɑ, wi bɑ sokumɔ Lɑsɑɑ. U booboosu bɑrɔ, u rɑ n kpĩwɑ dukiɑɡii win yɛnu kɔnnɔwɔ.

Luku 16:20 ပူးပေါင်းရင်းမြစ်များ

Yoobu 2:7

Mɑ Setɑm u doonɑ Yinni Gusunɔn min di. Yen biru u dɑ u Yoobu bwisi kɔ̃sunu wisi sɑɑ win wirun di sere win nɑɑsɔ.

Womusu 34:19

U rɑ n kɑ be bɑ nuki sɑnkire wɑ̃ɑ, kpɑ u be bɑ mwiɑ kpɑnɑ fɑɑbɑ ko.

Womusu 73:14

Yinni, tɔ̃ru bɑɑtere ɑ rɑ mɑn sɛɛyɑsiewɑ, kpɑ ɑ mɑn nɔni sɔ̃ bururu bɑɑtere.

Esɑi 1:6

Sɑɑ win wirun di sere kɑ win nɑɑ tɑrɑnɔ, kpuro bɑrɑrɑ. Domi bɑ ǹ win mɛɛrɑbɑ kɑ win bosu teye bu tim ɡumɡim doke bu sere mɑm nɛɛ, bɑ koo bɔke.

Yeremi 8:22

Tibu sɑriwɑ Gɑlɑdiɔ? Dokotoro ɡoo sɑriwɑ mi? Nɡe mbɑn sɔ̃nɑ Isirelibɑn bosu kun kpeemɔ.

Mɑteu 26:71

Yen biru u seewɑ u dɑ yɛnu yɑɑrɑn kɔnnɔwɔ. Wɔndiɑ ɡoo kpɑm nùn wɑ mɑ u be bɑ wɑ̃ɑ mi sɔ̃ɔwɑ u nɛɛ, durɔ wini u rɑɑ wɑ̃ɑ kɑ Yesu Nɑsɑrɛtiɡii wi.

Luku 16:19

Mɑ Yesu kpɑm nɛɛ, durɔ dukiɑɡii ɡoo rɑɑ wɑ̃ɑ, wi u rɑ n yɑbe nɔniɡiru sebuɑ te tɑ wesibu wɑ̃, mɑ bɑɑdommɑ win mi, tɔ̃ɔ bɑkɑrɑ.

Luku 16:21

Domi u kĩ u tii debiɑ kɑ dĩɑ buri yi yi wɔrumɑmɔ sɑɑ ɡobiɡii win tɑbulu wɔllun di. Bɔ̃nu rɑ mɑm nɛ nu n win booboo si dɑbirimɔ.

Yohɑnu 11:1

N wee durɔ ɡoo wi bɑ rɑ soku Lɑsɑɑ wi u wɑ̃ɑ Betɑniɔ u bɑrɑ. Betɑni sɑ̃ɑwɑ Mɑɑri kɑ win mɔɔ Mɑɑtɑn wuu.

Gɔrobun Kookoosu 3:2

N deemɑ bɑ mɑɑ kɑ durɔ ɡoo dɔɔ mi, wi bɑ mɑrɑ kɑ yɛmɔru. Bɑ rɑ nùn yiwɑ sɑ̃ɑ yerun kɔnnɔwɔ ɡe bɑ mɔ̀ Burɔ, u n kɑ bɑrɑ mɔ̀ sɑnɑm mɛ tɔmbɑ duɔ.

Yɑkɔbu 1:9

I de nɑɑnɛ dokeo bwɛ̃ɛbwɛ̃ɛ u woo kɑnɑ yèn sɔ̃ Gusunɔ u nùn wɔlle suɑ.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.

Sɑmuɛli I 2:8

U rɑ wɔnwɔndo seeye tem di. Kpɑ u wi bɑ ɡɛmɑ wɔlle suɑ. U rɑ bu sinɑsie kɑ sinɑ bibu sɑnnu kpɑ bu ko bɛɛrɛɡibu. Wiyɑ u hɑnduniɑn kpɛɛkpɛɛku swĩi. Gen wɔllɔwɑ u ye sɔndi.