Luku 15:5 - Bibeli Gusunɔn Gari

⁵ Sɑɑ ye u tu dɔbɑ, u koo tu seru sɔndi kɑ nuku dobu.

Luku 15:5 ပူးပေါင်းရင်းမြစ်များ

Esɑi 62:12

Bɑ koo bu soku bwese te nɑ ɡɔsɑ nɑ yɑkiɑ. Wunɛ mɑɑ Yerusɑlɛmu, bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ wuu ɡe nɑ kĩ.

Esɑi 62:5

Nɡe mɛ bii durɔbu ɡɑ koo kɑ ɡen kurɔ ɡbinnɑ, nɡe mɛyɑ wunɛn bibu bɑ koo kɑ nun ɡbinnɑ. Nɡe mɛ ɑluwɑɑsi u rɑ n nuku dobu mɔ win kurɔ kɛ̃ɛron sɔ̃, nɡe mɛyɑ ko nɑ n nuku dobu mɔ wunɛn sɔ̃.

Esɑi 63:9

Bɛsɛn wɑhɑlɑ kpuro sɔɔ, u sun somi. N ǹ mɔ win ɡɔrɑdo u sun fɑɑbɑ kuɑ, win tiiwɑ u sun yɑkiɑ win kĩru kɑ win wɔnwɔndun sɔ̃. Mɑ u sun nɔɔri sɑɑ yellun di.

Esekiɛli 18:23

I tɑmɑɑ nɛ, Yinni Gusunɔ nɑ kĩ tɔn kɔ̃so u ɡbi? Aɑwo. Ye nɑ kĩ, yerɑ u ɡɔ̃ru ɡɔsiɑ kpɑ u n wɑ̃ɑ.

Esekiɛli 33:11

Adɑmɑ ɑ bu wisio ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, sere kɑ nɛn wɑ̃ɑru, nɑ ǹ tɔn kɔ̃son ɡɔɔ kĩ. Nɑ kĩwɑ u ɡɔ̃ru ɡɔsiɑ kpɑ u wɑ u n wɑ̃ɑ. Yen sɔ̃, be, Isirelibɑ bu ɡɔ̃ru ɡɔsio. Mbɑn sɔ̃nɑ bɑ koo tii ɡo.

Misee 5:4

Wiyɑ u koo kɑ bɔri yɛndu nɑ. Asiriɡibu bɑ̀ n nɑ, bɑ bɛsɛn tem wɔri bɑ duɑ sere bɛsɛn sinɑ kpɑɑrɔ, sɑ ko bɛsɛn kpɑro be bɑ dɑm bo seeyɑ bu bu wɔri.

Misee 7:18

Wɑrɑ u kɑ nun weenɛ. Wee, ɑ rɑ kɑ bɛsɛ wunɛn tɔmbun bweserun sukum mɛ mu tie tɛmɑnɛ bɛsɛ be sɑ sɑ̃ɑ wunɛn ɑrumɑni kpɑ ɑ sun bɛsɛn torɑnu suuru kuɑ. Wunɛn mɔru ku rɑ tɛ. Domi kĩrɑ ɑ rɑ sun sɔ̃ɔsi.

Sofoni 3:17

Gusunɔ bɛɛn Yinni u wɑ̃ɑ bɛɛn suunu sɔɔ. U sɑ̃ɑwɑ nɡe tɑbu durɔ wi u rɑ fɑɑbɑ ko. U koo nuku doo bɑkɑbu ko bɛɛn sɔ̃. U ǹ mɑɑ ɡɑ̃ɑnu ɡerumɔ yèn sɔ̃ u bɛɛ kĩ. U ko n nuku doo bɑkɑbu mɔ.

Luku 15:32

Adɑmɑ n weenɛ su nuku dobu ko kpɑ su yɛ̃ɛri yèn sɔ̃ wunɛn wɔnɔ wini n sɑ̃ɑre u rɑɑ ɡu, mɑ u wurɑmɑ wɑ̃ɑru sɔɔ. U rɑɑ kɔ̃ɔrɑ, u mɑɑ wɑɑrɑ.

Luku 15:4

wɑrɑ bɛɛ sɔɔ, ù n yɑ̃ɑnu wunɔbu (100) mɔ, mɑ teerɑ nùn kɔ̃ɔrɑri, u ǹ koo wunɔbu tiɑ sɑri yeni deri ɡbɑburɔ kpɑ u tu kɑsum dɑ sere u kɑ tu dɔbɑ.

Luku 15:6

Ù n tunumɑ yɛnuɔ u koo win bɔrɔbɑ kɑ win berusebu soku kpɑ u nɛɛ, i kɑ mɑn nuku dobu koowo, domi nɑ nɛn yɑ̃ɑru dɔbɑ te tɑ rɑɑ kɔ̃ɔrɑ.

Luku 19:9

Yesu u nùn sɔ̃ɔwɑ u nɛɛ, ɡisɔ fɑɑbɑ duɑ yɛnu ɡe sɔɔ yèn sɔ̃ winin tii mɑɑ sɑ̃ɑ Aburɑhɑmun bweseru.

Luku 23:43

Yesu u nùn wisɑ u nɛɛ, kɑ ɡeemɑ nɑ nun sɔ̃ɔmɔ, ɡisɔ kɑɑ n wɑ̃ɑ kɑ nɛ ɡɔribun wɑ̃ɑ yee ɡeeru sɔɔ.

Yohɑnu 15:11

Nɑ bɛɛ yeni sɔ̃ɔwɑ kpɑ nɛn nuku dobu bu n kɑ wɑ̃ɑ bɛɛ sɔɔ, kpɑ bɛɛn nuku dobu bu kɑ yibu.

Efesu 2:10

Domi sɑ sɑ̃ɑwɑ Gusunɔn nɔmɑn sɔmburu. U sun tɑkɑ kuɑwɑ bɛsɛ kɑ Yesu Kirisin ɡbinnɑɑ sɔɔ su kɑ sɔm ɡeenu ko nìn sɔɔru u kuɑ sɑɑ yellun di.

Efesu 3:7

Nɑ kuɑ Lɑbɑɑri Geɑn sɔmɔ durom mɛn sɑɑbu mɛ Gusunɔ u mɑn kuɑ kɑ win dɑm.

Tɛsɑlonikɑ I 1:5

Domi bɛsɛn Lɑbɑɑri ɡeɑ yɑ ǹ nɛ bɛɛn mi kɑ ɡɑri tɔnɑ, kɑ mɑɑ yen dɑmɑ yɑ kɑ nɑ kɑ Hunde Dɛɛro sɑnnu kɑ mɑɑ sikɑ sɑriru. Bɛɛn tii i yɛ̃ nɡe mɛ sɑ sĩisinɑ bɛɛn suunu sɔɔ bɛɛn ɑrufɑɑnin sɔ̃.

Timɔte II 2:26

Sɑnɑm mɛyɑ ben lɑɑkɑri koo wurɑmɑ kpɑ bu kisirɑ Setɑm yinɑn di wi u rɑɑ bu nɛni u toorimɔ win ɡɔ̃ru kĩru sɔɔ.

Heberu 12:2

Su nɔni wukiɑ sɑ n Yesu mɛɛrɑ. Win min diyɑ bɛsɛn nɑɑnɛ dokebu wee, wiyɑ mɑɑ bu yibiɑmɔ. U wurɑ bɑ nùn ɡo dɑ̃ɑ bunɑnɑru sɔɔ, u ǹ ɡɔɔ win bweserun sekuru mɛɛrɑ domi u nuku dobu yĩiyɔ bu nùn yiiye. Tɛ̃ u sɔ̃ Gusunɔn sinɑ kitɑrun nɔm ɡeuɔ.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.