Luku 15:20 - Bibeli Gusunɔn Gari

²⁰ U seewɑ mɑ u doonɑ win bɑɑn mi ɡiɑ. Sɑɑ yèn di u tomɑ, win bɑɑ nùn wɑ mɑ wɔnwɔndɑ nùn mwɑ. U dukɑ dɑ u nùn ɡɑbɑ kɑ nuku dobu, u nùn tɔburɑ kɑ kĩru.

Luku 15:20 ပူးပေါင်းရင်းမြစ်များ

Torubu 33:4

Yerɑ Esɑun tii u mɑɑ dukɑ nɑ u Yɑkɔbu ɡɑbɑ wĩirɔ bɑ bɔkɑsinɑ bɑ sɔ̃sunɑ. Mɑ be yiru kpuro bɑ swĩ.

Torubu 45:14

Yen biru Yosɛfu u win wɔnɔ Bɛnyɑmɛɛ nɛnuɑ u bɔkɑsi wĩirɔ, mɑ u swĩ. Bɛnyɑmɛɛn tii u mɑɑ swĩ mi bɑ bɔkɑsinɛ.

Torubu 46:29

Mɑ Yosɛfu u win kɛkɛ ye dumi ɡɑwe duɑ u kɑ dɑ Gosɛniɔ u kɑ win tundo Isireli yinnɑ. Ye bɑ yinnɑ u nùn ɡɑbɑ wĩirɔ u bɔkɑsi mɑ u swĩisi n kɑ tɛ.

Sɑmuɛli II 14:33

Mɑ Yoɑbu u dɑ sinɑ bokon mi, u nùn ɡɑri yi tusiɑ. Yerɑ sinɑ boko u Abusɑlɔmu sokusiɑ. Ye u tunumɑ win mi, u kpunɑ kɑ bɛɛrɛ. Mɑ sinɑ boko u nùn tɔburɑ u bɔkɑsi.

Womusu 86:15

Adɑmɑ wunɛ Gusunɔ, ɑ sɑ̃ɑwɑ Yinni wɔnwɔnduɡii. A ku rɑ mɔru se fuuku. Wunɛn kĩru tɑ kpɑ̃. A mɑɑ sɑ̃ɑwɑ bɔrɔkini.

Womusu 86:5

Yinni, ɑ sɑ̃ɑwɑ tɔn ɡeo, ɑ rɑ mɑɑ tɔmbu ben durum wɔke. A rɑ be bɑ nun soku kpuro kĩru sɔ̃ɔsi tɑ n kpɑ̃.

Esɑi 49:15

Adɑmɑ Gusunɔ u nɛɛ, tɔn kurɔ u rɑ win bii wi u bɔm kɛ̃mɔ duɑri? U ku rɑ win wɔnwɔndu ko? Bɑɑ ù n duɑri, nɛ, nɑ ǹ nun duɑrimɔ, Yerusɑlɛmu.

Esɑi 57:18

Nɑ ben dɑɑ yɛ̃. Kɑ mɛ, kon bu bɛkiɑ, n bu kpɑrɑ kpɑ n bu nukuru yɛmiɑsiɑ. Be bɑ ɡɔɔ wooru sɔ̃ bɑ sumɔ,

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Luku 15:19

Yen sɔ̃, u ku mɑn soku win bii. U mɑn koowo win sɔm kowo.

Luku 15:21

Bii wi, u nɛɛ, bɑɑbɑ, nɑ nun torɑri, nɑ mɑɑ Gusunɔ torɑri. Yen sɔ̃, ɑ ku mɑɑ mɑn soku wunɛn bii.

Gɔrobun Kookoosu 2:39

Domi nɔɔ mwɛɛ te, tɑ sɑ̃ɑwɑ bɛɛ kɑ bɛɛn bibuɡiru kɑ be kpuroɡiru be bɑ wɑ̃ɑ n tomɑ, be Gusunɔ bɛsɛn Yinni u koo soku win mi.

Gɔrobun Kookoosu 20:37

Be kpuro bɑ swĩ. Ye bɑ nùn bɔkɑsi, bɑ nùn nɔɔ kɑnɑ kɑ kĩru,

Efesu 2:13

Adɑmɑ tɛ̃ ye i kɑ Yesu Kirisi ɡbinnɛ, bɛɛ be i rɑɑ kɑ Gusunɔ tomɑ, tɛ̃ i wɑ̃ɑ win bɔkuɔ Kirisin yɛm sɑɑbu.

Efesu 2:17

Nɡe mɛyɑ Kirisi nɑ u kɑ bɔri yɛndun lɑbɑɑri nɔɔsiɑ bɛɛn mi, bɛɛ be i rɑɑ kɑ Gusunɔ tomɑ, kɑ be bɑ wɑ̃ɑ win bɔkuɔ.