Luku 12:5 - Bibeli Gusunɔn Gari

⁵ Nɑ kon bɛɛ sɔ̃ wi n weenɛ i nɑsiɑ. I nùn nɑsio wi u yiiko mɔ u kɑ kpɛ̃ɛ dɔ̃ɔ sɔɔ wi u ku rɑ ɡbi, ù n ɡo ù n kpɑ. Mɛyɑ nɑ bɛɛ sɔ̃ɔmɔ, wiyɑ n weenɛ i nɑsiɑ.

Luku 12:5 ပူးပေါင်းရင်းမြစ်များ

Mɔnnu 14:26

Wi u Yinni Gusunɔ nɑsie, tɑ̃si yee dɑmɡirɑ u mɔ mi. Gusunɔwɑ u rɑ mɑɑ yɛ̃ron bibu kɔ̃su.

Yeremi 10:7

Wunɑ ɑ sɑ̃ɑ bwesenu kpuron sinɑ boko. Wɑrɑ u ǹ koo nun nɑsiɑ. Wunɑ ɑ yiiko kpuro mɔ. Bwesenu kpuron bwisiɡibu sɔɔ, ɡoo sɑri wi u kɑ nun weenɛ.

Yeremi 41:18

Domi bɑ Bɑbiloniɡibun bɛrum mɔ yèn sɔ̃ Isimɛɛli u Gedɑliɑ ɡo wi Bɑbilonin sinɑ boko u kuɑ Yudɑbɑn kpɑro.

Yeremi 5:22

Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.

Mɑteu 10:28

I ku bu nɑsiɑ be bɑ koo wɑsi tɔnɑ ɡo, be bɑ ǹ kpɛ̃ bu hunde ɡo. Adɑmɑ i yɛ̃ro nɑsio wi u koo kpĩ u wɑsi kɑ hunde ɡo sɑnnu dɔ̃ɔ wi u ku rɑ ɡbi sɔɔ.

Mɑteu 25:41

Yen biru sunɔ u koo win nɔm dwɑruɡibu sɔ̃ u nɛɛ, i tii ɡɑwo nɛn bɔkun di, bɛɛ be Gusunɔ u bɔ̃rusi. I doo dɔ̃ɔ wi u ku rɑ ɡbi sɔɔ wi bɑ sɔɔru kuɑ Setɑm kɑ win ɡɔrɑdobɑn sɔ̃.

Mɑteu 25:46

Mɑ Yesu u nɛɛ, beniwɑ bɑ koo dɑ mi sɛɛyɑsiɑ bi bu ku rɑ kpe bu wɑ̃ɑ, ɡemɡibu mɑɑ, wɑ̃ɑru te tɑ ku rɑ kpe sɔɔ.

Mɑteu 5:22

Adɑmɑ tɛ̃, nɛ nɑ bɛɛ sɔ̃ɔmɔ, bɑɑwure wi u kɑ win tɔnusi mɔru mɔ̀ bɑ koo kɑ nùn dɑ siri kowon mi, bɑɑwure wi u win tɔnusi nɛɛ, kɑmbu, bɑ koo nùn siri tɔnwerobun wuswɑɑɔ, bɑɑwure wi u mɑɑ win tɔnusi mɔ̀ ɡɑri bɔkɔ u ǹ koo dɔ̃ɔ wi u ku rɑ ɡbi sɑrɑri.

Mɑɑku 13:23

Wee, nɑ bɛɛ yeni kpuro sɔ̃ɔwɑ kɔ yu sere koorɑ. Yen sɔ̃, i n tii sɛ.

Tɛsɑlonikɑ I 4:6

Gɑri yini sɔɔ, n ǹ weenɛ ɡoo u win kpɑɑsi torɑri ǹ kun mɛ u nùn tɑki di. Sɑ bɛɛ yenin kirɔ kuɑ kɔ, sɑ bɛɛ sɔ̃ɔwɑ mɑ Yinniwɑ u koo yen mɔru kɔsiɑ.

Heberu 10:31

Gɑri kɔ̃siyɑ Gusunɔ Yinni wɑso ù n tɔnu nɔmɑ doke.

Piɛɛ II 2:4

Domi Gusunɔ u ǹ wɔllun ɡɔrɑdobɑ deri be bɑ rɑɑ torɑ, ɑdɑmɑ u bu sure ɡɔriɔ mi bɑ bu nɛni wɔru sɔɔ yɑm wɔ̃kurɔ sere siribun tɔ̃ru.

Kɑ̃siru 14:7

U nɔɔɡiru suɑ u nɛɛ, i Gusunɔ nɑsio kpɑ i nùn bɛɛrɛ wɛ̃, domi sɑɑ yɑ turɑ u kɑ tɔmbu kpuro siri. I nùn sɑ̃ɑwɔ wi u wɔllu kɑ tem tɑkɑ kuɑ kɑ nim wɔ̃ku kɑ bwii.

Kɑ̃siru 15:4

Yinni, wɑrɑ kun wunɛn bɛrum mɔ. Wɑrɑ koo yinɑ u wunɛn yĩsiru bɛɛrɛ wɛ̃. Domi wunɛ turowɑ ɑ sɑ̃ɑ dɛɛro. Tem bɑɑmɛren tɔmbɑ koo nɑ wunɛn mi, bu nun sɑ̃. Domi bɑɑwure u wunɛn sɔm ɡeenu wɑ.”

Kɑ̃siru 20:14

Yerɑ bɑ ɡɔɔ kɑ ɡɔribun wɑ̃ɑ yee te suɑ bɑ kpɛ̃ɛ dɔ̃ɔ bwee te sɔɔ. N deemɑ, dɔ̃ɔ bwee terɑ tɑ sɑ̃ɑ ɡɔɔ yiruse.