Luku 12:28 - Bibeli Gusunɔn Gari

²⁸ Gusunɔ ù n ɡberun yɑkɑsu burɑru wɛ̃ nɡe mɛ, si su wɑ̃ɑ ɡisɔ, mɑ siɑ su koo dɔ̃ɔ mwɑɑrɑ, u ǹ koo bɛɛ yɑ̃nu sebusiɑ n kere mɛ? Nɑɑnɛ doke piibuɡibu bɛɛ.

Luku 12:28 ပူးပေါင်းရင်းမြစ်များ

Esɑi 40:6

Yen biru nɑ ɡoon nɔɔ nuɑ ɡɑ nɛɛ, ɑ kpɑro. Mɑ nɑ bikiɑ nɑ nɛɛ, mbɑ kon kpɑrɑ. U nɛɛ, ɑ kpɑro mɑ tɔmbu kpuro bɑ sɑ̃ɑwɑ nɡe yɑkɑsu, mɑ ben burɑru tɑ sɑ̃ɑ nɡe dɑ̃ɑ wɛ̃su.

Mɑteu 14:31

Mii mii Yesu nɔmɑ dɛmiɑ u nùn nɛnuɑ mɑ u nɛɛ, nɑɑnɛ doke piibuɡii wunɛ, mbɑn sɔ̃nɑ ɑ sikɑ kuɑ.

Mɑteu 16:8

Yesu ben bwisikunu ɡiɑ mɑ u bu bikiɑ u nɛɛ, mbɑn sɔ̃nɑ i wesiɑnɑ i nɛɛ, yèn sɔ̃ i ǹ pɛ̃ɛ kusenu kue, yen sɔ̃nɑ nɑ ɡeruɑ mɛ. Nɑɑnɛ doke piibuɡii bɛɛ.

Mɑteu 17:17

Yesu u nɛɛ, bɛɛ tɔn kɔ̃so nɑɑnɛ doke sɑriruɡibu, sere sɑɑ yerɑ̀ ko nɑ n kɑ bɛɛ wɑ̃ɑ. Nɡe sere dommɑ ko nɑ n kpɑm kɑ bɛɛ tɛmɑnɛ. I kɑ mɑn bii wi nɑɑwɑ mini.

Mɑteu 17:20

Yesu bu wisɑ u nɛɛ, yèn sɔ̃ bɛɛn nɑɑnɛ dokebu kun kpɑ̃. Kɑ ɡeemɑ nɑ bɛɛ sɔ̃ɔmɔ, bɑɑ bɛɛn nɑɑnɛ dokebu bù n piibu sɑ̃ɑ nɡe dĩɑ bimɑ ye yɑ piiburu bo i ko ɡuu teni sɔ̃ tu wukuro minin di tu dɑ ɡiɔ. Mɛyɑ tɑ koo mɑɑ wukurɑ. Gɑ̃ɑnu mɑɑ sɑri ni i ko kpɑnɑ i ko. [

Mɑteu 6:30

Gusunɔwɑ u yɑkɑsu burɑru wɛ̃ɛmɔ ɡberɔ, si su wɑ̃ɑ ɡisɔ ɑdɑmɑ siɑ bɑ koo su kpɛ̃ɛ dɔ̃ɔ sɔɔ. Yerɑ u ǹ koo bɛɛ yɑ̃nu wɛ̃ n kere yɑkɑ si? Annɑ ɑ wɑ mɛ bɛɛn nɑɑnɛ dokebu piibu kuɑ.

Mɑteu 8:26

Yesu u nɛɛ, mbɑn sɔ̃nɑ i bɛrum mɔ̀, bɛɛ nɑɑnɛ doke piibuɡibu. Mɑ u seewɑ u woo kɑ nim kure ni yiire nu mɑri mɑ n mɑri sɔ̃ɔ sɔ̃ɔ.

Luku 8:25

Mɑ Yesu u bu bikiɑ u nɛɛ, mɑ sɔɔrɑ i bɛɛn nɑɑnɛ doke. Bɛrum bu mwɑ kɑ biti, mɑ bɑ bikiɑnɑmɔ, durɔ weren bweserɑ wini wi bɑɑ woo kɑ nim ù n woodɑ wɛ̃, n dɑ nùn mɛm nɔɔwɛ.

Heberu 6:7

Sɑnɑm mɛ tem mu ɡuri nim nɔrumɔ kiri kiri mɑ mu dĩɑnu kpiisiɑmɔ ni nu koo mɛn yɛ̃robu ɑrufɑɑni kuɑ, Gusunɔ u rɑ mu domɑru kuewɑ.

Piɛɛ I 1:24

Nɡe mɛ Gusunɔn ɡɑri ɡerumɔ, “Tɔmbu kpuro bɑ sɑ̃ɑwɑ nɡe yɑkɑsu. Mɑ ben bɛɛrɛ kpuro sɑ̃ɑ nɡe sin wɛ̃su. Yɑkɑsu rɑ ɡbere, kpɑ sin wɛ̃su dɛrurɑ.