Luku 11:22 - Bibeli Gusunɔn Gari

²² Adɑmɑ ɡoo wi u nùn dɑm kere, ù n nɑ u nùn wɔri u kɑmiɑ, u koo win tɑbu yɑ̃nu kpuro ɡurɑ ni u nɑɑnɛ sɑ̃ɑ kpɑ u win dukiɑ ɡɑbu bɔnu kuɑ.

Luku 11:22 ပူးပေါင်းရင်းမြစ်များ

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Yɑribu 15:9

Wɛrɔ u nɛɛ, u koo bu nɑɑ swĩi kpɑ u bu nɑɑmwɛ. U koo mɔru kɔsiɑ be sɔɔ nɡe mɛ u kĩ, kpɑ u tɑkobi womɑ u bu ɡo kɑ win nɔmɑ, kpɑ u ben dukiɑ bɔnu ko.

Esɑi 27:1

Tɔ̃ɔ te sɔɔ, Yinni Gusunɔ u koo wɑɑ kɔ̃sɑ ye yɑ dukɑ mɔ sɛɛyɑsiɑ kɑ win tɑkobi dɑmɡiɑ ye yɑ kpɑ̃, kpɑ u yɑɑ kɔ̃sɑ ye ɡo, ye yɑ wɑ̃ɑ nim wɔ̃ku sɔɔ.

Esɑi 53:12

Yen sɔ̃nɑ kon de u sinɑ kɑ tɔn bokobu, kpɑ u n bɑɑ mɔ dɑmɡibun ɑrumɑni sɔɔ. Domi u tii wɛ̃ sere u dɑ u kɑ ɡu. Mɑ bɑ nùn ɡɑrisi tɔn kɔ̃so, yèn sɔ̃ u tɔn dɑbirun durum sɔɔwɑ. U mɑɑ be bɑ tɑɑrɛ mɔ suuru kɑnɑ.

Luku 11:21

Sɑnɑm mɛ durɔ dɑmɡii wi u tɑbu yɑ̃nu mɔ u win yɛnu kɔ̃su win dukiɑ ko n wɑ̃ɑwɑ ɑlɑfiɑ sɔɔ.

Luku 11:23

Wi u kun sɑ̃ɑ nɛɡii u kɑ mɑn yibɛrɛ tɛɛru nɛniwɑ, wi u ku rɑ mɑɑ ɡɑ̃ɑnu mɛnnɛ kɑ nɛ sɑnnu, u rɑ ni yɑrinɑsiewɑ.

Efesu 6:11

I tɑbu yɑ̃nu kpuro sebuo ni Gusunɔ u bɛɛ wɛ̃ɛmɔ, kpɑ i kɑ kpĩ i yɔ̃rɑ dim dim i Setɑm bwisi yinɑ.

Efesu 6:13

Yen sɔ̃, i Gusunɔn tɑbu yɑ̃nu kpuro suo i sebe kpɑ i kɑ kpĩ i kɑ tii yinɑ wɑhɑlɑn tɔ̃ru sɔɔ, kpɑ i yɔ̃rɑ dim dim ye kpuron biru.

Kolose 2:15

Sɑnɑm mɛ u ɡu dɑ̃ɑ bunɑnɑru wɔllɔ u wɔllun wiruɡibu kɑ yiikoɡibu kɑmiɑ u bu sekuru doke bɑtumɑ sɔɔ u mɑɑ ben dɑm kpeesiɑ.

Yohɑnu I 3:8

Wi u rɑ n torɑmɔ, Setɑmɡiiwɑ, domi sɑɑ toren diyɑ Setɑm torɑmɔ. Mɑ Gusunɔn Bii u nɑ u kɑ Setɑm sɔmɑ kpeerɑsiɑ.

Yohɑnu I 4:4

Bɛɛ nɛn bibu, i sɑ̃ɑ Gusunɔɡibu i mɑɑ sɔmɔ weesuɡii be kɑmiɑ kɔ. Domi wi u wɑ̃ɑ bɛɛ sɔɔ u dɑm mɔ u kere wi u wɑ̃ɑ hɑnduniɑ ye sɔɔ.