Luku 10:31 - Bibeli Gusunɔn Gari

³¹ N deemɑ kɑ sɑɑbu, yɑ̃ku kowo ɡoo sɑrɔ kɑ swɑɑ ye. U durɔ wi wɑ mɑ u sɛ̃ɛnɑ u doonɑ.

Luku 10:31 ပူးပေါင်းရင်းမြစ်များ

Sɑmuɛli II 1:6

Mɑ u nɛɛ, nɑ nɛn wɑ̃ɑru wɑ̃ɑwɑ Giliboɑn ɡuuru wɔllɔ nɑ kɑ Sɔɔlu mɛɛrɑ u kɑ tii win yɑɑsɑ tɑ̃sɑ. Mɑ yibɛrɛbɑn tɑbu kɛkɛ dumiɡii kɑ mɑɑsɔbu bɑ nùn sɔndi mɑm mɑm bɑ ɡire.

Womusu 142:4

Nɑ̀ n mwiɑ kpɑnɑ, wunɑ rɑ n yɛ̃ ye kon ko. Bɑ mɑn yinɑ bɛriɑ swɑɑ yè sɔɔ nɑ sĩimɔ.

Womusu 69:20

A yɛ̃ nɡe mɛ bɑ mɑn funɛ wunɑ. Bɑ mɑn sekuru doke, bɑ mɑn kɑm mɛɛrɑ. A mɑɑ nɛn yibɛrɛbɑ kpuro yɛ̃.

Mɔnnu 21:13

Wi u yinɑ u sɑ̃ɑron wuri nɔ, bɑ ǹ mɑɑ win tiiɡii nɔɔmɔ ù n somiru kɑnɑmɔ.

Wɑɑsu kowo 9:11

Nɑ mɑɑ wɑ hɑnduniɑ ye sɔɔ, n ǹ mɔ be bɑ dukɑ mɔ tɔnɑwɑ bɑ rɑ ɡɑrɑsɑ di bɑɑdommɑ. N ǹ mɑɑ mɔ tɑbu durɔ dɑmɡibu tɔnɑwɑ bɑ rɑ tɑbu di bɑɑdommɑ. Mɛyɑ n ǹ mɑɑ mɔ bwisiɡibɑ bɑ rɑ dĩɑnu wɑ bɑ kun wɑhɑlɑ kue. N ǹ mɑɑ mɔ lɑɑkɑriɡibu tɔnɑwɑ bɑ rɑ ko ɡobiɡibu bɑɑdommɑ. N ǹ mɑɑ yɛ̃ruɡibu tɔnɑ tɔmbu bɑ rɑ bɛɛrɛ wɛ̃. Domi be kpurowɑ kɔ̃sɑ kɑ ɡeɑ yɑ rɑ deemɛ.

Esɑi 58:7

I bɛɛn dĩɑnu bɔnu koowo kɑ wi u kun mɔ u di, kpɑ i be bɑ kun wɑ̃ɑ yeru mɔ nɛnɛ bɛɛn yɛnuɔ. Ì n ɡoo wɑ u sĩimɔ tereru, i nùn yɑ̃nu wɛ̃ɛyɔ u sebe, kpɑ i ku mɑɑ bɛɛn winsim biru kisi.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Osee 6:9

Nɡe mɛ swɑɑ diobu bɑ rɑ n swɑɑ mɑrɑ, nɡe mɛyɑ yɑ̃ku kowobun wuuru tɑ wɑ̃ɑ Sikɛmun swɑɑɔ tɑ tɔmbu ɡoomɔ.

Mɑlɑsi 1:10

N burɑm bo bɛɛn turo u dɑ u nɛn sɑ̃ɑ yerun ɡɑmbobɑ kɛnɛ. Kpɑ i ku kɑ dɔ̃ɔ sɔ̃re kɑm sɔɔ nɛn yɑ̃ku yerɔ. Nɑ ǹ nuku dobu mɔ bɛɛ sɔɔ. Mɛyɑ yɑ̃ku ni i mɑɑ mɑn kuɑmmɛ nu ǹ mɑn wɛ̃remɔ.

Luku 10:30

Yesu u nɛɛ, ɑ swɑɑ dɑkio ɑ nɔ, durɔ ɡoowɑ u wee Yerusɑlɛmun di u dɔɔ Yerikoɔ, mɑ u wɔri ɡbɛnɔbun nɔmɑ sɔɔ. Gbɛnɔ be, bɑ nùn swɑɑ di, bɑ nùn so, mɑ bɑ doonɑ bɑ nùn deri u wɑsikirɑmɔ.

Luku 10:32

Mɛnɑ mɑɑ Lefi ɡoo u turɑ yɑm mi. U nùn wɑ mɑ u sɛ̃ɛnɑ u doonɑ.

Rutu 2:3

Mɑ u seewɑ u dɑ ɡoon ɡberɔ u ɔɔsu kunɔnu mɔ̀, u kɑ be bɑ ɔɔsu ɡɛ̃ɛmɔ swĩi. N deemɑ ɡbee te, tɑ sɑ̃ɑwɑ Boɑsiɡiru Elimɛlɛkin dusi.