Luku 1:51 - Bibeli Gusunɔn Gari

⁵¹ U win dɑm sɔ̃ɔsi, mɑ u be bɑ tii suɑbun bwisikunu mɔ yɑrinɑsiɑ.

Luku 1:51 ပူးပေါင်းရင်းမြစ်များ

Torubu 11:8

Yerɑ Yinni Gusunɔ u bu yɑrinɑsiɑ n tomɑ min di, bɑ wuu ɡen bɑnɑ deri bɑ dɑ bɑ pusɑ tem kpuro sɔɔ.

Torubu 6:5

Domi u wɑ tɔmbun dɑɑ kɔ̃sɑ kpɛ̃ɑ hɑnduniɑ sɔɔ. Ben ɡɔ̃run bwisikunu nu rɑ n wɑ̃ɑwɑ kɔ̃sɑ sɔɔ bɑɑdommɑ.

Torubu 8:21

Mɑ Yinni Gusunɔ u yɑ̃ku ni mwɑ mɑ u tii sɔ̃ɔwɑ u nɛɛ, nɑ ǹ kon mɑɑ tem bɔ̃rusi tɔnun sɔ̃. Domi tɔnun ɡɔ̃run bwisikunu sɑ̃ɑwɑ kɔ̃sunu sɑɑ win birun di. Nɑ ǹ mɑɑ hunde konibɑ kpuro kpeerɑsiɑmɔ nɡe mɛ nɑ kuɑ.

Womusu 118:15

Nɑsɑrɑn kuuki yi nɔɔrɑmɔ ɡemɡibun yɛnusɔ. Yinni Gusunɔn dɑm mu sɔ̃ɔsirɑ.

Womusu 33:10

Yinni Gusunɔ u rɑ bwesenun himbɑ ɡɔsie, kpɑ yu kɑm ko mɑm mɑm.

Womusu 52:9

durɔ winiwɑ u yinɑ Gusunɔ u nùn kɔ̃su, mɑ u win nɑɑnɛ doke win dukiɑ sɔɔ, u tii kɔ̃su win bwisi sɔɔ.

Womusu 63:5

Kon nun siɑrɑ nɛn wɑ̃ɑru kpuro sɔɔ, kpɑ n nɔmɑ suɑ wɔllɔ n kɑ nun sɑ̃.

Womusu 89:10

Wunɑ ɑ rɑ nim wɔ̃kun tii suɑbu yɔ̃rɑsie. Gen nim kurenu nù n seewɑ, ɑ rɑ nu suresie.

Womusu 89:13

Wunɑ ɑ sɔ̃ɔ yɛ̃sɑn nɔm ɡeu kɑ nɔm dwɑru kuɑ. Guu ni bɑ mɔ̀ Tɑbori kɑ Hɛɛmɔɔ nu wunɛn yĩsiru bɛɛrɛ wɛ̃ɛmɔ.

Womusu 98:1

I Yinni Gusunɔ wom kpɔɔ kuo, domi u sɔm mɑɑmɑɑkiɡinu kuɑ. Win dɑm sɑɑbu u nɑsɑrɑ wɑ.

Yɑribu 18:11

Tɛ̃ nɑ ɡiɑ mɑ wiyɑ u bũnu kpuro kere. Domi u derɑ Eɡibitiɡibun nuku kɔ̃surɑ wɔri ben tii sɔɔ.

Esɑi 40:10

U wee kɑ dɑm u woodɑ wɛ̃ɛmɔ. U win tɔn be u yɑkiɑmɑ kpɑre win wuswɑɑɔ.

Esɑi 51:9

A dom yɑndo kpɑ ɑ wunɛn nɔmun dɑm sɔ̃ɔsi, nɡe yellu sɑnɑm mɛ ɑ Eɡibitiɡibu tɑbu di, mɑ ɑ ben sunɔ wi u sɑ̃ɑ nɡe yɑɑ ɡɔbɑ ɡo.

Esɑi 52:10

U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.

Esɑi 63:12

Mɑ u Mɔwisi kpɑrɑ kɑ win dɑm bɑkɑm. U nim burɑnɑ bɛsɛn wuswɑɑɔ u n kɑ yĩsi bɛɛrɛɡiru yɑrɑ sere kɑ bɑɑdommɑɔ.

Yeremi 49:15

Domi nɛ, Yinni Gusunɔ, kon bu ko dɑ̃ɑkobu bwesenu kpuro sɔɔ, be tɔmbɑ ko n ɡɛmɑ.

Romu 1:21

Bɑ Gusunɔ yɛ̃ ɑdɑmɑ bɑ ǹ nùn win sinɑndun bɛɛrɛ wɛ̃ bu sere nùn siɑrɑ. Mɑ ben wirɑ ɡu mɑ yɑm wɔ̃kurɑ yibɑ ben ɡɔ̃ru bwisi sɑriruɡisu sɔɔ.

Korinti II 10:5

kɑ tii suɑbu kpuro bi tɔmbɑ mɔ̀ bu ku kɑ Gusunɔ ɡiɑ. Sɑ tɔmbun bwisikunu kpuro dɔɔrɛ mɔ̀ nu kɑ wɑ nu Kirisi mɛm nɔɔwɑ.

Sɔ̃ɔsiru 4:34

Yinni ɡoo u win tɔmbu wɔrɑre ben yibɛrɛbɑn nɔmɑn di kɑ win dɑm bɑkɑm, kɑ lɑɑkɑri mɛɛribu, kɑ yĩrenu, kɑ sɔm mɑɑmɑɑkiɡinu, kɑ tɑbu, kɑ win dɑm kɑ ɡɑ̃ɑ nɑnumɡinu nɡe mɛ Gusunɔ bɛsɛn Yinni u Eɡibitiɡibu kuɑ bɛɛn wuswɑɑɔ?

Piɛɛ I 5:5

Mɛyɑ mɑɑ, bɛɛ ɑluwɑɑsibɑ, i yiɡbɛ ɡuro ɡurobu wiru kpĩiyɔ. Bɛɛ kpuro i tii kɑwɑbu sebuo nɡe yɑberu bɛɛn wɑ̃ɑsinɑɑ sɔɔ, domi Gusunɔn ɡɑri ɡerumɔ, “Gusunɔ kun wɑ̃ɑ be bɑ tii suen biruɔ, ɑdɑmɑ u tii kɑwobu durom kuɑmmɛ.”

Kɑ̃siru 18:8

Yen sɔ̃, yen ɡbee swɑ̃ɑrɑ koo ye deemɑ sɔ̃ɔ teerun sɔ̃ɔ, bɑrɑnu kɑ nuku sɑnkirɑnu kɑ mɑɑ ɡɔ̃ɔru, kpɑ yu dɔ̃ɔ mwɑɑrɑ muku muku. Domi Yinni Gusunɔ wi u ye siri u sɑ̃ɑ dɑmɡii.