Luku 1:26 - Bibeli Gusunɔn Gari

^26-27 Elisɑbɛtin ɡurɑn suru nɔɔbɑ tiɑse, Gusunɔ u win ɡɔrɑdo Gɑbiriɛ ɡɔrɑ Nɑsɑrɛtiɔ, Gɑlilen tem sɔɔ wɔndiɑ ɡoon mi, wi u kun durɔ yɛ̃. Wɔndiɑ win durɔ kɛ̃ɛro Yosɛfu u sɑ̃ɑwɑ Dɑfidi sinɑ bokon bweseru. Wɔndiɑ win tiin yĩsirɑ Mɑɑri.

Luku 1:26 ပူးပေါင်းရင်းမြစ်များ

Dɑniɛli 8:16

Mɑ nɑ mɑɑ ɡoon nɔɔ nuɑ dɑɑ te bɑ mɔ̀ Ulɑin suunun di. U nɔɔɡiru suɑ u nɛɛ, Gɑbiriɛ, ɑ durɔ wini kɑ̃si te tubusio.

Mɑteu 2:23

Mɑ u dɑ u sinɑ wuu ɡe bɑ sokumɔ Nɑsɑrɛtiɔ, kpɑ Gusunɔn sɔmɔbun ɡɑri yi kɑ koorɑ yi yi nɛɛ, “Bɑ koo nùn sokuwɑ Nɑsɑrɛtiɡii.”

Luku 1:19

Mɑ ɡɔrɑdo wi, u nùn wisɑ u nɛɛ, nɛnɑ Gɑbiriɛ, nɛ wi nɑ rɑ n yɔ̃ Gusunɔn wuswɑɑɔ. Bɑ mɑn ɡɔrimɑwɑ n kɑ nun ɡɑri ko kpɑ n kɑ nun lɑbɑɑri ɡeɑ ye nɔɔsiɑ.

Luku 2:39

Sɑnɑm mɛ bɑ bɑɑyere kuɑ bɑ kpɑ nɡe mɛ Yinni Gusunɔn woodɑ, bɑ ɡɔsirɑ Nɑsɑrɛti ben wuuɔ Gɑlilen temɔ.

Luku 2:4

Yosɛfu u mɑɑ seewɑ Gɑlilen wuu ɡɑɡun di ɡe bɑ rɑ soku Nɑsɑrɛti, u dɑ Yudeɑn temɔ sere Dɑfidin wuuɔ ɡe bɑ rɑ nɛɛ Bɛtelehɛmu yèn sɔ̃ u sɑ̃ɑ Dɑfidin sikɑdobu,

Yohɑnu 7:41

Mɑ ɡɑbɑ mɑɑ ɡeruɑ mɑ wiyɑ Kirisi wi. Adɑmɑ ɡɑbɑ nɛɛ, mɑ ɡiɑn diyɑ! N ko n koorɑ Kirisi u yɑrimɑ sɑɑ Gɑlilen di?