Kpɑrobu 3:4 - Bibeli Gusunɔn Gari

⁴ Yinni Gusunɔwɑ u derɑ bɑ wɑ̃ɑ Isirelibɑn suunu sɔɔ kpɑ u n dɑ kɑ Isireli ben lɑɑkɑri mɛɛri. Sɑɑ ye sɔɔrɑ u koo ɡiɑ bɑ̀ n koo win woodɑbɑ swĩi ye u ben bɑɑbɑbɑ wɛ̃ sɑɑ Mɔwisin min di.

Kpɑrobu 3:4 ပူးပေါင်းရင်းမြစ်များ

Yɑribu 15:25

Mɔwisi u Yinni Gusunɔ nɔɔɡiru sue. Mɑ Yinni Gusunɔ u nùn dɛkɑ ɡɑɑ sɔ̃ɔsi. Ye u dɛkɑ ye suɑ u kɑre nim mɛ sɔɔ, mɑ mu dorɑ. Miyɑ Yinni Gusunɔ u win tɔmbu woodɑbɑ wɛ̃ kɑ woronu. Miyɑ u mɑɑ ben lɑɑkɑri mɛɛrɑ.

Korinti I 11:19

Domi n ǹ koo ko kɑrɑnɑɑ yɑ kun wɑ̃ɑ bɛɛn suunu sɔɔ, kpɑ be bɑ sɑ̃ɑ ɡeeɡibu bu kɑ sɔ̃ɔsirɑ.

Sɔ̃ɔsiru 33:8

Lefin bwese kɛrɑn sɔ̃ u nɛɛ, Yinni Gusunɔ, wunɑ ɑ wunɛn sɔm kowobu Lefibɑ urimu kɑ tumimu nɔmu bɛriɑ. A ben lɑɑkɑri mɛɛrɑ Mɑsɑɔ, mɑ ɑ bu siri Mɛribɑn bwiɑn ɡɑri sɔɔ.

Sɔ̃ɔsiru 8:2

I yɑɑyo sɑnum bɑkɑm mɛ Gusunɔ bɛsɛn Yinni u derɑ sɑ sĩɑ ɡbɑburɔ sere wɔ̃ɔ weeru. Mɑ u bɛsɛn lɑɑkɑri mɛɛrɑ, u derɑ sɑ nɔni sɔ̃ɔrɑ su kɑ tii kɑwɑ kpɑ u kɑ bɛsɛn ɡɔ̃run bwisikunu ɡiɑ, kpɑ u wɑ sɑ̀ n ko win woodɑ mɛm nɔɔwɑn nɑ, ǹ kun mɛ su ye yinɑ.

Kpɑrobu 2:22

Bwese niyɑ kon kɑ ben lɑɑkɑri mɛɛri, kpɑ n wɑ bɑ̀ n koo lɑsɑbu ko, bu nɛn swɑɑ swĩi, nɡe mɛ ben bɑɑbɑbɑ bɑ kuɑ.

Kpɑrobu 3:1

Yinni Gusunɔ u bwese ni nu tie deri Isirelibɑn suunu sɔɔ, u n dɑ kɑ ben lɑɑkɑri mɛɛri be bɑǹ tɑbu koore nɡe ben bɑɑbɑ be bɑ Kɑnɑnin tem mwɑ.