Kpɑrobu 3:20 - Bibeli Gusunɔn Gari

²⁰ Sɑɑ ye sɔɔ, sinɑ boko u sɔ̃ ɡidɑmbisɑn dii woo durɔruɡiru ɡɑru sɔɔ te bɑ kuɑ wi turon sɔ̃. Ehudu u nùn susi u nɛɛ, ɡɑri yi nɑ mɔ yi weewɑ Gusunɔn min di. Mɑ Eɡoloni u seewɑ sɑɑ win kitɑrun di u yɔ̃rɑ.

Kpɑrobu 3:20 ပူးပေါင်းရင်းမြစ်များ

Nɛɛmi 8:5

Tɔmbu kpuro bɑ nùn wɑɑmɔ. Domi u yɔ̃wɑ u bu ɡunum kere. Sɑnɑm mɛ u tire te wukiɑ tɔn ben nɔni biru, yerɑ bɑ seewɑ bɑ yɔ̃rɑ.

Womusu 29:1

Dɑfidin womu. Bɛɛ be i wɑ̃ɑ wɔllɔ, i Yinni Gusunɔ siɑro win yiiko kɑ win dɑm sɔ̃.

Yeremi 10:7

Wunɑ ɑ sɑ̃ɑ bwesenu kpuron sinɑ boko. Wɑrɑ u ǹ koo nun nɑsiɑ. Wunɑ ɑ yiiko kpuro mɔ. Bwesenu kpuron bwisiɡibu sɔɔ, ɡoo sɑri wi u kɑ nun weenɛ.

Yeremi 36:22

N deemɑ sɑɑ ye, purɑn sɑɑwɑ. Wɔ̃ɔn suru nɔɔbɑ nnɛse sɔɔrɑ mɛ. Mɑ u deemɑ sinɑ boko u sɔ̃ u dɔ̃ɔ wɔ̃su win diru mi u rɑ sinɛ purɑn sɑɑ.

Amɔsu 3:15

Kon bɛɛn diɑ mi i rɑ n wɑ̃ɑ yɑm susurun sɑɑ kɑ purɑn sɑɑ kɔsuku. Kpɑ n bɛɛn sinɑ kpɑɑnu kɑm koosiɑ ni, ni bɑ burɑru koosi kɑ suunu donnu, kɑ sere dii ɡee ni nu tie. Nɛ, Yinni Gusunɔwɑ nɑ yeni ɡeruɑ.

Misee 6:9

Yinni Gusunɔ u kɑ Yerusɑlɛmuɡibu yɑ̃. Wi u bwisi mɔ, u koo nùn nɑsiɑ. Bɛɛ Yudɑbɑ, i de nɛn siribu bu bɛɛ yeeri.

Gbɑburu 23:18

Mɑ Bɑlɑmu u nɛɛ, Bɑlɑki, ɑ seewo ɑ swɑɑ dɑki. Wunɛ Siporin bii, ɑ swɑɑ tem kpĩiyɔ ɑ nɔ.

Kpɑrobu 3:19

Adɑmɑ sɑnɑm mɛ bɑ turɑ kpee kɔrɑ yeru ɡɑrun mi, Giliɡɑlin bɔkuɔ, yerɑ Ehudu u ɡɔsirɑmɑ u nɑ sinɑ boko win mi, u nùn sɔ̃ɔwɑ u nɛɛ, yinni, nɑ ɡɑri ɑsiriɡii ɡɛɛ mɔ kon nun sɔ̃. Mɑ sinɑ boko u nɛɛ, win sinɑ bwɑ̃ɑbu bu ɡinɑ yɑrio be kpuro.

Kpɑrobu 3:21

Sɑnɑm mɛyɑ Ehudu u win nɔm dwɑɑ ye dɛmiɑ u tɑkobi ye womɑ sɑɑ win yɛ̃si nɔm ɡeu ɡiɑn di, u sunɔ wi sɔkɑ nukurɔ.