Kpɑrobu 2:5 - Bibeli Gusunɔn Gari

⁵ Yen sɔ̃nɑ bɑ yɑm mi sokɑ Bokimu. Miyɑ bɑ Yinni Gusunɔ yɑ̃kunu kuɑ.

Kpɑrobu 2:5 ပူးပေါင်းရင်းမြစ်များ

Torubu 35:8

Yɑm miyɑ Deborɑ wi u Rebekɑ nɔɔri birun di u ɡu. Mɑ bɑ nùn sikuɑ Betɛlin ɡuurun nuurɔ dɑ̃ɑ bɑkɑru ɡɑrun korɔ. Yen sɔ̃nɑ bɑ dɑ̃ɑ te sokɑ ɡɔɔ wurin dɑ̃ru.

Yosue 7:26

Mɑ bɑ kpenu ɡurɑ bɑ nin tɑkɑnu kuɑ ben wɔllɔ te tɑ wɑ̃ɑ mi sere kɑ ɡisɔ. Ye kpuron sɔ̃nɑ bɑ yɑm mi sokumɔ Akɔɔn wɔwɑ sere kɑ ɡisɔn ɡisɔ. Yĩsi ten tubusiɑnɑ, nɔni swɑ̃ɑrun wɔwɑ. Sɑɑ yerɑ Yinni Gusunɔn mɔru yɑ sure.

Kpɑrobu 13:19

Sɑɑ yerɑ Mɑnɔɑ u boo kpɛmu suɑ kɑ dĩɑnu ɡɑnu u yi kperu wɔllɔ u kɑ Yinni Gusunɔ yɑ̃kuru kuɑ, wi, wi u rɑ mɑɑmɑɑki ko. Sɑɑ ye Mɑnɔɑ kɑ win kurɔ bɑ yɑ̃ku te mɛɛrɑ,

Kpɑrobu 2:1

Sɔ̃ɔ teeru Yinni Gusunɔn ɡɔrɑdo u seewɑ Giliɡɑlin di u dɑ Bokimuɔ. Mɑ Gusunɔ u Isirelibɑ sɔ̃ɔwɑ sɑɑ ɡɔrɑdo win nɔɔ sɔɔn di u nɛɛ, nɑ bɛɛ yɑrɑmɑ Eɡibitin di nɑ kɑ bɛɛ nɑ tem mɛ sɔɔ, mɛ nɑ bɛɛn bɑɑbɑbɑ nɔɔ mwɛɛru kuɑ kɑ bɔ̃ri. Nɑ nɛɛ, nɑǹ nɛn ɑrukɑwɑni kusiɑmɔ pɑi ye nɑ kɑ bɛɛ bɔkuɑ.

Kpɑrobu 2:4

Sɑɑ ye Yinni Gusunɔn ɡɔrɑdo wi, u ɡɑri yi ɡeruɑ u kpɑ, yerɑ Isirelibɑ kpuro bɑ nɔɔɡiru suɑ bɑ swĩ.

Kpɑrobu 2:6

Sɑnɑm mɛ Yosue u wɑ̃ɑ wɑ̃ɑru sɔɔ, u derɑ Isireli bɑɑwure u dɑwɑ u win tem mwɑ mɛ mu kuɑ wiɡim.

Kpɑrobu 6:24

Mɑ Gedeoni u nùn yɑ̃ku yeru bɑniɑ mi, mɑ u tu yĩsiru kɑ̃, Yinni Gusunɔ u rɑ bɔri yɛndu wɛ̃. Yɑ̃ku yee te, tɑ wɑ̃ɑ mi sere kɑ ɡisɔ Ofɑrɑɔ Abiesɛɛbɑn temɔ.

Sɑmuɛli I 7:9

Mɑ Sɑmuɛli u yɑ̃ɑ kinɛru suɑ te tɑ bom nɔrumɔ u kɑ tu Yinni Gusunɔ yɑ̃ku dɔ̃ɔ mwɑɑrɑruɡiru kuɑ. U mɑɑ nùn kɑnɑ Isirelibɑn sɔ̃, mɑ u nùn wurɑri.