Kpɑrobu 2:17 - Bibeli Gusunɔn Gari

¹⁷ Kɑ mɛ, bɑ ku rɑ kpɑro ben ɡere wure. Bɑǹ kɑ Gusunɔ turo yɔ̃re. Bũnɑ bɑ rɑ sɑ̃. Mii mii bɑ swɑɑ ye deri ye ben bɑɑbɑbɑ bɑ rɑɑ swĩi. Bɑǹ mɑɑ Yinni Gusunɔn woodɑ mɛm nɔɔwɛ.

Kpɑrobu 2:17 ပူးပေါင်းရင်းမြစ်များ

Womusu 106:39

Bɑ disi duurɑ ben kookoosun sɔ̃. Domi su derɑ bɑ rɑ n bũnu ɡɑsirimɔ.

Womusu 106:43

Nɔn dɑbinɑ ɑ bu yɑkiɑ. Adɑmɑ bɑ yɔ̃rɑriwɑ bɑ n nun seesi. Mɑ bɑ kuɑ wɔnwɔndobu ben durum sɔ̃.

Womusu 73:27

Wee be bɑ kɑ nun tondɑ bɑ ɡbimɔ. Mɛyɑ ɑ be bɑ nun deri ɡo.

Yɑribu 32:8

Bɑ swɑɑ ye deri kɔ ye nɑ nɛɛ bu swĩi. Wee bɑ tii wurɑn bwɑ̃ɑroku kuɑ ɡe ɡɑ kɑ nɑɑ buu weenɛ. Mɑ bɑ yiirɑ bɑ ɡu yɑ̃kuru koosi. Bɑ nɛɛ, ɡeyɑ ɡɑ ben yinni wi u bu yɑrɑmɑ sɑɑ Eɡibitin di.

Yeremi 3:6

Yudɑbɑn sinɑ boko Yosiɑsin wɑɑti sɔɔ, Yinni Gusunɔ u Yeremi sɔ̃ɔwɑ u nɛɛ, ɑ wɑ ye Isirelibɑ bɑ mɔ̀? Bɑ sɑ̃ɑwɑ mɛm nɔɔ sɑribɑ. Wee, bɑ dɑ mi ɡunɡunu kɑ dɑ̃ɑ kubenu wɑ̃ɑ kpuro, bɑ bũnu sɑ̃ɑmɔ.

Yeremi 6:16

Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.

Osee 2:2

Yudɑbɑ kɑ Isirelibɑ bɑ koo mɛnnɑ sɑnnu kpɑ bu ɡoo ɡɔsi u n sɑ̃ɑ be kpuron sunɔ. Domi bɑ koo dɑbiɑ bu tɛriɑ tem mɛ kpuro sɔɔ. Yen dɔmɑ te, tɔ̃ɔ bɑkɑrɑ Yisirɛɛliɔ.

Sɑ̃ɑrun Woodɑ 17:7

Nɡe mɛyɑ Isirelibɑ bɑ ǹ mɑɑ kɑ bũnu yɑ̃kuru kuɑmmɛ nìn bwɑ̃ɑrokunu nu kɑ bonu weenɛ. Yeni yɑ ko n wɑ̃ɑwɑ ben tiin sɔ̃ kɑ ben bibun bibun sɔ̃ sere kɑ bɑɑdommɑɔ.

Amɔsu 2:4

Nɛ, Yinni Gusunɔ nɑ nɛɛ, Yudɑbɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ nɛn woodɑbɑ yinɑ. Bɑ ǹ ye mɛm nɔɔwɛ. Mɑ bɑ bũnun weesu swĩi, ni ben bɑɑbɑbɑ bɑ rɑɑ swĩi. Mɑ nu derɑ bɑ ɡɛrɑ nɛn swɑɑn di.

Gɑlɑti 1:6

N mɑn biti kuɑ, wee, i yɛ̃ro derimɔ fuuku fuuku wi u bɛɛ sokɑ kɑ Kirisin durom, mɑ i kĩ i Lɑbɑɑri ɡeɑ ɡɑɑ swĩi.

Sɔ̃ɔsiru 31:16

Yinni Gusunɔ u Mɔwisi sɔ̃ɔwɑ u nɛɛ, wee kɑɑ wurɑ ɑ wunɛn sikɑdobɑ deemɑ. Wunɛn biru, Isirelibɑ bɑ koo mɑn deri kpɑ bu nɛn ɑrukɑwɑni kusiɑ ye nɑ kɑ bu bɔkuɑ kpɑ bu dɑ bu bũnu ɡɑsiri bu sɑ̃ tem mi bɑ duɔ mi sɔɔ.

Sɔ̃ɔsiru 31:18

Kɑ ɡem nɛ, Yinni Gusunɔ kon bu biru kisi n bu deri. Domi bɑ kɔ̃sɑ kuɑ bɑ bũnu sɑ̃wɑ.

Sɔ̃ɔsiru 9:12

Mɑ u mɑn sɔ̃ɔwɑ u nɛɛ, n seewo kpɑ n sɑrɑ fuuku fuuku. Domi bɛɛ nɛn tɔn be nɑ yɑrɑmɑ Eɡibitin di, i kɔ̃sɑ kuɑ. I ɡɛrɑ fuuku win swɑɑn di ye u bɛɛ sɔ̃ɔsi. I sisu yɑniɑ i kɑ tii bwɑ̃ɑroku kuɑ.

Sɔ̃ɔsiru 9:16

Mɑ nɑ mɛɛrɑ nɑ deemɑ wee, i Gusunɔ bɛsɛn Yinni torɑriwɑ kɑ ɡem. I sisu yɑniɑ i kɑ tii bwɑ̃ɑroku kuɑ ɡɑ kɑ nɑɑ buu weenɛ. Geemɑ, i ɡɛrɑwɑ fuuku fuuku win swɑɑn di ye u bɛɛ sɔ̃ɔsi.

Yosue 24:24

Mɑ tɔn be, bɑ Yosue sɔ̃ɔwɑ bɑ nɛɛ, Gusunɔ bɛsɛn Yinniwɑ sɑ ko sɑ̃, kpɑ su nùn mɛm nɔɔwɑ.

Yosue 24:31

Isirelibɑ bɑ Yinni Gusunɔ sɑ̃wɑwɑ Yosuen wɑɑti ye kpuro sɔɔ kɑ mɑɑ ɡuro ɡuro be u derin wɑɑti sɔɔ, be bɑ yɛ̃ ye Yinni Gusunɔ u be Isirelibɑ kuɑ ɡesi.

Kpɑrobu 2:7

Tɔn be, bɑ Yinni Gusunɔ sɑ̃wɑ Yosuen wɑɑti kpuro sɔɔ kɑ mɑɑ ɡuro ɡuro be u derin wɑɑti sɔɔ, be bɑ sɔm mɑɑmɑɑkiɡinu kpuro wɑ ni Yinni Gusunɔ u Isirelibɑ kuɑ.

Kpɑrobu 8:33

Win ɡɔɔn biru Isirelibɑ bɑ kpɑm Yinni Gusunɔn sɑ̃ɑru deri, bɑ bũu ni bɑ mɔ̀ Bɑɑlibɑ sɑ̃ɑmɔ. Mɑ bɑ Bɑɑli Beriti kuɑ ben bũu.

Sɑmuɛli I 12:12

Adɑmɑ sɑnɑm mɛ i wɑ mɑ Amɔnibɑn sunɔ Nɑkɑsi u bɛɛ tɑbu wɔrim wee, yerɑ i mɑn sɔ̃ɔwɑ i nɛɛ, sunɔwɑ i kĩ u bɛɛ kpɑrɑ, bɑɑ mɛ Yinni Gusunɔ u bɑndu dii bɛɛn suunu sɔɔ.

Sɑmuɛli I 12:17

N ǹ doo ɡɛ̃ɛrun sɑɑwɑ sɑ wɑ̃ɑ mi tɛ̃? Kon Yinni Gusunɔ kɑnɑ u de ɡurɑ yu nɛ kɑ ɡbɑ̃sukunu. Sɑnɑm mɛyɑ i ko ɡiɑ mɑ durum bɑkɑ i kuɑ win mi, ye i kɑ tii sunɔ bikiɑ.

Sɑmuɛli I 12:19

Mɑ be kpuro bɑ Sɑmuɛli sɔ̃ɔwɑ bɑ nɛɛ, ɑ Gusunɔ wunɛn Yinni kɑnɔ bɛsɛ wunɛn bwɑ̃ɑbun sɔ̃ kpɑ su ku rɑ ɡbi yèn sɔ̃ sɑ kpɑm durum sosi bɛsɛn durum ɡurɑ sɔɔ domi sɑ tii sunɔ bikiɑ.