Kpɑrobu 2:12 - Bibeli Gusunɔn Gari

^12-13 Bɑ Gusunɔ ben bɑɑbɑbɑn yinni deri wi u bu yɑrɑmɑ Eɡibitin di. Mɑ bɑ be bɑ bu sikerenɛn bũu ni bɑ mɔ̀ Bɑɑlibɑ kɑ Asitɑɑtebɑ sɑ̃ɑmɔ bɑ nu wiru kpĩiyɑmmɛ. Yerɑ n derɑ Yinni Gusunɔn mɔru seewɑ.

Kpɑrobu 2:12 ပူးပေါင်းရင်းမြစ်များ

Womusu 106:36

Mɑ bɑ nin bũnu sɑ̃wɑ. Mɑ nu kuɑ ben yinɑ.

Womusu 78:58

Bɑ win mɔru seeyɑ kɑ ben bũu turɑnu. Bɑ win nisinu seeyɑ kɑ ben bwɑ̃ɑrokunu.

Yɑribu 13:14

Bɑɑ siɑ bɛɛn bibu bɑ̀ n dɑ bɛɛ bikiɑ bɑ nɛɛ, mbɑ yenin tubusiɑnu, kpɑ i bu wisi i nɛɛ, tɔ̃ɔ te Yinni Gusunɔ u sun yɑrɑmɑ kɑ win dɑm bɑkɑm Eɡibitin di, mi sɑ rɑɑ yoru di, terɑ sɑ yɑɑyɑmɔ mi.

Yɑribu 13:16

Yeni yɑ ko n sɑ̃ɑwɑ nɡe yĩre te bɑ yoruɑ nɔmɑɔ kɑ sirikɑnɑɔ kpɑ tɑ n sun yɑɑyɑsie mɑ dɑm bɑkɑmɑ Yinni Gusunɔ u kɑ sun yɑrɑ sɑɑ Eɡibitin di.

Yɑribu 13:3

Mɔwisi u Isirelibɑ sɔ̃ɔwɑ u nɛɛ, i n dɑ tɔ̃ɔ te yɑɑye tè sɔɔ Gusunɔ u bɛɛ yɑrɑmɑ kɑ win dɑm bɑkɑm sɑɑ Eɡibitin di, mi i yoru di. Yen sɔ̃, ì n tɔ̃ɔ ten yɑɑ dibu dimɔ, i ku rɑ pɛ̃ɛ ye bɑ seeyɑtiɑ doke di.

Yɑribu 13:9

Yeni yɑ ko n sɑ̃ɑwɑ nɡe yĩre te bɑ yoruɑ nɔmɑɔ, ǹ kun mɛ sirikɑnɑɔ, kpɑ i n Yinni Gusunɔn woodɑbɑ yɑɑyɑmɔ bɛɛn fɑɑɡi sɔɔ. Domi wiyɑ u bɛɛ yɑrɑmɑ kɑ win dɑm bɑkɑm Eɡibitin di.

Yɑribu 20:5

I ku rɑ yiirɑ i bwɑ̃ɑroku ɡɑɡu sɑ̃, domi nɛnɑ bɛɛn Yinni wi u rɑ n wɑ̃ɑ. Nɛ, Yinni nisinuɡiiwɑ, nɛ wi nɑ rɑ bɑɑbɑbɑn durum mɔɔru mwɛ ben bibun mi be bɑ mɑn tusɑn suunu sɔɔ sere kɑ ben sikɑdominun bibɔ.

Yeremi 16:11

Sɑɑ ye sɔɔrɑ kɑɑ bu wisi ɑ nɛɛ, ben bɑɑbɑbɑ bɑ mɑn deri, mɑ bɑ dɑ bɑ bũnu sɑ̃wɑ bɑ yiirɑ nin nuurɔ, mɑ bɑ mɑn biru kisi, bɑ ǹ nɛn woodɑbɑ mɛm nɔɔwɛ.

Sɔ̃ɔsiru 13:5

Gusunɔ bɛsɛn Yinni turowɑ i ko i kɑsu kpɑ i nùn nɑsiɑ. I win woodɑbɑ nɔni dokeo, i nùn mɛm nɔɔwɑ, kpɑ i nùn sɑ̃ kpɑ i n kɑ nùn mɑninɛ.

Sɔ̃ɔsiru 29:18

Wi u ɑrukɑwɑni yen ɡɑri nuɑ ye bɑ bɔkuɑ kɑ bɔ̃ri mi, u ku tii suɑ win ɡɔ̃ruɔ u nɛɛ, u koo bɔri yɛndu wɑ bɑɑ ù n win tiin kĩru mɔ̀, kpɑ u de ɡoo u wɔri bũu sɑ̃ɑru sɔɔ.

Sɔ̃ɔsiru 29:25

Mɑ bɑ bũnu sɑ̃ɑru wɔri ni bɑ ǹ dɑɑ yɛ̃ ni Yinni Gusunɔ u bu yinɑri.

Sɔ̃ɔsiru 32:15

Ye bɑ debɑ bɑ kpɑ mɑ bɑ Gusunɔ seesi. Ye bɑ bɔriɑ bɑ kpɑ, yerɑ bɑ wi, Gusunɔ ben tɑkɑ kowo deri. Mɑ bɑ nùn ɡɛmɑ wi, wi u sɑ̃ɑ ben fɑɑbɑ kowo.

Sɔ̃ɔsiru 33:17

Yosɛfun bwese kɛrɑ ye, yɑ bɛɛrɛ mɔ. Yɑ dɑm mɔ nɡe kɛtɛ kinɛru. Yen dɑm mu sɑ̃ɑwɑ nɡe ɡbeeku kɛtɛn kɔbin dɑm. Dɑm mɛyɑ yɑ rɑ kɑ bwese tukunu so, kpɑ yu nu ɡirɑ. Efɑrɑimun tɔn dɑbirɑ tɑ sɑ̃ɑ nɡe kɔbi yin tiɑ, mɑ Mɑnɑsen tɔn dɑbirɑ mɑɑ sɑ̃ɑ nɡe kɔbi yin yiruse.

Sɔ̃ɔsiru 4:25

Ì n sinɑ n kɑ tɛ tem mɛ Gusunɔ bɛsɛn Yinni u bɛɛ nɔɔ mwɛɛru kuɑ sɔɔ, mɑ i bibu kɑ debuminu wɑ, i ku rɑ nùn torɑri i tii bwɑ̃ɑrokunu kuɑ ni nu kɑ ɡɑ̃ɑnu weenɛ, i ku mɑɑ kɔ̃sɑ ɡɑɑ ko ye yɑ koo win mɔru seeyɑ.

Sɔ̃ɔsiru 5:9

Su ku rɑ yiirɑ su nu sɑ̃. Domi wi, Gusunɔ bɛsɛn Yinni u sɑ̃ɑwɑ nisinuɡii. U rɑ bɑɑbɑbɑn durum mɔɔru mwɛ ben bibun mi, be bɑ nùn tusɑn suunu sɔɔ sere kɑ ben bibun bibɔ.

Sɔ̃ɔsiru 6:12

I ko i dĩɑnu wɑ siki siki i n dimɔ. Adɑmɑ i n tii sɛ kpɑ i ku rɑ Gusunɔ bɛsɛn Yinni duɑri wi u sun yɑrɑ Eɡibitin di mi sɑ yoru di.

Kpɑrobu 10:11

Mɑ Yinni Gusunɔ bu wisɑ u nɛɛ, ye Eɡibitiɡibu kɑ Amɔrebɑ kɑ Amɔnibɑ kɑ Filisitibɑ,

Kpɑrobu 5:8

Sɑnɑm mɛ bɑ Gusunɔ deri bɑ bũnu sɑ̃ɑmɔ, sɑɑ yerɑ bɑ bu tɑbu wɔrimɑ. Adɑmɑ bɑɑ ben tɔmbu nɔrɔbun subɑ weeru (40.000) sɔɔ, ɡoo sɑri wi u tɛrɛru ǹ kun mɛ yɑɑsɑ mɔ.

Kpɑrobu 8:33

Win ɡɔɔn biru Isirelibɑ bɑ kpɑm Yinni Gusunɔn sɑ̃ɑru deri, bɑ bũu ni bɑ mɔ̀ Bɑɑlibɑ sɑ̃ɑmɔ. Mɑ bɑ Bɑɑli Beriti kuɑ ben bũu.