Kpɑrobu 2:10 - Bibeli Gusunɔn Gari

¹⁰ Sɑɑ yen tɔmbu kpuro bɑ ɡu, mɑ be bɑ seewɑ ben ɑyenɔ bɑǹ Yinni Gusunɔn bɛɛrɛ yɛ̃. Mɛyɑ bɑ mɑɑ duɑri ye u rɑɑ ben bɑɑbɑbɑ kuɑ.

Kpɑrobu 2:10 ပူးပေါင်းရင်းမြစ်များ

Torubu 25:17

Isimɛɛli u kuɑwɑ wɔ̃ɔ wunɑɑ teeru kɑ wɔkurɑ nɔɔbu kɑ yiru. Yen biru u kpunɑ u ɡu u win bɑɑbɑbɑ deemɑ ɡɔriɔ.

Torubu 49:33

Sɑnɑm mɛ Yɑkɔbu u win bibu ɡɑri yi sɔ̃ɔwɑ u kpɑ, yerɑ u win nɑɑsu suɑ u sɔndi kpin yeru wɔllɔ mɑ u ɡu u dɑ u win bɑɑbɑbɑ deemɑ.

Sɑmuɛli II 7:12

Win sɑɑ yɑ̀ n turɑ u ɡu bɑ nùn sikɑ win bɑɑbɑbɑn sikirɔ, kon win bii turo wunɑ u bɑndu di. Kpɑ n win bɑn ten dɑm sire.

Bɑndun Gɑri I 28:9

Mɑ u mɑɑ nɛɛ, wunɛ mɑɑ Sɑlomɔɔ nɛn bii, ɑ Gusunɔ, nɛ wunɛn tundon Yinni ɡio kpɑ ɑ nùn sɑ̃ kɑ wunɛn ɡɔ̃ru kpuro kɑ wunɛn bwɛ̃rɑ kpuro. Domi wiyɑ u rɑ tɔmbun ɡɔ̃rusu kɑ ben bwisikunu wɛ̃ɛri. À n nùn kɑsu, u koo de ɑ nùn wɑ. Adɑmɑ ɑ̀ n nùn deri, u koo mɑɑ nun deriwɑ sere kɑ bɑɑdommɑɔ.

Yoobu 21:14

Wee bɑ rɑ rɑɑ yellu Gusunɔ sɔ̃ bu nɛɛ, ɑ ɡɛɛro min di, sɑ ǹ kĩ su wunɛn swɛɛ ɡiɑ.

Yɑribu 1:6

Sɑnɑm dɔɔ sɑnɑm wure Yosɛfu kɑ win mɑɑbu kɑ be bɑ wɑ̃ɑ win wɑɑti sɔɔ kpuro bɑ ɡu.

Yɑribu 1:8

Yen biru sunɔ kpɑo u bɑndu di wi u kun Yosɛfun wɑ̃ɑrun ɡɑri ɡɛɛ yɛ̃.

Yɑribu 5:2

Mɑ Eɡibiti sunɔ u nɛɛ, wɑrɑ bɑ mɔ̀ Wi u rɑ n wɑ̃ɑ, n kɑ sere nùn mɛm nɔɔwɑ, n de bɛɛ Isirelibɑ i doonɑ. Nɑ ǹ nùn yɛ̃. Nɑ ǹ mɑɑ derimɔ i doonɑ.

Esɑi 5:12

Gɔ̃ɔɡenu kɑ mɔrɔkunu, kɑ bɑrɑnu kɑ ɡuunu kɑ sere tɑm, yerɑ yɑ rɑ ben tɔ̃ɔ bɑkɑnu ɡbisisie, kpɑ bɑ n nɛ, Yinni Gusunɔn sɔmɑ ɑtɑfiiru sɑ̃ɑ.

Yeremi 31:34

Domi tɔmbu kpurowɑ bɑ ko n mɑn yɛ̃ sɑɑ bibun di sere kɑ bukurobɔ. Goo kun mɑɑ win winsim ǹ kun mɛ win mɛro bisi ɡoo keu mɔ̀ u kɑ Gusunɔ ɡiɑ. Kon bu ben durum wɔkɑ, kpɑ n ku mɑɑ ye yɑɑyɑ.

Yeremi 9:2

Yinni Gusunɔ u ɡeruɑ u nɛɛ, bɑ rɑ n nɔɔ dɛ̃ɛrɑwɑ bu kɑ weesu ko. Bɑ ku rɑ tem mɛ kpɑre dee dee ɡem sɔɔ, sere kɑ weesu. Wee siyɑ su kuɑ ben dɑm. Bɑ rɑ n nuku kɔ̃suru mɔ̀wɑ bɑ n dɔɔ. Mɛyɑ bɑ ku rɑ nɛ, Yinni Gusunɔ wure.

Yeremi 9:3

Bɑɑwure u rɑ n win kpɑɑsi tɑki dimɔwɑ. Bɑ ǹ nɑɑnɛ mɔɔsinɛ. Bɑ rɑ n kɔrumɔtɔnu kuɑnɑmmɛwɑ, kpɑ bɑ n weesu sɔ̃ɔnɑmɔ.

Yeremi 9:5

Bɑ rɑ tii wɛ̃ kɔ̃sɑn kobu kɑ weesu sɔɔ sere bɑ yinɑ bu mɑn wurɑ.

Gbɑburu 27:13

Yen biru, kpɑ ɑ kpunɑ ɑ ɡbi nɡe mɛ wunɛn mɔɔ Aroni u ɡu.

Luku 20:32

Kurɔ wi, u rɑ ɡu.

Gɔrobun Kookoosu 13:36

Domi Dɑfidi u kuɑ ye Gusunɔ u himbɑ kuɑ u ko win tiin wɑɑti sɔɔ. Yen biru u kpunɑ u ɡu mɑ bɑ nùn sikuɑ kɑ win sikɑdobɑ sɑnnu mɑ win wɑsi kɔ̃sɑ.

Sɔ̃ɔsiru 31:16

Yinni Gusunɔ u Mɔwisi sɔ̃ɔwɑ u nɛɛ, wee kɑɑ wurɑ ɑ wunɛn sikɑdobɑ deemɑ. Wunɛn biru, Isirelibɑ bɑ koo mɑn deri kpɑ bu nɛn ɑrukɑwɑni kusiɑ ye nɑ kɑ bu bɔkuɑ kpɑ bu dɑ bu bũnu ɡɑsiri bu sɑ̃ tem mi bɑ duɔ mi sɔɔ.

Tɛsɑlonikɑ II 1:8

Yesu wiyɑ u koo bu sɛɛyɑsiɑ be bɑ kun Gusunɔ yɛ̃, kɑ be bɑ kun wi, Yinni Yesun Lɑbɑɑri ɡeɑ wure.

Titu 1:16

Bɑ ɡerumɔ kɑ nɔɔ bɑ Gusunɔ yɛ̃, ɑdɑmɑ ben kookoosu ben ɡɑri siki. Bɑ sɑ̃ɑ tɔn kɔ̃sobu kɑ mɛm nɔɔ sɑriruɡibu, bɑ ǹ kpɛ̃ bu ɡɑ̃ɑ ɡeenu ɡɑnu ko.

Yosue 24:31

Isirelibɑ bɑ Yinni Gusunɔ sɑ̃wɑwɑ Yosuen wɑɑti ye kpuro sɔɔ kɑ mɑɑ ɡuro ɡuro be u derin wɑɑti sɔɔ, be bɑ yɛ̃ ye Yinni Gusunɔ u be Isirelibɑ kuɑ ɡesi.

Sɑmuɛli I 2:12

Elin bii tɔn durɔbu bɑ sɑ̃ɑwɑ bii kɑmbɑ. Bɑ ǹ Yinni Gusunɔ nɑsie.