Kpɑrobu 13:8 - Bibeli Gusunɔn Gari

⁸ Yerɑ Mɑnɔɑ u kɑnɑru kuɑ nɡe mɛni, u nɛɛ, Yinni, ɑ de wunɛn tɔnu wi ɑ ɡɔrimɑ mi, u kpɑm sun nɑɑwɑ kpɑ u sun sɔ̃ɔsi ye n weenɛ su bii wi kuɑ wi sɑ ko mɑ mi.

Kpɑrobu 13:8 ပူးပေါင်းရင်းမြစ်များ

Yoobu 34:32

A Gusunɔ bikiɑre u nun wunɛn durum sɔ̃ɔsi ye ɑ ǹ wɑ kɑ tii? À n mɑɑ torɑnu ɡɑnu koore, ɑ nùn sɔ̃ɔre mɑ ɑ ǹ mɑɑ nu mɔ̀?

Gɔrobun Kookoosu 9:6

A seewo ɑ du wuu ɡe sɔɔ, bɑ koo nun sɔ̃ ye kɑɑ ko.

Kpɑrobu 13:11

Mɑnɔɑ u seewɑ u win kurɔ swĩi bɑ nɑ durɔ win mi. Yerɑ Mɑnɔɑ nùn bikiɑ u nɛɛ, wunɑ ɑ kɑ kurɔ wi ɡɑri kuɑ? Mɑ u nɛɛ, oo, nɛnɑ.

Kpɑrobu 13:3

Sɔ̃ɔ teeru Yinni Gusunɔn ɡɔrɑdo ɡoo u kurɔ wi kure u nɛɛ, wee, ɑ sɑ̃ɑ wĩro, ɑdɑmɑ kɑɑ ɡurɑ suɑ kpɑ ɑ bii tɔn durɔ mɑ. U ko n sɑ̃ɑwɑ wi bɑ wunɑ nɛnɛm Gusunɔn sɔ̃ sɑɑ win mɑrubun di. Yen sɔ̃, ɑ n tii sɛ, ɑ ku tɑm ɡɑm nɔ, kpɑ ɑ ku ɡɑ̃ɑ seseruɡinu di. A ku rɑ mɑɑ de bu bii win seri burɑ, domi wiyɑ u koo Isirelibɑ wɔrɑm tore sɑɑ Filisitibɑn nɔmɑn di.

Kpɑrobu 13:6

Mɑ kurɔ wi, u dɑ u win durɔ sɔ̃ɔwɑ u nɛɛ, Gusunɔn tɔnu ɡoowɑ u mɑn deemɑ. U sɑ̃ɑwɑ nɡe Gusunɔn ɡɔrɑdo ɡoo. U nɑnum mɔ too. Nɑǹ mɑɑ nùn bikie mìn di u nɑ. Uǹ mɑɑ mɑn win yĩsiru sɔ̃ɔwɑ.

Kpɑrobu 13:7

Adɑmɑ u mɑn sɔ̃ɔwɑ u nɛɛ, kon be ɡurɑ suɑ kpɑ n bii tɔn durɔ mɑ. Yen sɔ̃, n ku be tɑm ɡɑm nɔ, kpɑ n ku ɡɑ̃ɑ seseruɡinu di. Domi bii wi, u ko n sɑ̃ɑ wi bɑ wunɑ nɛnɛm Gusunɔn sɔ̃ sɑɑ win mɑrubun di sere kɑ win wɑ̃ɑrun nɔrɔ.

Kpɑrobu 13:9

Mɑ Gusunɔ u Mɑnɔɑn kɑnɑru mwɑ, u derɑ win ɡɔrɑdo wi, u wurɑ kurɔ win mi, mi u sɔ̃ ɡberɔ. Adɑmɑ win durɔ sɑri mi.