Kpɑrobu 10:13 - Bibeli Gusunɔn Gari

¹³ Adɑmɑ wee, i mɑn deri i bũnu sɑ̃ɑmɔ. Yen sɔ̃ tɛ̃, nɑǹ mɑɑ bɛɛ somimɔ.

Kpɑrobu 10:13 ပူးပေါင်းရင်းမြစ်များ

Bɑndun Gɑri I 28:9

Mɑ u mɑɑ nɛɛ, wunɛ mɑɑ Sɑlomɔɔ nɛn bii, ɑ Gusunɔ, nɛ wunɛn tundon Yinni ɡio kpɑ ɑ nùn sɑ̃ kɑ wunɛn ɡɔ̃ru kpuro kɑ wunɛn bwɛ̃rɑ kpuro. Domi wiyɑ u rɑ tɔmbun ɡɔ̃rusu kɑ ben bwisikunu wɛ̃ɛri. À n nùn kɑsu, u koo de ɑ nùn wɑ. Adɑmɑ ɑ̀ n nùn deri, u koo mɑɑ nun deriwɑ sere kɑ bɑɑdommɑɔ.

Bɑndun Gɑri II 12:5

Yerɑ Gusunɔn sɔmɔ Semɑyɑ u dɑ u Roboɑmu deemɑ kɑ Yudɑbɑn tɑbu sinɑmbu be bɑ duki suɑ sɑnɑm mɛ Sisɑki u wee. Mɑ u bu sɔ̃ɔwɑ u nɛɛ, wee ye Yinni Gusunɔ u ɡeruɑ. U nɛɛ, i nùn deri. Wee u koo mɑɑ bɛɛn tii deri, kpɑ u bɛɛ bɛri Sisɑkin nɔmuɔ.

Bɑndun Gɑri II 15:2

Mɑ u dɑ Asɑn wuswɑɑɔ u nùn sɔ̃ɔwɑ u nɛɛ, Asɑ, wunɛ kɑ Yudɑbɑ, kɑ Bɛnyɑmɛɛbɑ, i swɑɑ dɑkio i nɔ. Yinni Gusunɔ u wɑ̃ɑ kɑ bɛɛ, ì n kɑ nùn yɔ̃rɑ. Ì n nùn kɑsu, i ko i nùn wɑ. Adɑmɑ ì n nùn deri, u koo mɑɑ bɛɛ deri.

Bɑndun Gɑri II 21:10

Sɑɑ yen dɔmɑ ten diyɑ Edɔmubɑ bɑ kɑ tii yinɛ sere kɑ ɡisɔn ɡisɔ. Mɑ Libinɑɡibu bɑ mɑɑ Yudɑbɑ seesi yèn sɔ̃ bɑ Gusunɔ ben bɑɑbɑbɑn Yinni deri.

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yonɑsi 2:8

Sɑnɑm mɛ nɑ kom yɑɑ biɑ nɑ wunɛ Yinni Gusunɔ yɑɑyɑ, mɑ ɑ nɛn kɑnɑru nuɑ wunɛn sɑ̃ɑ yee dɛɛrɑrun mi.

Sɔ̃ɔsiru 32:15

Ye bɑ debɑ bɑ kpɑ mɑ bɑ Gusunɔ seesi. Ye bɑ bɔriɑ bɑ kpɑ, yerɑ bɑ wi, Gusunɔ ben tɑkɑ kowo deri. Mɑ bɑ nùn ɡɛmɑ wi, wi u sɑ̃ɑ ben fɑɑbɑ kowo.

Kpɑrobu 10:14

I doo i bũu ni i sɑ̃ɑmɔ mi fɑɑbɑ kɑnɑ nu bɛɛ wɔrɑ nɔni swɑ̃ɑ ten min di.

Kpɑrobu 2:12

Bɑ Gusunɔ ben bɑɑbɑbɑn yinni deri wi u bu yɑrɑmɑ Eɡibitin di. Mɑ bɑ be bɑ bu sikerenɛn bũu ni bɑ mɔ̀ Bɑɑlibɑ kɑ Asitɑɑtebɑ sɑ̃ɑmɔ bɑ nu wiru kpĩiyɑmmɛ. Yerɑ n derɑ Yinni Gusunɔn mɔru seewɑ.

Kpɑrobu 2:19

Adɑmɑ kpɑro wi, ù n ɡu, bɑ rɑ mɑɑ kɔ̃sɑ kowɑ n kere ben bɑɑbɑbɑ. Bũnɑ bɑ rɑ kɑsu bu wiru kpĩiyɑ bu sɑ̃. Ben ɡɔ̃ru ɡɑ rɑ bɔbiewɑ bu kɑ swɑɑ kɔ̃sɑ ye swĩi kɑ deɡɑnɡɑm.