Kpɑrobu 1:6 - Bibeli Gusunɔn Gari

⁶ Yerɑ u dukɑ suɑ mɑ bɑ nùn nɑɑ ɡirɑ bɑ mwɑ bɑ win nɔmɑn niki bii bɑkɑnu bɔɔrɑ kɑ win nɑɑ niki bii bɑkɑnu.

Kpɑrobu 1:6 ပူးပေါင်းရင်းမြစ်များ

Ɛsitɛɛ 8:12

Bɑɑwurewɑ u koo woodɑ ye mɛm nɔɔwɑ Asuresin tem kpuro sɔɔ, suru wɔkurɑ yirusen sɔ̃ɔ wɔkurɑ itɑse sɔɔ. Suru wiyɑ bɑ mɔ̀ Adɑri. Tɔ̃ɔ terɑ bɑ rɑɑ yi bu kɑ Yuubɑ ɡo.

Womusu 107:40

Mɑ Yinni Gusunɔ u derɑ bɑ ben wiruɡibu ɡɛmɑ, mɑ bɑ sirenɛ kɑm sɔɔ bɑ ǹ yɛ̃ mi bɑ dɔɔ.

Womusu 149:8

Kpɑ bu nin sinɑmbu bɔke kɑ yɔni, kpɑ bu mɑɑ nin wiruɡibu bɔke kɑ sisu,

Womusu 59:11

Yinni kĩruɡii, ɑ nɑ ɑ mɑn swɑɑ ɡbiiyɑ. Wee ɑ derɑ nɑ nɛn yibɛrɛbɑ mɛɛrɑ kɑ nuku dobu.

Yɑribu 14:26

Mɑ Yinni Gusunɔ u kpɑm Mɔwisi sɔ̃ɔwɑ u nɛɛ, ɑ wunɛn dɛkɑ tĩiyɔ nim wɔ̃ku mi, kpɑ nim mɛ, mu wurɑmɑ mu Eɡibitiɡibu kɑ ben tɑbu kɛkɛbɑ kɑ mɑɑsɔbu wukiri.

Yɑribu 21:24

Ǹ n win nɔnin nɑ bɑ wunɑ bɑ koo mɑɑ beɡii wunɑwɑ. Ǹ n win dondun nɑ bɑ buɑ, bɑ koo mɑɑ beɡinu buɑwɑ. Ǹ n win nɔmɑn nɑ bɑ buɑ, bɑ koo mɑɑ beɡiɑ buɑwɑ. Ǹ n win nɑɑsun nɑ bɑ buɑ, bɑ koo mɑɑ beɡisu buɑwɑ.

Yɑribu 29:20

Yen biru, kpɑ ɑ tu sɑkɑ ɑ ten yɛm suɑ ɑ tɛɛni Aronin soo nɔm ɡeuɡuuɔ, kɑ win bibun soo nɔm ɡeuɡisɔ, kɑ ben nɔm ɡeun niki bii bɑkɑnɔ, kɑ sere ben nɔm ɡeun nɑɑ niki bii bɑkɑnɔ. Yɛm mɛ mu tie, kpɑ ɑ mu yɛ̃kɑ yɑ̃ku yee ten ɡoo ɡookɑɔ.

Yeremi 34:17

Yen sɔ̃, wee ye nɛ, Yinni Gusunɔ nɑ ɡerumɔ. N dɑɑ weenɛwɑ ben bɑɑwure u win yobu kɑrɑ bɑ n tii mɔ. Adɑmɑ bɑ yinɑ, bɑ ǹ mɑn mɛm nɔɔwɛ. Yen sɔ̃nɑ kon bu yɔ̃su tɑbu sɔɔ kpɑ n bu bɑrɑnu kɑ ɡɔ̃ɔru kpɛ̃ɛ kpɑ bwese ni nu tie nù n bu wɑ nu biti ko.

Yeremi 50:15

I tɑbun kuuki koowo bɑɑmɑ domi Bɑbilonin ɡɑni yi wɔrukɑ, yen ɡbɑ̃rɑrɑ subɑ. Wee yen tɔmbɑ nɔmɑ yiiye bɑ tii yibɛrɛbɑ wɛ̃. Nɛ, Yinni Gusunɔwɑ nɑ ye mɔru kɔsiemɔ, nɑ mɔ̀, i ye mɔru kɔsieyo. I ye kuo nɡe mɛ yɑ rɑɑ ɡɑbu kuɑ.

Yosue 15:16

Mɑ Kɑlɛbu u nɛɛ, wi u kpĩɑ u Sefɛɛn wuu kɑmiɑ, yɛ̃rowɑ u koo win bii wɔndiɑ Akusɑ kɛ̃ u suɑ kurɔ.

Kpɑrobu 1:7

Yerɑ Besɛkin sunɔ wi, u ɡeruɑ u nɛɛ, sinɑmbu wɑtɑ kɑ wɔkurɑ nɑ derɑ bɑ ben nɔmɑn niki bii bɑkɑnu bɔɔrɑ kɑ ben nɑɑsuɡinu. Dĩɑ buri yi nɑ deri, yiyɑ bɑ rɑ n dimɔ. Wee tɛ̃ Gusunɔ u mɑn ye kpuro kɔsiemɔ. Mɑ bɑ kɑ nùn dɑ Yerusɑlɛmuɔ. Miyɑ u ɡu.