Kɑ̃siru 8:7 - Bibeli Gusunɔn Gari

⁷ Gɔrɑdo ɡbiikoo u win kɔbɑ so. Yerɑ ɡuru kpenu kɑ dɔ̃ɔ kɑ yɛm sɑnnu n burinɑ, mɑ yɑ nɛɛrɑ kɑ dɑm sɑɑ wɔllun di. Mɑ tem bɔnu itɑse yɑ dɔ̃ɔ mwɑɑrɑ kɑ dɑ̃ɑn bɔnu itɑse kɑ mɑɑ yɑkɑ bekusu kpuro.

Kɑ̃siru 8:7 ပူးပေါင်းရင်းမြစ်များ

Womusu 105:32

Mɑ u derɑ ɡuru kpenu kɑ dɔ̃ɔ nɑ tem mɛ sɔɔ.

Yɑribu 9:33

Yen biru Mɔwisi u yɑrɑ Eɡibiti sunɔn min di u dɑ wuun biruɔ. Mɑ u win nɔmɑ suɑ wɔllɔ u Yinni Gusunɔ kɑnɑ, mɑ ɡuru ɡbɑ̃sukunu kɑ ɡuru kpee ni, nu mɑri. Gurɑ kun mɑɑ nɛmɔ.

Esɑi 28:2

Wee tɛ̃, Yinni Gusunɔ u ɡoo sɔɔru kuɑ wi u dɑm mɔ u kɑ ye wɔri. Win dɑm mu sɑ̃ɑwɑ nɡe ɡuru kpenu, ǹ kun mɛ nɡe woo bɔkɔ ɡe ɡɑ rɑ ɑsɔrɔ ko, ǹ kun mɛ nɡe ɡuru bɑkɑ. U koo wuu ɡe surɑwɑ temɔ.

Esɑi 29:6

Adɑmɑ subɑru sɔɔ Gusunɔ, wɔllu kɑ tem Yinni u koo nɑ u bu sɛɛyɑsiɑ kɑ ɡuru ɡbɑ̃sukubu kɑ tem yĩirubu, kɑ wɔki bɑkɑnu kɑ woo ɡunɑ kɑ ɡuru woo bɔkɔ, kɑ sere mɑɑ dɔ̃ɔ boko,

Esɑi 30:30

Sɑɑ yerɑ u koo de win nɔɔ dɑmɡuu ɡe, ɡu nɔɔrɑ. Win mɔru bɑkɑ ye, yɑ̀ n seewɑ u koo win dɑm sɔ̃ɔsi dɔ̃ɔ boko kɑ nim yibu bɑkɑru kɑ ɡuru woo bɔkɔ kɑ ɡuru kpenu sɔɔ.

Esɑi 32:19

Sɑ ko n wɑ̃ɑwɑ doo nɔɔru sɔɔ sɑ n dĩɑnu duurumɔ mi nim mu wɑ̃ɑ, kpɑ sɑ n bɛsɛn kɛtɛkunu kɑ bɛsɛn nɛɛ yɔ̃su yi n dimɔ bɑɑmɑ. Adɑmɑ ɡuru kpenu nu koo yibɛrɛbɑn tɑbu kowobu kɑm koosiɑwɑ be, be bɑ dɑbi nɡe dɑ̃ɑ sɔ̃ɔ, kpɑ ben wuu ɡe, ɡu wɔrumɑ.

Esekiɛli 38:22

Kon Gɔɡu wi siri n nùn bɑrɑru kpɛ̃ɛ kpɑ n de bu nùn ɡo bu yɛm yɑri. Kon de ɡuru bɑkɑ yu nɛ kɑ kpenu kpɑ dɔ̃ɔ kɑ sɔ̃ɔ bisu yu wi kɑ win tɑbu kowobu wɔri kɑ sere tɔn dɑbi te tɑ wɑ̃ɑ kɑ wi.

Yɑkɔbu 1:11

Sɔ̃ɔ yɑrɑ kɑ win yɑm susuru mɑ yɑkɑsu ɡberɑ, sin wɛ̃su dɛrurɑ mɑ sin burɑm kpɑ. Nɡe mɛyɑ dukiɑɡii u koo dɛrurɑ win sɔmɑ sɔɔ.

Yosue 10:11

Sɑnɑm mɛ bɑ Isirelibɑ duki suurimɔ Bɛti Horonin swɑɑɔ, ye yɑ sɑrɑmɔ ɡuurun di, miyɑ Yinni Gusunɔ u derɑ ɡuru kpee bɑkɑnu nu bu wɔrikimɔ wɔllun di nu ɡoomɔ, sere bɑ kɑ turɑ Asekɑɔ. Be ɡuru kpee ni, nu ɡo, bɑ dɑbi bɑ kere be Isirelibɑ bɑ ɡo.

Piɛɛ I 1:24

Nɡe mɛ Gusunɔn ɡɑri ɡerumɔ, “Tɔmbu kpuro bɑ sɑ̃ɑwɑ nɡe yɑkɑsu. Mɑ ben bɛɛrɛ kpuro sɑ̃ɑ nɡe sin wɛ̃su. Yɑkɑsu rɑ ɡbere, kpɑ sin wɛ̃su dɛrurɑ.

Kɑ̃siru 12:4

Yɑɑ ye, yɑ kɑ yen siru wɔllun kperin bɔnu itɑse wɔkɑ yɑ kɔ̃ temɔ. Mɑ yɑ dɑ yɑ yɔ̃rɑ kurɔ win wuswɑɑɔ wi u kĩ u mɑ mi, yu kɑ wɑ yu win bii tem ù n wɔrumɑ.

Kɑ̃siru 16:2

Gɔrɑdo ɡbiikoo u dɑ mɑ u win yoruku wisi temɔ. Yerɑ bwisi tobi bu wisi nɡe fɔrɔnu be bɑ ɡbeeku yɑɑ yen yĩreru mɔ bɑ yen weenɑsiɑ sɑ̃ɑmɔ.

Kɑ̃siru 16:21

Yerɑ ɡuru kpee bɑkɑnu, nìn teerɑ kilo weeru turɑ, nu tɔmbu wɔriki wɔllun di. Mɑ bɑ Gusunɔ ɡɑri kɑm ɡerusi ɡuru kpee nin nɔni swɑ̃ɑrun sɔ̃ domi nɔni swɑ̃ɑ te, tɑ bɑndɑ.

Kɑ̃siru 6:8

Nɑ mɛɛrɑ mɑ nɑ wɑ dum bɛrɔ wuruwɑ. Wi u ye sɔni, win yĩsirɑ Gɔɔ, mɑ ɡɔribun wɑ̃ɑ yerɑ nùn swĩi. Beyɑ bɑ yiiko wɛ̃ bu kɑ hɑnduniɑn bɔnu nnɛse ɡo kɑ tɑkobi, kɑ ɡɔ̃ɔru, kɑ bɑrɑnu, kɑ mɑɑ ɡbeeku yɛɛ yi yi wɑ̃ɑ tem mɛ sɔɔ.

Kɑ̃siru 7:1

Yen biruwɑ nɑ wɔllun ɡɔrɑdobɑ nnɛ wɑ bɑ yɔ̃ hɑnduniɑn ɡoonu nnɛ sɔɔ bɑ hɑnduniɑn wosu nnɛ nɛni, kpɑ woo ɡu ku kɑ ko tem sɔɔ, kɑ nimɔ, kpɑ ɡu ku dɑ̃ru ɡɑru yĩiri.

Kɑ̃siru 9:15

Yerɑ bɑ ɡɔrɑdobɑ nnɛ ye yɔ̃su be bɑ sɔɔru sɑ̃ɑ wɔ̃ɔ ɡen suru win tɔ̃ɔ ten kɔbɑ yen sɔ̃ ye Gusunɔ u yii bu kɑ hɑnduniɑn bɔnu itɑsen tɔmbu ɡo.

Kɑ̃siru 9:18

Hɑnduniɑn bɔnu itɑsen tɔmbu bɑ ɡu ɡɑ̃ɑ sɛ̃sɔɡinu itɑ yen sɑɑbu, dɔ̃ɔ, kɑ wiisu, kɑ sɔ̃ɔ bisu, ye yɑ yɑrimɔ dumi yin nɔsun di.

Kɑ̃siru 9:4

Bɑ yi woodɑ wɛ̃ yi ku yɑkɑsu sɑnku, ǹ kun mɛ ɡɑ̃ɑ bekunu, ǹ kun mɛ dɑ̃ru ɡɑru mɑ n kun mɔ tɔn be bɑ kun Gusunɔn yĩreru mɔ ben sirinɔ.