Kɑ̃siru 8:5 - Bibeli Gusunɔn Gari

⁵ Yerɑ ɡɔrɑdo wi, u turɑren bweebu ɡe suɑ u ɡu dɔ̃ɔ yibiɑ sɑɑ yɑ̃ku yeru min di, mɑ u ɡu kɔ̃ɔmɑ temɔ. Sɑnɑm mɛ sɔɔrɑ ɡuru ɡbɑ̃sukunu nɑ kɑ wurenu kɑ ɡuru mɑɑkinu kɑ mɑɑ tem yĩiribu.

Kɑ̃siru 8:5 ပူးပေါင်းရင်းမြစ်များ

Sinɑmbu I 19:11

Yinni Gusunɔ u nùn sɔ̃ɔwɑ u nɛɛ, ɑ yɑrimɑ kpɑ ɑ yɔ̃rɑ ɡuu ten wɔllɔ kpɑ n nɑ n sɑrɑ wunɛn wuswɑɑɔ. Mɑ u yɑrimɑ. Yerɑ woo bɔkɔ ɡɑ nɑ ɡɑ ɡuu te bɛsukɑ. Adɑmɑ Yinni Gusunɔ u ǹ wɑ̃ɑ woo ɡe sɔɔ. Mɑ tem mu yĩirɑ. Adɑmɑ Yinni Gusunɔ u ǹ wɑ̃ɑ yĩiri bi sɔɔ.

Womusu 18:13

Win wuswɑɑɔ yɑm bururɑm mu wɑ̃ɑ. Min diyɑ ɡurɑ nɛmɔ kɑ ɡuru kpenu kɑ dɔ̃ɔ buri.

Yɑribu 19:16

Sɔ̃ɔ itɑse ten bururu bɑ ɡuru kukiribu nuɑ, mɑ bɑ ɡuru mɑɑkinu kɑ ɡuru wii wuro te tɑ sinum mɔ wɑ ɡuu ten wɔllɔ. Mɑ kɔbɑ yɑ sumɔ tɑ̃ɑ tɑ̃ɑ sere tɔn be bɑ wɑ̃ɑ sɑnsɑni ye sɔɔ kpuro bɛrum bu mwɑ bɑ diirɑ.

Esɑi 29:6

Adɑmɑ subɑru sɔɔ Gusunɔ, wɔllu kɑ tem Yinni u koo nɑ u bu sɛɛyɑsiɑ kɑ ɡuru ɡbɑ̃sukubu kɑ tem yĩirubu, kɑ wɔki bɑkɑnu kɑ woo ɡunɑ kɑ ɡuru woo bɔkɔ, kɑ sere mɑɑ dɔ̃ɔ boko,

Esɑi 30:30

Sɑɑ yerɑ u koo de win nɔɔ dɑmɡuu ɡe, ɡu nɔɔrɑ. Win mɔru bɑkɑ ye, yɑ̀ n seewɑ u koo win dɑm sɔ̃ɔsi dɔ̃ɔ boko kɑ nim yibu bɑkɑru kɑ ɡuru woo bɔkɔ kɑ ɡuru kpenu sɔɔ.

Esɑi 66:6

I mɑɑ nɔɔ dɑmɡuu swɑɑ dɑkio ɡe ɡɑ nɔɔrɑmɔ wuuɔ. Yinni Gusunɔn nɔɔwɑ ɡɑ nɑɑmɔ sɑ̃ɑ yerun di. U win yibɛrɛbɑ ben ɑre kɔsiɑmɔ.

Yeremi 51:11

Yinni Gusunɔ u kĩ u Bɑbiloni kɑm koosiɑ, kpɑ u win sɑ̃ɑ yee dɛɛrɑru mɔru kɔsiɑ. Yen sɔ̃nɑ u Mɛdibɑn sinɑmbu dɑm kɛ̃mɔ bu kɑ ye wɔri. I bɛɛn sɛ̃ɛnun nɔsu sɔnwɔ, kpɑ i bɛɛn tɛrɛnu suɑ.

Sɑ̃ɑrun Woodɑ 16:12

Kpɑ u dɔ̃ɔ ɡɛ̃ɛ ɡurɑ sɑɑ yɑ̃ku yerun di yi bɑ yibie dɔ̃ɔ ɡurɑtii sɔɔ kpɑ u turɑre buuru sɔkɑ nɔm kurenu yiru kpɑ u kɑ ye kpuro du dii te tɑ dɛɛre ɡem ɡem sɔɔ.

Sɑkɑri 14:5

Sɑɑ ye sɔɔ, i ko i duki dɑwɑ win ɡuunun wɔwɑ sɔɔ. Domi wɔwɑ ye, yɑ ko n wɑ̃ɑwɑ sere Atisɛliɔ. I ko i duki suwɑ nɡe mɛ i rɑɑ kuɑ sɑnɑm mɛ tem yĩiribu bɛɛ deemɑ Osiɑsi Yudɑbɑn sinɑ bokon wɑɑti. Sɑɑ ye sɔɔrɑ Gusunɔ nɛn Yinni u koo nɑ kɑ win tɔn dɛɛrobu.

Mɑteu 24:7

Bwesenu koo seesinɑ nu tɑbu ko, sinɑmbɑ koo tɑbu seesinɑ. Gɔ̃ɔru kɑ tem yĩiribu ko n wɑ̃ɑ berɑ kɑ berɑ.

Luku 12:49

Mɑ Yesu mɑɑ nɛɛ, dɔ̃ɔwɑ nɑ yɛ̃kɑm nɑ hɑnduniɑɔ, nɑ kĩwɑ u n dɑɑ yɑbure.

Gɔrobun Kookoosu 16:26

Suɑru sɔɔ tem yĩirɑ kɑ dɑm mɑ pirisɔm dirɑ diirɑ sere kɑ ten kpɛɛkpɛɛkuɔ. Mii mii ten ɡɑmbobɑ kpuro bɑ kɛnikiɑrɑ, mɑ pirisɔm bɑɑwuren yɔni kusirɑ yi wɔrumɑ.

Gɔrobun Kookoosu 4:31

Ye bɑ kɑnɑru kuɑ bɑ kpɑ yɑm mi bɑ mɛnnɛ mi, mu yĩirɑ diki diki. Be kpuro bɑ Hunde Dɛɛro yibɑ, mɑ bɑ Gusunɔn ɡɑri wɑɑsu wɔri kɑ wɔruɡɔru.

Kɑ̃siru 11:13

Mii mii mɑ tem yĩirɑ ɡem ɡem, mɑ wuu ɡen bɔnu wɔkuruse yɑ wɔrumɑ. Tɔn be bɑ ɡu tem yĩiru bi sɔɔ, ben ɡeerɑ sɑ̃ɑ tɔnu nɔrɔbun subɑ nɔɔbɑ yiru (7.000). Tɔn be bɑ tie, mɑ bɑ nɑndɑ ɡem ɡem, mɑ bɑ Wɔrukoo bɛɛrɛ wɛ̃.

Kɑ̃siru 11:19

Yerɑ bɑ sɑ̃ɑ yee te tɑ wɑ̃ɑ Gusunɔ wɔllɔ kɛniɑ mɑ woodɑn kpɑkororɑ terɑ win sɑ̃ɑ yee te sɔɔ. Mɑ ɡuru mɑɑkinu wɑ̃ɑ mi, kɑ wurenu, kɑ ɡuru ɡbɑ̃sukunu kɑ tem yĩirubu, kɑ mɑɑ ɡuru kpee bɑkɑnu.

Kɑ̃siru 4:5

Yerɑ sɑɑ sinɑ kitɑ ten min di ɡuru mɑɑkinu yɑrimɔ kɑ wurenu kɑ ɡuru ɡbɑ̃sukunu. Fitilɑkunu nɔɔbɑ yiru ni nu sɔ̃re nu wɑ̃ɑ sinɑ kitɑ ten wuswɑɑɔ. Niyɑ nu sɑ̃ɑ Gusunɔn hundebɑ nɔɔbɑ yiru.

Kɑ̃siru 6:12

Nɑ kpɑm mɛɛrɑ sɑnɑm mɛ Yɑ̃ɑ kinɛ kpɛm te, tɑ yĩreru nɔɔbɑ tiɑse kusiɑ. Mɑ tem mu yĩirɑ kɑ dɑm, mɑ sɔ̃ɔ tĩrɑ niki niki nɡe beku wɔ̃ku sinumɡiru, mɑ suru swɛ̃rɑ kom kom nɡe yɛm.

Kɑ̃siru 8:3

Yen biru wɔllun ɡɔrɑdo ɡoo nɑ u yɔ̃rɑ yɑ̃ku yerun bɔkuɔ u wurɑn bweebu nɛni ɡe ɡɑ turɑre mɔ. Bɑ nùn turɑre wɛ̃ yɑ kpɑ̃ u kɑ ye nɑɑnɛ dokeobun kɑnɑnu mɛnnɑ yɑ̃ku yee wurɑɡirun wɔllɔ te tɑ wɑ̃ɑ Gusunɔn sinɑ kitɑrun wuswɑɑɔ.