Kɑ̃siru 8:12 - Bibeli Gusunɔn Gari

¹² Yen biru ɡɔrɑdo nnɛse u win kɔbɑ so. Yerɑ sɔ̃ɔn bɔnu itɑse kɑ surun bɔnu itɑse kɑ kperin bɔnu itɑse tĩrɑ, mɑ sɔ̃ɔ sɔɔn bɔnu itɑsen yɑm bururɑm kun mɑɑ wɑ̃ɑ, mɛyɑ mɑɑ wɔ̃kurun bɔnu itɑsen yɑm bururɑm.

Kɑ̃siru 8:12 ပူးပေါင်းရင်းမြစ်များ

Esɑi 13:10

Wɔllun kperi kun mɑɑ yɑm dɛɛrɑsiɑmɔ. Sɔ̃ɔ ù n yɑriɔ, min diyɑ u ko n yɑm tĩrɑmɔ. Mɛyɑ suru kun mɑɑ yɑm bururɑsiɑmɔ.

Esɑi 24:23

Sɔ̃ɔ kɑ suru bɑ koo sekuru wɑ. Gusunɔ, wɔllu kɑ tem Yinni, u ko n win bɑndu diiwɑ Siɔnin ɡuurɔ, Yerusɑlɛmuɔ, kpɑ win tɔmbun ɡuro ɡurobu bu win yiiko wɑ.

Yeremi 4:23

Nɑ tem mɛɛrɑ mɑ mu sɑ̃ɑ bitɑm, ɡɑ̃ɑnu sɑri mɛn wɔllɔ. Nɑ mɑɑ wɔllu mɛɛrɑ, nɑ deemɑ yɑm bururɑm sɑri mi.

Yoɛli 2:10

Mi yi duɑ, tem mu rɑ diiriwɑ, kpɑ n sɑ̃ɑre wɔllɑ koo wɔrumɑ, kpɑ suru kɑ sɔ̃ɔ yɑm tĩrɑ, kpɑ kperin bɑllibu kpe.

Amɔsu 8:9

Yen tɔ̃ɔ te, nɛ, Yinni Gusunɔ kon de sɔ̃ɔ u du sɔ̃ɔ sɔɔ ɡbɑ̃ɑrɑ kpɑ yɑm mu tĩrɑ.

Mɑteu 24:29

Mɑ Yesu mɑɑ nɛɛ, sɑnɑm mɛn nɔni swɑ̃ɑrun biru, mii mii sɔ̃ɔ koo yɑm tĩrɑ, suru kun mɑɑ win yɑm bururɑm sɔ̃ɔsimɔ, kperi koo wɔrumɑ wɔllun di kpɑ wɔllun dɑm mu yĩiri.

Mɑteu 27:45

Ye n kuɑ sɔ̃ɔ wii wɔllu, yerɑ yɑm tĩrɑ tem mɛ sɔɔ kpuro sere n kɑ turɑ yokɑn kɔbɑ itɑ.

Mɑɑku 13:24

Yesu mɑɑ nɛɛ, ɑdɑmɑ sɑɑ ye sɔɔ, nɔni swɑ̃ɑrun biru, sɔ̃ɔ u koo yɑm tĩrɑ, suru kun mɑɑ wɑɑrɔ.

Mɑɑku 15:33

Yerɑ dɔmɑ ten sɔ̃ɔ sɔɔ, yɑm wɔ̃kurɑ tem mɛ kpuro wukiri sere n kɑ kuɑ sɔ̃ɔ sɔɔn kɔbɑ itɑ.

Luku 21:25

Yesu kpɑm nɛɛ, yĩrenu ko nu n wɑ̃ɑ sɔ̃ɔ kɑ suru kɑ kperi sɔɔ. Tem sɔɔ, nɔni swɑ̃ɑ bɑkɑrɑ koo bwesenu deemɑ kpɑ nu biti soorɑ nim wɔ̃ku kɑ nim kurenun wurenun sɔ̃.

Gɔrobun Kookoosu 2:20

Sɔ̃ɔ koo tĩrɑ kpɑ suru u swɛ̃rɑ nɡe yɛm, sere Yinnin tɔ̃ɔ te, tu kɑ nɑ, tɔ̃ɔ nɑnumɡii te.

Korinti II 4:4

Bɑ ǹ nɑɑnɛ doke yèn sɔ̃ hɑnduniɑ yen yinni u ben wiru ɡo. U bu yɑm ɡɑnuɑ bu ku kɑ Lɑbɑɑri ɡeɑn yɑm bururɑm wɑ mɛ mu Kirisin yiiko sɔ̃ɔsimɔ. Lɑbɑɑri ɡeɑ ye, Kirisiɡiɑ wi u sɑ̃ɑ Gusunɔ, wɑsi sɔɔ.

Kɑ̃siru 12:4

Yɑɑ ye, yɑ kɑ yen siru wɔllun kperin bɔnu itɑse wɔkɑ yɑ kɔ̃ temɔ. Mɑ yɑ dɑ yɑ yɔ̃rɑ kurɔ win wuswɑɑɔ wi u kĩ u mɑ mi, yu kɑ wɑ yu win bii tem ù n wɔrumɑ.

Kɑ̃siru 16:10

Yerɑ ɡɔrɑdo nɔɔbuse u win yoruku wisi ɡbeeku yɑɑ yen sinɑ kitɑru wɔllɔ. Mɑ n kuɑ yɑm wɔ̃kuru ketem yen bɑndun tem sɔɔ. Mɑ tɔmbu bɑ ben yɑri temmɔ wuriribun sɔ̃.

Kɑ̃siru 6:12

Nɑ kpɑm mɛɛrɑ sɑnɑm mɛ Yɑ̃ɑ kinɛ kpɛm te, tɑ yĩreru nɔɔbɑ tiɑse kusiɑ. Mɑ tem mu yĩirɑ kɑ dɑm, mɑ sɔ̃ɔ tĩrɑ niki niki nɡe beku wɔ̃ku sinumɡiru, mɑ suru swɛ̃rɑ kom kom nɡe yɛm.

Kɑ̃siru 9:15

Yerɑ bɑ ɡɔrɑdobɑ nnɛ ye yɔ̃su be bɑ sɔɔru sɑ̃ɑ wɔ̃ɔ ɡen suru win tɔ̃ɔ ten kɔbɑ yen sɔ̃ ye Gusunɔ u yii bu kɑ hɑnduniɑn bɔnu itɑsen tɔmbu ɡo.

Kɑ̃siru 9:18

Hɑnduniɑn bɔnu itɑsen tɔmbu bɑ ɡu ɡɑ̃ɑ sɛ̃sɔɡinu itɑ yen sɑɑbu, dɔ̃ɔ, kɑ wiisu, kɑ sɔ̃ɔ bisu, ye yɑ yɑrimɔ dumi yin nɔsun di.