Kɑ̃siru 5:9 - Bibeli Gusunɔn Gari

⁹ Mɑ bɑ wom kpɔɔ kuɑ bɑ mɔ̀, wunɑ ɑ yiiko mɔ ɑ kɑ tire kure te mwɑ kpɑ ɑ yĩre ni kusiɑ. Domi bɑ rɑɑ kɑ nun yɑ̃kuru kuɑ. Mɑ ɑ Gusunɔn tɔmbu yɑkiɑ kɑ wunɛn yɛm sɑɑ bweseru bɑɑtere kɑ bɑrum bɑɑmɛre kɑ tɔmbu kpuro kɑ tem bɑɑmɛren min di.

Kɑ̃siru 5:9 ပူးပေါင်းရင်းမြစ်များ

Womusu 144:9

Yinni Gusunɔ, kon nun wom kpɔɔ kuɑ. Kon nun womu kuɑ kɑ mɔrɔku sɛrum wɔkuruɡuu,

Womusu 149:1

I Yinni Gusunɔ siɑro. I Yinni Gusunɔ wom kpɔɔ kuo. I nùn tɔmɔ tɔmbun suunu sɔɔ be bɑ nùn nɑɑnɛ sɑ̃ɑ.

Womusu 33:3

I nùn bɛɛrɛ wɛ̃ɛyɔ kɑ wom kpɔɔ, kpɑ i ɡɑ̃ɑsu torɑ i kɑ nùn siɑrɑ.

Womusu 40:3

U mɑn ɡɑwɑ u yɑrɑ sɑɑ kɑm kobun wɔrun di, mi pɔtɔkɔ wɑ̃ɑ. U nɛn nɑɑsu sɔndi kpee sɑɑrɑ wɔllɔ, kpɑ n kɑ yɔ̃rɑ dim dim.

Womusu 96:1

I Yinni Gusunɔ wom kpɔɔ kuo. Bɛɛ hɑnduniɑɡibu, i nùn womu kuo.

Womusu 98:1

I Yinni Gusunɔ wom kpɔɔ kuo, domi u sɔm mɑɑmɑɑkiɡinu kuɑ. Win dɑm sɑɑbu u nɑsɑrɑ wɑ.

Esɑi 42:10

I Yinni Gusunɔ wom kpɔɔ kuo. I nùn siɑro hɑnduniɑn ɡoonu nnɛ ye sɔɔ. Hunde koni be bɑ wɑ̃ɑ nim wɔ̃ku sɔɔ, kɑ bɛɛ be i sĩimɔ ɡen wɔllɔ, kɑ sere be bɑ wɑ̃ɑ n tomɑ, i Yinni Gusunɔ siɑro.

Dɑniɛli 3:4

Sɑɑ yerɑ sinɑ bokon bɑrɔ u kpɑrɑ u nɛɛ, bɛɛ bwesenu kpuro i swɑɑ dɑkio i nɔ ye sinɑ boko u bɛɛ yiiremɔ.

Dɑniɛli 4:1

Nɛ, Nɛbukɑnɛsɑɑ, nɑ wɑ̃ɑ nɛn sinɑ kpɑɑrɔ kɑ bɔri yɛndu kɑ nuku dobu.

Dɑniɛli 5:19

Dɑm mɛ u nùn wɛ̃n sɔ̃, bwesenu kpuro nu nùn nɑsie sere nu rɑ n diirimɔ win wuswɑɑɔ. Ye u kĩ, yerɑ u rɑ kɑ tɔnu ko. U koo kpĩ u nùn ɡo, ǹ kun mɛ u nùn deri, ǹ kun mɛ u nùn wɔlle suɑ, ǹ kun mɛ u nùn tɑɑre.

Dɑniɛli 6:25

Mɑ sinɑ boko u woodɑ wɛ̃ u nɛɛ, bu tɔn be bɑ rɑɑ Dɑniɛli tɑɑrɛ wɛ̃ mi mwɑɑmɑ bu kpɛ̃ɛ wɔru ɡe sɔɔ, be kɑ ben bibu kɑ ben kurɔbu kpuro. Tɔn be, bu sere mɑm turi wɔru ɡen temɔ, ɡbee sinɑn si, su bu sɛ̃sukɑwɑ su kukunu kɔsukɑ.

Mɑteu 20:28

Nɡe mɛyɑ Tɔnun Bii kuɑ. U ǹ nɛ bu kɑ nùn sɑ̃ mɑ n kun mɔ u kɑ ɡɑbu sɑ̃, kpɑ u win wɑ̃ɑru wɛ̃ u kɑ tɔn dɑbinu yɑkiɑ.

Mɑteu 26:28

Domi yeniwɑ nɛn yɛm, mɛ̀ sɔɔ Gusunɔ u win nɔɔ mwɛɛru sire, mɛ mu yɑri tɔn dɑbirun sɔ̃ bu kɑ torɑrun suuru wɑ.

Gɔrobun Kookoosu 20:28

I n tii sɛ, i mɑɑ ɡɔ̃ɔ kpuro kɔ̃suo ɡe Hunde Dɛɛro u bɛɛ nɔmu sɔndiɑ, ɡe ɡɑ sɑ̃ɑ Yinni Yesun yiɡbɛru. I tu kpɑro te u yɑkiɑ kɑ win tiin yɛm.

Korinti I 6:20

Domi bɑ bɛɛ dwɑwɑ ɡeeru nɔru sɑri. Yen sɔ̃, i Gusunɔ bɛɛrɛ wɛ̃ɛyɔ kɑ bɛɛn wɑsi.

Korinti I 7:23

Bɑ bɛɛ dwɑ ɡeeru nɔru sɑri. Yen sɔ̃, i ku de i n mɑɑ sɑ̃ɑ tɔmbun yobu.

Efesu 1:7

Domi Kirisin yɛm sɑɑbuwɑ sɑ yɑkiɑrɑ mɑ bɑ sun bɛsɛn durum suuru kuɑ. Nɡe mɛyɑ Gusunɔ u sun win durom bɑkɑm sɔ̃ɔsi,

Efesu 5:19

I de womu si i kɑ Gusunɔ siɑrɑmɔ su n wɑ̃ɑ bɛɛn fɑɑɡi sɔɔ, i n Yinni tɔmɑmɔ kɑ siɑrɑbun womusu bɛɛn ɡɔ̃ruɔ.

Kolose 1:14

Domi win sɑɑbuwɑ sɑ yɑkiɑrɑ mɑ bɑ bɛsɛn durum suuru kuɑ.

Kolose 1:23

i n tɛmɑnɛ i n tɑ̃sɑ nɑɑnɛ dokebu sɔɔ dim dim, kpɑ i ku rɑ bɛɛn yĩiyɔbu deri bi i mɔ sɑɑ mìn di i Lɑbɑɑri ɡeɑ nuɑ, ye bɑ tɔnu bɑɑwure nɔɔsiɑ wi u wɑ̃ɑ hɑnduniɑ sɔɔ. Nɛ Pɔlu nɑ mɑɑ kuɑ yen sɔmɔ.

Titu 2:14

Yesu Kirisi wi, u win tii wɛ̃ bɛsɛn sɔ̃ u kɑ sun yɑkiɑ sɑɑ kom kɔ̃sum kpuron di, kpɑ u kɑ sun ko tɔn dɛɛrobu be bɑ sɑ̃ɑ wi tɔnɑɡibu be bɑ mɑɑ hɑniɑ mɔ bu kɑ sɔm ɡeenu ko.

Heberu 11:14

Be bɑ ɡerumɔ mɛ, bɑ sɔ̃ɔsimɔ kpɑsɑsɑ mɑ bɑ tem kɑsu.

Piɛɛ II 2:1

Adɑmɑ sɔmɔ weesuɡibɑ rɑɑ wɑ̃ɑ tɔn ben suunu sɔɔ. Mɛyɑ mɑɑ keu koosio weesuɡibɑ koo kurɑmɑ bɛɛn suunu sɔɔ. Bɑ koo kɑ sɔ̃ɔsi weesuɡinu nɑ kɑ bwisi, ni nu rɑ tɔmbu kɑm koosie kpɑ bu Yinni wi u bu yɑkiɑ yinɑ. Nɡe mɛyɑ bɑ koo tii kɑm kobu sure suɑru sɔɔ.

Yohɑnu I 1:7

Adɑmɑ sɑ̀ n sĩimɔ yɑm bururɑm sɔɔ, nɡe mɛ win tii u wɑ̃ɑ yɑm bururɑm sɔɔ, sɑ ko n nɔɔ tiɑ sɑ̃ɑ bɛsɛn tii tiinɛ. Win Bii Yesun yɛm mu mɑɑ sun dɛɛrɑsiɑmɔ sɑɑ torɑru kpuron di.

Yohɑnu I 2:2

Win tii u kuɑ ɑbɔru te tɑ kɑ bɛsɛn torɑnu kpuro doonɑ, n ǹ mɔ bɛsɛɡinu tɔnɑ, kɑ hɑnduniɑɡibu kpuron torɑnɑ.

Kɑ̃siru 10:11

Yerɑ bɑ mɑn sɔ̃ɔwɑ bɑ nɛɛ, kon kpɑm Gusunɔn ɡɑri ɡere tɔn dɑbiru kɑ tem dɑbinun sɔ̃, kɑ bwese dɑbiru kɑ mɑɑ sinɑm dɑbinun sɔ̃.

Kɑ̃siru 11:9

Tɔn dɑbinu sɑɑ hɑnduniɑn tɔmbu kpuron min di kɑ bwesenu kpuron di kɑ bɑrum bɑɑmɛren di kɑ sere tem kpuron di bɑ koo ben ɡonu mɛɛri sɔ̃ɔ itɑ kɑ bɔnu, bɑ ǹ koo wurɑ bu bu sike.

Kɑ̃siru 13:7

Bɑ ye swɑɑ kɑ̃ yu kɑ nɑɑnɛ dokeobu tɑbu ko kpɑ yu bu tɑbu di. Bɑ mɑɑ ye yiiko wɛ̃ bweseru bɑɑteren wɔllɔ, kɑ tɔmbu kpuro kɑ bɑrum bɑɑmɛre kɑ tem bɑɑmɛre.

Kɑ̃siru 13:8

Bèn yĩsinu bɑ ǹ yoruɑ bu sere hɑnduniɑ tore, wɑ̃ɑrun tireru sɔɔ te tɑ sɑ̃ɑ Yɑ̃ɑ kinɛ kpɛnduɡiru te bɑ kɑ yɑ̃kuru kuɑ, beyɑ bɑ koo ɡbeeku yɑɑ ye sɑ̃.

Kɑ̃siru 14:6

Yerɑ nɑ kpɑm wɔllun ɡɔrɑdo ɡoo wɑ u yɔ̃ɔwɑ sere sere Gusunɔ wɔllɔ, wi u koo Lɑbɑɑri ɡeɑ ye yɑ ku rɑ kpe kpɑrɑ hɑnduniɑɡibun mi, tem bɑɑmɛre kɑ bweseru bɑɑtere kɑ bɑrum bɑɑmɛre kɑ tɔmbu kpuron mi.

Kɑ̃siru 15:3

Bɑ Mɔwisi Gusunɔn sɔm kowon womu mɔ̀ kɑ mɑɑ Yɑ̃ɑ kinɛ kpɛnduɡuu bɑ mɔ̀, “Yinni Gusunɔ dɑm kpuroɡii, wunɛn sɔmɑ kpɑ̃, yɑ mɑɑ sɑ̃ɑ mɑɑmɑɑki. Wunɑ ɑ tem kpuron sinɑ boko. Wunɛn swɛɛ yi sɑ̃ɑ ɡem, yi dɛnde.

Kɑ̃siru 17:15

Gɔrɑdo wi, u mɑɑ mɑn sɔ̃ɔwɑ u nɛɛ, nim mɛ nɑ wɑ mi, mɛ̀n wɔllɔ kurɔ tɑnɔ wi, u sɔ̃, mu sɑ̃ɑwɑ tɔmbu kɑ tɔn wɔru ɡuni kɑ tem dɑbinun tɔmbu kɑ bwese dɑbinu.

Kɑ̃siru 4:11

Gusunɔ bɛsɛn Yinni, wunɑ ɑ dɑm kɑ yiiko mɔ, wunɑ sɑ ko bɛɛrɛ wɛ̃. Domi wunɑ ɑ ɡɑ̃ɑnu kpuro tɑkɑ kuɑ. Wunɛn kĩrun sɑɑbuwɑ nu kɑ wɑ̃ɑ nu wɑsi. Ten sɑɑbuwɑ nu mɑɑ kɑ tɑkɑ koorɑ.

Kɑ̃siru 5:12

Bɑ nɔɔɡiru suɑ bɑ mɔ̀, Yɑ̃ɑ kinɛ kpɛm te bɑ rɑɑ kɑ yɑ̃kuru kuɑ, tɑ turɑ bu kɑ tu yiiko wɛ̃, kɑ dukiɑ, kɑ yɛ̃ru, kɑ dɑm, kɑ bɛɛrɛ, kɑ ɡirimɑ, kɑ siɑrɑbu.

Kɑ̃siru 5:6

Nɑ mɛɛrɑ mɑ nɑ Yɑ̃ɑ kinɛ kpɛndu wɑ tɑ yɔ̃ sinɑ kitɑrun suunu sɔɔ, mɑ hunde koni nnɛ kɑ ɡuro ɡuro be, bɑ tu sikerenɛ. Yɑ̃ɑ kinɛ kpɛm te, tɑ sɑ̃ɑre bɑ kɑ tu yɑ̃kuru koore, tɑ kɔbɑ nɔɔbɑ yiru mɔ kɑ mɑɑ nɔni nɔɔbɑ yiru yi yi sɑ̃ɑ Gusunɔn hundebɑ nɔɔbɑ yiru, be u ɡɔrɑ hɑnduniɑ kpuro sɔɔ.