Kɑ̃siru 22:3 - Bibeli Gusunɔn Gari

³ Bɔ̃ri ɡɛɛ kun ko n mɑɑ wɑ̃ɑ wuu ɡe sɔɔ. Gusunɔ kɑ Yɑ̃ɑ kinɛ kpɛm ten sinɑ turɑrɑ tɑ ko n wɑ̃ɑ mi, kpɑ win sɔm kowobu bu nùn sɑ̃.

Kɑ̃siru 22:3 ပူးပေါင်းရင်းမြစ်များ

Womusu 16:11

Adɑmɑ kɑɑ mɑn wɑ̃ɑrun swɑɑ sɔ̃ɔsi. Wunɛn miyɑ kon yɛ̃ɛri. Wunɛn miyɑ kon nuku dobu ko bi bu ǹ kpeemɔ.

Womusu 17:15

Adɑmɑ nɛ, nɑ̀ n seewɑ, kon wunɛn wuswɑɑ wɑ yèn sɔ̃ nɑ dɛɛre, kpɑ nɑ n nuku dobu yibɑ.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 51:11

Nɡe mɛyɑ tɛ̃, be ɑ yɑkiɑ bɑ koo kpɑm ɡɔsirɑmɑ, bu wurɑmɑ Siɔniɔ kɑ nɑsɑrɑn womusu, kpɑ nuku doo bi bu ku rɑ kpe bu n sɔ̃ɔsire ben wuswɑɑɔ. Yɛ̃ɛribu kɑ nuku dobu ko n bu wɑ̃ɑsi, kpɑ nɔni swɑ̃ɑru kɑ weeweenu nu doonɑ.

Esekiɛli 37:27

Nɛn wɑ̃ɑ yeru tɑ ko n wɑ̃ɑwɑ ben suunu sɔɔ. Bɑ ko n sɑ̃ɑwɑ nɛn tɔmbu kpɑ nɑ n sɑ̃ɑ ben Yinni.

Esekiɛli 48:35

Gɑnɑ ye yɑ koo wuu ɡe sikerenɑ kpuron dɛ̃ɛbu bu ko n sɑ̃ɑwɑ ɡɔm soonu nɔrɔbun subɑ yɛndu yiru sɑri (18.000). Sɑɑ dɔmɑ ten di, bɑ ko n dɑ wuu ɡe sokuwɑ Yinni Gusunɔ u wɑ̃ɑ mini.

Sɑkɑri 14:11

Tɔmbɑ koo sinɑ ye sɔɔ. Bɑ ǹ mɑɑ ye kɑm koosiɑmɔ. Yɑ ko n wɑ̃ɑwɑ bɔri yɛndu sɔɔ.

Mɑteu 25:21

Win yinni nùn sɔ̃ɔwɑ u nɛɛ, nɑ nun siɑrɑ, wunɛ yoo ɡeo kɑ nɑɑnɛɡiiwɑ. A kuɑ nɑɑnɛɡii ɡɑ̃ɑ piiminu sɔɔ, kon nun ɡɑ̃ɑ bɑkɑnu nɔmu sɔndiɑ. A nɑ su yɛ̃ɛri.

Mɑteu 25:41

Yen biru sunɔ u koo win nɔm dwɑruɡibu sɔ̃ u nɛɛ, i tii ɡɑwo nɛn bɔkun di, bɛɛ be Gusunɔ u bɔ̃rusi. I doo dɔ̃ɔ wi u ku rɑ ɡbi sɔɔ wi bɑ sɔɔru kuɑ Setɑm kɑ win ɡɔrɑdobɑn sɔ̃.

Yohɑnu 12:26

Goo ù n nɛn wɑ̃ɑru wɑ̃ɑ, yɛ̃ro u mɑn swĩiyɔ. Mi nɑ wɑ̃ɑ kpɑ u n mɑɑ wɑ̃ɑ mi. Goo ù n nɛn wɑ̃ɑru wɑ̃ɑ, nɛn Bɑɑbɑ koo yɛ̃ro bɛɛrɛ wɛ̃.

Yohɑnu 13:32

Gusunɔ ù n wɔlle suɑrɑ win min di, Gusunɔn tii u koo mɑɑ Tɔnun Bii wi wɔlle suɑ, n ǹ mɑɑ tɛɛmɔ.

Yohɑnu 14:3

Nɑ̀ n wɑ̃ɑ yee ten sɔɔru kuɑ nɑ kpɑ, kon kpɑm wurɑmɑ n bɛɛ suɑ n kɑ dɑ nɛn tiin mi. Mi nɑ wɑ̃ɑ kpɑ sɑ n wɑ̃ɑ mi sɑnnu.

Yohɑnu 17:24

Bɑɑbɑ, nɑ kĩ be ɑ mɑn wɛ̃ bɑ n wɑ̃ɑ nɛn mi, mi nɑ wɑ̃ɑ, kpɑ bɑ n nɛn yiiko mɛɛrɑ ye ɑ mɑn wɛ̃, domi ɑ mɑn kĩ bɑ sere hɑnduniɑ tɑkɑ kuɑ.

Sɔ̃ɔsiru 27:26

Kpɑ Lefibɑ bu nɛɛ, bɔ̃rurowɑ wi u yinɑ u woodɑn ɡɑri yini mɛm nɔɔwɑ. Kpɑ tɔmbu kpuro bu nɛɛ, ɑmi!

Kɑ̃siru 7:10

Bɑ nɔɔɡiru kuɑ bɑ nɛɛ, bɛsɛn fɑɑbɑ yɑ weewɑ Gusunɔ bɛsɛn Yinnin min di wi u sɔ̃ sinɑ kitɑrɔ, kɑ mɑɑ Yɑ̃ɑ kinɛ kpɛm ten min di.

Kɑ̃siru 7:9

Yen biru nɑ kpɑm mɛɛrɑ mɑ nɑ tɔn dɑbi dɑbinu wɑ be ɡoo kun kpɛ̃ u ɡɑri. Bɑ yɑrɑ sɑɑ tem bɑɑmɛre kɑ bweseru bɑɑtere kɑ tɔmbu kpuro kɑ bɑrum bɑɑmɛren min di. Be kpuro bɑ yɔ̃rɑ sinɑ kitɑru kɑ Yɑ̃ɑ kinɛ kpɛndun wuswɑɑɔ, bɑ yɑbe kpikinu sebuɑ, mɑ bɑ bɑ̃ɑ kɑkosu nɛni nɔmɑɔ.