Kɑ̃siru 18:6 - Bibeli Gusunɔn Gari

⁶ I ye kɔsieyo nɡe mɛ yɑ bɛɛ kuɑ. I ye kɔsieyo nɡe mɛ yɑ bɛɛ kuɑn nɔn yiru. I yen nɔrɑ yibio kɑ tɑm mɛ mu bɔɔbu nɔn yiru n kere nɡe mɛ yɑ bɛɛ sɔkɑ.

Kɑ̃siru 18:6 ပူးပေါင်းရင်းမြစ်များ

Yeremi 50:29

I tɛn towobu mɛnnɔ bu Bɑbiloni wɔri, kpɑ bu ben sɑnsɑni ɡirɑ bu kɑ ye sikerenɑ, kpɑ bu ku rɑɑ de ɡoo u kisirɑ min di. Bu bu kɔsieyo nɡe mɛ ben dɑɑ yɑ nɛ. Bu bu kuo nɡe mɛ bɑ rɑɑ ɡɑbu kuɑ. Domi bɑ tii wɔlle suɑ nɛ, Yinni Gusunɔn wuswɑɑɔ, nɛ wi nɑ sɑ̃ɑ Isirelibɑn Yinni Dɛɛro.

Womusu 137:8

Bɑbiloniɡibu, i sɑ̃ɑwɑ be bɑ koo kɑm koosiɑ. Doo nɔɔruɡiiwɑ wi u koo bɛɛ kɔ̃sɑ yèn bweseru i rɑɑ sun kuɑ kɔsie.

Yeremi 50:15

I tɑbun kuuki koowo bɑɑmɑ domi Bɑbilonin ɡɑni yi wɔrukɑ, yen ɡbɑ̃rɑrɑ subɑ. Wee yen tɔmbɑ nɔmɑ yiiye bɑ tii yibɛrɛbɑ wɛ̃. Nɛ, Yinni Gusunɔwɑ nɑ ye mɔru kɔsiemɔ, nɑ mɔ̀, i ye mɔru kɔsieyo. I ye kuo nɡe mɛ yɑ rɑɑ ɡɑbu kuɑ.

Kɑ̃siru 16:19

Wuu bɔkɔ ɡe, ɡɑ kurɑnɑ wɑsi itɑ, mɑ tɔn tukobun wusu su wɔrukɑ. Gusunɔ u Bɑbiloni, wuu bɔkɔ ɡe yɑɑyɑ mɑ u ɡu win mɔru bɑkɑn nɔrɑn tɑm wɛ̃ ɡu nɔ.

Kɑ̃siru 14:10

wiyɑ u koo mɑɑ Gusunɔn mɔrun tɑm nɔ mɛ u koo wisi kɑ mɛn dɑm win mɔrun nɔrɑ sɔɔ. Bɑɑwure wi u mɔ̀ nɡe mɛ, u koo tɔ̃yɑ wɑ dɔ̃ɔ kɑ sɔ̃ɔ bisu sɔɔ, ɡɔrɑdo dɛɛrobu kɑ Yɑ̃ɑ kinɛ kpɛm ten wuswɑɑɔ.

Yeremi 51:24

Adɑmɑ nɛ, Yinni Gusunɔ nɑ nɛɛ, kon wunɛ Bɑbiloni kɑ wunɛn tem tɔmbu kɔsie wunɛn nɔni biru kɔ̃sɑ ye i kuɑ Siɔniɔ.

Kɑ̃siru 17:4

Kurɔ wi, u yɑ̃nu sebuɑ ni nu kɔrɔnnɔ kɑ swɑ̃ɑ tobe sɑ̃ɑ, mɑ u burɑru kuɑ kɑ wurɑ kɑ ɡoo kpee ɡobi bɛkɛɡinu kɑ ɡoo kpikinu. U wurɑn nɔrɑ nɛni win nɔmɑɔ yè sɔɔ ɡɑ̃ɑ kɔ̃sunu kɑ win kurɔ tɑnɔ disi yibɑ.

Sɑkɑri 9:12

Bɛɛ yobu, bɛɛ be i yĩiyɔ bɑkɑbu mɔ, i wuro bɛɛn wusɔ si su ɡbɑ̃rɑnu mɔ. Nɑ mɑɑ bɛɛ nɔɔsiɑmɔ mɑ kon bɛɛ domɑru kuɑ nɡe yelluɡirun nɔn yiru.

Yeremi 17:18

A de be bɑ mɑn nɔni sɔ̃ɔmɔ bu sekuru wɑ. Kpɑ nɛ, nɑ kun tu wɑ. A de bu diiri, kpɑ nɛ, nɑ n wɑ̃ɑ kɑ toro sindu. A de nɔni swɑ̃ɑru tu bu deemɑ, kpɑ ɑ bu sɛɛyɑsiɑ n kpɑ̃.

Yeremi 16:18

Kon bu ben durum ɑre wɛ̃ mɑm mɑm. Domi bɑ nɛn tem disi doke mɛ mu sɑ̃ɑ nɛn ɑrumɑni, mɑ bɑ derɑ mu ben bũun bwɑ̃ɑrokunu yibɑ ni nu ǹ wɑ̃ɑru mɔ.

Timɔte II 4:14

Alesɑndu seko wi, u mɑn kɔ̃sɑ kuɑ ɡem ɡem. Yinni u koo nùn kɔsie ye u kuɑ.

Yeremi 51:49

Yen tɔmbɑ tɔn dɑbinu ɡo hɑnduniɑ kpuro sɔɔ. Tɛ̃ yen tiin sɑɑ yɑ tunumɑ yu kɑ wɔrumɑ. Domi bɑ Isirelibɑ dɑbinu ɡo.

Kɑ̃siru 17:2

Hɑnduniɑn sinɑmbɑ kɑ kurɔ tɑnɔ kpoko wi dɑɑ bɛrɛtɛkɛ kuɑ, mɑ kurɔ tɑnɔ win dɑɑ bɛrɛtɛkɛn tɑm mu hɑnduniɑn tɔmbu lɑɑkɑri birɑ.

Kɑ̃siru 13:10

Wi bɑ koo pirisɔm mwɑ, pirisɔmwɑ bɑ koo nùn mwɑ. Wi bɑ koo ɡo kɑ tɑkobi, tɑkobiwɑ bɑ koo kɑ nùn ɡo. Sɑɑ ye sɔɔ, n weenɛ nɑɑnɛ dokeobu bɑ n tɛmɑnɛ ben nɑɑnɛ dokebu sɔɔ.

Esɑi 40:2

I Yerusɑlɛmuɡibu nukuru yɛmiɑsio, i nɛɛ, ben yorɑ kpɑ. Domi nɑ bu ben ɡɔbɑ ye bɑ kuɑ kpuron ɑre wɛ̃. Nɑ bu sɛɛyɑsiɑ ben durum ye bɑ kuɑ kpuron sɔ̃.

Esɑi 61:7

Yinni Gusunɔ u nɛɛ, bɑ bɛɛ sekuru doke tɑ kpɑ̃. Tɔmbɑ bɛɛ yɑ̃ɑtɑm siemɔ, yen sɔ̃nɑ seku ten ɑyerɔ i ko n bɑɑ mɔ n kpɑ̃ tɔn ben temɔ, kpɑ i n wɑ̃ɑ nuku dobu sɔɔ bi bu ǹ kpeemɔ.

Womusu 28:4

A bu ben kookoosun ɑre wɛ̃ɛyɔ nɡe mɛ yi nɛ. Ye bɑ ɡɑbu kuɑ, ɑ de yu wɔri ben wirɔ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.

Swĩi 3:64

Yinni Gusunɔ, nɑ yɛ̃ mɑ kɑɑ bu kɔsie nɡe mɛ ben kookoosu nɛ.