Kɑ̃siru 15:4 - Bibeli Gusunɔn Gari

⁴ Yinni, wɑrɑ kun wunɛn bɛrum mɔ. Wɑrɑ koo yinɑ u wunɛn yĩsiru bɛɛrɛ wɛ̃. Domi wunɛ turowɑ ɑ sɑ̃ɑ dɛɛro. Tem bɑɑmɛren tɔmbɑ koo nɑ wunɛn mi, bu nun sɑ̃. Domi bɑɑwure u wunɛn sɔm ɡeenu wɑ.”

Kɑ̃siru 15:4 ပူးပေါင်းရင်းမြစ်များ

Womusu 105:7

Wiyɑ Gusunɔ bɛsɛn Yinni wi u koo hɑnduniɑ kpuro siriɑ.

Womusu 111:9

U derɑ bɑ win tɔmbu yɑkiɑ. Mɑ u kɑ bu ɑrukɑwɑni bɔkuɑ sere kɑ bɑɑdommɑɔ. Win yĩsiru tɑ dɛɛre, tɑ mɑɑ nɑnum mɔ.

Womusu 22:23

Kon nɛɡibu kpuro wunɛn ɡɑri sɔ̃. Kon nun siɑrɑ mi bɑ mɛnnɛ.

Womusu 22:27

Sɑ̃ɑrobu bɑ koo di bu debu. Be bɑ Yinni Gusunɔ kɑsu, berɑ bɑ koo nùn siɑrɑ. Kpɑ ben hunde yu dɑkɑɑ dɑ.

Womusu 22:3

Mbɑn sɔ̃nɑ ɑ ku rɑ mɑn wurɑri sɑnɑm mɛ nɑ nun sokɑ sɔ̃ɔ sɔɔ. Mbɑn sɔ̃nɑ ɑ ku rɑ mɑn wisi sɑnɑm mɛ nɑ nun kɑnɑ wɔ̃kuru.

Womusu 86:9

Bwese ni ɑ tɑkɑ kuɑ kpuro nu koo nɑ nu yiirɑ wunɛn wuswɑɑɔ, kpɑ nu wunɛn yĩsiru bɛɛrɛ wɛ̃.

Womusu 89:7

Yinni Gusunɔ, ɑ ǹ sɑɑrɑ mɔ wɔllɔ. Wunɛn ɡɔrɑdobɑ sɔɔ, ɡoo sɑri wi u kɑ nun nɛ.

Womusu 97:8

Yinni Gusunɔ, Siɔniɡibu bɑ ye nuɑ mɑ bɑ nukuru dorɑ. Yudɑbɑ bɑ nuku dobu mɔ̀ wunɛn siribun sɔ̃.

Womusu 99:5

Yinni Gusunɔ u dɛɛre. I nùn wɔlle suo. I nɑ i yiirɑ win sinɑ kitɑrun nuurɔ.

Womusu 99:9

I Gusunɔ bɛsɛn Yinni siɑro. I yiiro win ɡuu dɛɛrɑrɔ i nùn bɛɛrɛ wɛ̃. Domi u sɑ̃ɑwɑ Dɛɛro.

Esɑi 24:15

bɛɛ be i wɑ̃ɑ sɔ̃ɔ yɑri yeru ɡiɑ kɑ be bɑ wɑ̃ɑ nim wɔ̃kun ɡooru ɡiɑ, i Gusunɔ Isirelibɑn Yinni bɛɛrɛ wɛ̃ɛyɔ.

Esɑi 25:3

Yen sɔ̃nɑ bwese dɑmɡinu nu nun bɛɛrɛ wɛ̃ɛmɔ. Mɑ be bɑ ɡɑbu dɑm dɔremɔ bɑ nun nɑsie.

Esɑi 26:9

Wɔ̃kuru, nɛn bwɛ̃rɑ yɑ rɑ n wunɛn bɛkɛ bɑrɔwɑ, kpɑ nɛn ɡɔ̃ru ɡɑ n nun kɑsu. À n tɔmbu siri hɑnduniɑ sɔɔ, bɑ rɑ ɡiewɑ nɡe mɛ bɑ koo kɑ sĩ.

Esɑi 45:23

Gemɑ nɑ ɡerumɔ. Nɛn ɡɑri kun mɑɑ kɑm mɔ̀. Nɑ bɔ̃ruɑ kɑ nɛn tiin yĩsiru nɑ nɛɛ, dũuru bɑɑtere tɑ koo yiirɑ nɛn wuswɑɑɔ, kpɑ nɔɔ bɑɑɡere ɡu bɔ̃re kɑ nɛn yĩsiru.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 6:3

Bɑ nɔɔɡiru sue bɑ mɔ̀, Dɛɛro Dɛɛro, Gusunɔ wɔllu kɑ tem Yinni u sɑ̃ɑwɑ Dɛɛro. Win yiiko yɑ hɑnduniɑ kpuro yibɑ.

Esɑi 60:5

À n bu wɑ bɑ wee, kɑɑ nuku dobu ko. Wunɛn ɡɔ̃ru ɡɑ koo dorɑ sɑnɑm mɛ bwesenu nu koo kɑ nun ɑrumɑni nɑɑwɑ sɑɑ nim wɔ̃kun ɡuru ɡiɔn di.

Yeremi 10:7

Wunɑ ɑ sɑ̃ɑ bwesenu kpuron sinɑ boko. Wɑrɑ u ǹ koo nun nɑsiɑ. Wunɑ ɑ yiiko kpuro mɔ. Bwesenu kpuron bwisiɡibu sɔɔ, ɡoo sɑri wi u kɑ nun weenɛ.

Yeremi 16:19

Yeremi u nɛɛ, Yinni Gusunɔ, ɑ sɑ̃ɑwɑ nɛn dɑm kɑ nɛn kuku yee dɑmɡiru, nɔni swɑ̃ɑrun sɑɑ. Wunɛn miyɑ hɑnduniɑn ɡoonu nnɛ kpuron tɔmbu bɑ koo nɑ, kpɑ bu nɛɛ, weesɑ ben bɑɑbɑbɑ bɑ swĩi. Ben bũnu nu ǹ ɡɑ̃ɑnu sosi, nu sɑ̃ɑwɑ kɑm dirum.

Yeremi 5:22

Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Hɑbɑkuku 1:12

Sɑɑ yellun di, wunɑ ɑ sɑ̃ɑ Gusunɔ. Wunɑ ɑ sɑ̃ɑ nɛn Yinni. A dɛɛre. Yen sɔ̃, sɑ ǹ ɡbimɔ. Yinni, wunɑ ɑ sɑ̃ɑ nɛn kpee bɑɑ mi nɑ rɑ kuke. Wunɑ ɑ Bɑbiloniɡibu ɡɔsɑ, mɑ ɑ bu dɑm kɑ̃ kpɑ bu kɑ sun sɛɛyɑsiɑ.

Sɑkɑri 14:16

Bwese ni nu rɑɑ Yerusɑlɛmu ye wɔri, nin ni nu tie, nu ko n dɑ nɛwɑ wɔ̃ɔ bɑɑɡere nu yiirɑ Gusunɔ sinɑ bokon wuswɑɑɔ, wi u sɑ̃ɑ wɔllu kɑ tem Yinni, kpɑ nu Kunun tɔ̃ɔ bɑkɑru ko.

Sɑkɑri 2:11

Bɛɛ Yerusɑlɛmuɡibu, bɛɛ be i yoru dimɔ Bɑbiloniɔ, i kisirɑmɑ.

Mɑlɑsi 1:11

Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Romu 15:9

Kpɑ tɔn tukobu bu nùn bɛɛrɛ wɛ̃ win wɔnwɔndun sɔ̃ nɡe mɛ win ɡɑri ɡeruɑ yi nɛɛ, “Yen sɔ̃nɑ, kon nun siɑrɑ bwesenun suunu sɔɔ. Kpɑ n womu ko n kɑ wunɛn yĩsiru bɛɛrɛ wɛ̃.”

Piɛɛ I 1:16

Mɛyɑ Gusunɔ u ɡeruɑ win ɡɑri sɔɔ u nɛɛ, “I n dɛɛre domi nɛn tii nɑ dɛɛre.”

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 14:7

U nɔɔɡiru suɑ u nɛɛ, i Gusunɔ nɑsio kpɑ i nùn bɛɛrɛ wɛ̃, domi sɑɑ yɑ turɑ u kɑ tɔmbu kpuro siri. I nùn sɑ̃ɑwɔ wi u wɔllu kɑ tem tɑkɑ kuɑ kɑ nim wɔ̃ku kɑ bwii.

Kɑ̃siru 16:5

Mɑ nɑ ɡɔrɑdo winin nɔɔ nuɑ wi u dɑm mɔ nim wɔllɔ, u nɛɛ, Dɛɛro, wunɛ wi ɑ wɑ̃ɑ, ɑ rɑɑ mɑɑ wɑ̃ɑ, wunɑ ɑ sɑ̃ɑ ɡemɡii ɑ kɑ siri mɛsum.

Kɑ̃siru 16:7

Yen biru nɑ nɔɔ ɡɑɡu nuɑ sɑɑ yɑ̃ku yeru min di ɡɑ nɛɛ, ɡeemɑ Gusunɔ Yinni dɑm kpuroɡii, wunɛn siribu sɑ̃ɑ ɡem bu mɑɑ dɛnde.

Kɑ̃siru 19:2

Win siribu sɑ̃ɑ ɡem bu mɑɑ dɛnde. Domi u kurɔ tɑnɔ kpoko wi siri wi u hɑnduniɑ kpuro sɑnkɑ kɑ win dɑɑ bɛrɛtɛkɛ mɑ u nùn sɛɛyɑsiɑ yèn sɔ̃ u win sɔm kowobu ɡo.

Kɑ̃siru 19:8

Bɑ derɑ u yɑ̃ɑ kpiki bɛɛrɛɡinu sebuɑ ni nu dɛɛre wɑsɑ wɑsɑ. Yɑ̃ɑ bɛɛrɛɡii ni, nu sɑ̃ɑwɑ nɑɑnɛ dokeobun kookoo ɡeesu.

Kɑ̃siru 3:7

Kirisi u mɑɑ nɛɛ, ɑ Filɑdɛɛfin Yesun yiɡbɛrun ɡɔrɑdo yoruo ɑ nɛɛ, nɛ wi nɑ sɑ̃ɑ Dɛɛro kɑ Gemɡii, nɛ wi nɑ sinɑ boko Dɑfidin yɛnun kɔkɔrɔ nɛni, nɛ wi nɑ̀ n kɛniɑ, ɡoo ku rɑ kɛnɛ, nɛ wi nɑ̀ n mɑɑ kɛnuɑ, ɡoo ku rɑ kɛniɛ, nɛnɑ nɑ nɛɛ,

Kɑ̃siru 4:8

Hunde koni nnɛ yen bɑɑyere yɑ kɑsɑ nɔɔbɑ tiɑ tiɑ mɔ, mɑ yi nɔni mɔ yɑm kpuro tɔɔwɔ kɑ sɔɔwɔ. Bɑ rɑ n womu mɔ̀ kpeetim sɑri sɔ̃ɔ sɔɔ kɑ wɔ̃kuru bɑ n mɔ̀, Dɛɛro! Dɛɛro! Dɛɛro! Mɛyɑ Yinni Gusunɔ Dɑm kpuroɡii u sɑ̃ɑ, wi u rɑɑ wɑ̃ɑ, wi u wɑ̃ɑ, wi u mɑɑ sisi.

Kɑ̃siru 6:10

Tɔmbun hunde beyɑ bɑ ɡbɑ̃rɑ bɑ nɛɛ, Yinni dɛɛro, ɡemɡii, sere sɑɑ yerɑ̀ ɑ mɑrɑ ɑ kɑ hɑnduniɑn tɔmbu siri kpɑ ɑ bu sɛɛyɑsiɑ yèn sɔ̃ bɑ sun ɡo.

Sɑmuɛli I 2:2

Yinni Gusunɔ turowɑ u dɛɛre. U sɑ̃ɑwɑ nɡe kpee bɑɑ mi nɑ rɑ kuke. Wi turowɑ u sɑ̃ɑ Gusunɔ.