Kɑ̃siru 14:2 - Bibeli Gusunɔn Gari

² Mɑ nɑ nɔɔ ɡɑɡu nuɑ wɔllun di nɡe surun bɑkɑrun wurenu, nɡe ɡuru ɡbɑ̃rɑ bɑkɑbu. Nɔɔ ɡe nɑ nuɑ ɡɑ sɑ̃ɑwɑ nɡe ni mɔrɔku sowobɑ soomɔn swĩi.

Kɑ̃siru 14:2 ပူးပေါင်းရင်းမြစ်များ

Sɑmuɛli II 6:5

Mɑ Dɑfidi kɑ Isirelibɑ kpuro bɑ bu swĩi bɑ mɔrɔkunu soomɔ, kɑ ɡɔ̃ɔɡenu kɑ bɑrɑ kpɑ̃nu kɑ sɛkɛtirɛnu kɑ yɑnkokonu. Mɑ bɑ womusu mɔ̀ bɑ yɑɑmɔ kɑ ben dɑm kpuro, bɑ kɑ Gusunɔ sɑ̃ɑmɔ.

Bɑndun Gɑri II 20:28

Bɑ duɑ Yerusɑlɛmuɔ bɑ womusu mɔ̀ kɑ mɔrɔkunu kɑ ɡɔ̃ɔɡenu kɑ kɔbi bɑ kɑ duɑ sere Yinni Gusunɔn sɑ̃ɑ yerɔ.

Womusu 147:7

I Yinni Gusunɔ siɑrɑbun womusu kuo. I Gusunɔ bɛsɛn Yinni siɑro kɑ mɔrɔku.

Womusu 149:3

I nùn siɑro kɑ yɑɑbu. I nùn siɑro kɑ bɑrɑnu kɑ mɔrɔkunu.

Womusu 33:2

I nùn siɑro kɑ mɔrɔkunu kpɑ i womusu ko kɑ ɡɔ̃ɔɡenu.

Womusu 43:4

kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

Womusu 57:8

Gusunɔ, nɛn tororɑ sɔ̃. Kon nun womu kuɑ kpɑ n nɛn bɑrɑnu so.

Womusu 92:3

bɑ n wunɛn durom ɡɑri kpɑrɑmɔ bururu, kpɑ bɑ n wunɛn bɔrɔkinirun ɡɑri kpɑrɑmɔ wɔ̃kuru

Womusu 93:4

Adɑmɑ wunɛ, ɑ dɑm mɔ ɑ ni kpuro kere. A bɑndu dii wɔllɔ.

Womusu 98:5

I nùn womusu kuo kɑ mɔrɔkunu. I nùn tɔmɔ kɑ ɡɔ̃ɔɡenu.

Yɑribu 19:16

Sɔ̃ɔ itɑse ten bururu bɑ ɡuru kukiribu nuɑ, mɑ bɑ ɡuru mɑɑkinu kɑ ɡuru wii wuro te tɑ sinum mɔ wɑ ɡuu ten wɔllɔ. Mɑ kɔbɑ yɑ sumɔ tɑ̃ɑ tɑ̃ɑ sere tɔn be bɑ wɑ̃ɑ sɑnsɑni ye sɔɔ kpuro bɛrum bu mwɑ bɑ diirɑ.

Yɑribu 20:18

Yen biru tɔn be kpuro bɑ ɡuru kukiribu kɑ kɔbɑn swĩi nuɑ mɑ bɑ ɡuru mɑɑkinu wɑ ɡuu ten wɔllɔ te wiisu wukiri. Yerɑ bɑ diirɑ bɑ dɑ bɑ yɔ̃rɑ n dɛsire.

Esɑi 17:13

Bɑ kukirimɔ nɡe dɑɑ bɑkɑrun nim. Adɑmɑ Yinni Gusunɔ u bu ɡerusi, mɑ bɑ duki yɑrinɑ n tomɑ, nɡe yɑkɑ si woo ɡɑ suɑ ɡɑ kɑ doonɑ, ǹ kun mɛ, nɡe tuɑ ye woo ɡunɑ yɑ seeyɑ.

Esekiɛli 43:2

Yerɑ Gusunɔ Isirelibɑn Yinnin yiiko yɑ nɑ sɑɑ sɔ̃ɔ yɑri yeru ɡiɑn di. Mɑ win nɔɔ ɡɑ nɔɔrɑmɔ nɡe nim bɑkɑm. Mɑ tem mu win yiikon ɡirimɑ yibɑ.

Sɑkɑri 9:14

Nɛ, Yinni Gusunɔ, kon tii sɔ̃ɔsi wɔllɔ. Nɛn sɛ̃u ɡɑ koo doonɑ nɡe ɡuru mɑɑkinu. Kon kɔbɑ so, kpɑ n sɑrɑmɑ ɡuru woo bɔkɔ sɔɔ, ɡe ɡɑ wee sɑɑ sɔ̃ɔ yɛ̃sɑn nɔm dwɑru ɡiɑn di.

Korinti I 13:1

Bɑɑ nɑ̀ n kɑ bɑrum bwese bwesekɑ ɡɑri mɔ̀ kɑ mɑm wɔllun ɡɔrɑdobɑn bɑrum mɑ nɑ kun tɔnu kĩ, nɑ sɑ̃ɑwɑ nɡe yɑnkokoru ǹ kun mɛ yɑnɡireru te bɑ soomɔ.

Kɑ̃siru 1:10

Yinnin tɔ̃ru sɔɔ Hunde Dɛɛro derɑ nɑ kɑ̃sɑ, mɑ nɑ nɔɔ dɑmɡuu nuɑ nɛn biruɔ nɡe kɑ̃ɑkɑ̃ɑɡi

Kɑ̃siru 1:15

Win nɑɑsu bɑllimɔwɑ nɡe sii ɡɑn te bɑ yɑniɑ bɑ teɑ, mɑ win nɔɔ ɡɑ sɑ̃ɑ nɡe surun bɑkɑru.

Kɑ̃siru 11:12

Yerɑ Gusunɔn sɔmɔbu yiru ye, bɑ nɔɔɡiru nuɑ wɔllun di bɑ nɛɛ, i yɔɔmɑ ɡee. Bɑ yɔɔwɑ wɔllɔ ɡuru wiru sɔɔ sɑnɑm mɛ ben yibɛrɛbɑ bɑ bu mɛɛrɑ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 15:2

Yerɑ nɑ ɡɑ̃ɑnu wɑ ni nu sɑ̃ɑre yɛru dikiɡuu ɡe ɡɑ burinɛ kɑ dɔ̃ɔ. Nɑ mɑɑ tɔn be wɑ be bɑ ɡbeeku yɑɑ ye kɑ yen weenɑsiɑ, kɑ yen yĩsirun dɑmbɑ tɑbu di. Tɔn be, bɑ yɔ̃ yɛru ɡen wɔllɔ bɑ mɔrɔkunu nɛni ni Gusunɔ u bu wɛ̃.

Kɑ̃siru 18:22

Bɑ ǹ koo mɑɑ mɔrɔkunun swĩi nɔ wunɛn mi kɑ wom kowobu kɑ ɡɑɑsirɑnu kɑ kɔbi. Bɑ ǹ koo mɑɑ sɔm bwese bwesekɑn kowobu wɑ, bɑ ǹ koo mɑɑ nɛɛ te bɑ nɑmmɔn dɑmu nɔ.

Kɑ̃siru 5:8

Ye tɑ kuɑ mɛ, yerɑ hunde koni nnɛ ye kɑ ɡuro ɡurobu yɛndɑ nnɛ ye, bɑ kpunɑ Yɑ̃ɑ kinɛ kpɛm ten wuswɑɑɔ. Ben bɑɑwure u mɔrɔku mɔ kɑ wurɑn bweebu mì sɔɔ turɑre wɑ̃ɑ ye yɑ sɑ̃ɑ nɑɑnɛ dokeobun kɑnɑnu.

Kɑ̃siru 6:1

Yerɑ nɑ wɑ Yɑ̃ɑ kinɛ kpɛm te, tɑ yĩrenu nɔɔbɑ yiru yen teeru kusiɑ, mɑ nɑ nuɑ hunde koni ben turo ɡbɑ̃rɑ nɡe ɡurɑ u ɡoo sɔ̃ɔwɑ u nɛɛ, ɑ yɑrimɑ.

Kɑ̃siru 8:7

Gɔrɑdo ɡbiikoo u win kɔbɑ so. Yerɑ ɡuru kpenu kɑ dɔ̃ɔ kɑ yɛm sɑnnu n burinɑ, mɑ yɑ nɛɛrɑ kɑ dɑm sɑɑ wɔllun di. Mɑ tem bɔnu itɑse yɑ dɔ̃ɔ mwɑɑrɑ kɑ dɑ̃ɑn bɔnu itɑse kɑ mɑɑ yɑkɑ bekusu kpuro.