Kɑ̃siru 13:10 - Bibeli Gusunɔn Gari

¹⁰ Wi bɑ koo pirisɔm mwɑ, pirisɔmwɑ bɑ koo nùn mwɑ. Wi bɑ koo ɡo kɑ tɑkobi, tɑkobiwɑ bɑ koo kɑ nùn ɡo. Sɑɑ ye sɔɔ, n weenɛ nɑɑnɛ dokeobu bɑ n tɛmɑnɛ ben nɑɑnɛ dokebu sɔɔ.

Kɑ̃siru 13:10 ပူးပေါင်းရင်းမြစ်များ

Esɑi 14:2

Bwese dɑbinu nu koo kɑ Isirelibɑ wurɑmɑ ben temɔ, kpɑ bu bwese ni ko yobu tem mɛ Yinni Gusunɔ u bu wɛ̃ sɔɔ. Be bɑ rɑɑ Isirelibɑ yoru mwɛɛrɑ bɑ koo mɑɑ ben tii yoru mwɛɛri. Mɛyɑ be bɑ rɑɑ bu dɑm dɔre, bɑ koo mɑɑ ben tii dɑm dɔre.

Esɑi 26:21

Wee Yinni Gusunɔ u yɑrimɑ win wɑ̃ɑ yerun di u kɑ hɑnduniɑn tɔmbu siri kɔ̃sɑ ye bɑ kuɑn sɔ̃. Tem mu koo tɔn be bɑ ɡon yɛm terɑsiɑ, kpɑ ben ɡonu nu sɔ̃ɔsirɑ.

Esɑi 33:1

Bɔ̃rurobɑ bɛɛ, bɛsɛn yibɛrɛbɑ. Domi i tɔmbu wɔri i ben yɑ̃nu ɡurɑ mɑ i kɑ bu murɑfitiru kuɑ, bɑɑ mɛ bɑ ǹ bɛɛ yen ɡɑɑ kuɑre. Yen sɔ̃, ì n tɔmbu wɔri i kpɑ, i ben yɑ̃nu ɡurɑ, bɑ koo mɑɑ bɛɛ kuɑ nɡe mɛ. Mɛyɑ sɑɑ ye i bu murɑfitiru kuɑ i kpɑ, bɑ koo mɑɑ bɛɛ murɑfitiru kuɑ.

Yeremi 15:2

Bɑ̀ n mɑɑ wunɛ Yeremi bikiɑ bɑ nɛɛ, mɑnɑ bɑ koo dɑ, kpɑ ɑ bu wisi ɑ nɛɛ, bɑ koo ɡbiwɑ. Gɑbɑ koo ben yɑron ɡɔɔ ɡbi, ɡɔɔ wiyɑ koo bu suɑ. Gɑbɑ koo ɡbi tɑbu sɔɔ, ɡɔɔ wiyɑ koo bu suɑ. Gɑbɑ koo ɡbi ɡɔ̃ɔrun sɔ̃, ɡɔɔ wiyɑ koo bu suɑ. Kpɑ bu mɑɑ ɡɑbu yoru mwɛɛri, yoo terɑ bɑ koo di.

Yeremi 43:11

kpɑ u Eɡibitiɡibu sɛɛyɑsiɑ. Be u koo ɡo, u ɡo, be u koo mwɛɛri u ko yobu kpɑ u mwɛɛri, be u koo mɑɑ sɑkiri kɑ tɑkobi, kpɑ u sɑkiri.

Swĩi 3:26

Yɑ wɑ̃ tɔnu ù n Gusunɔn somiru mɑrɑ kɑ tɛmɑnɑbu.

Hɑbɑkuku 2:3

Yin tɔ̃rɑ kun ɡinɑ turɑ yi kɑ koorɑ. Adɑmɑ yi koo koorɑ yin sɑɑ yɑ̀ n turɑ. Bɑɑ yì n tɛɛmɔ, nɑ n ɡesi yi mɑrɑ. Domi yi koo koorɑwɑ kɑm kɑm.

Mɑteu 26:52

Yerɑ Yesu nùn sɔ̃ɔwɑ u nɛɛ, ɑ wunɛn tɑkobi wesio yen kɑrɑrɔ, domi bɑɑwure wi u tɑkobi nɛni, tɑkobiwɑ yɑ koo nùn ɡo.

Mɑteu 7:2

Domi nɡe mɛ i ɡɑbu sirimɔ, nɡe mɛyɑ Gusunɔ u koo mɑɑ bɛɛ siri. Mɑ sɑkɑku ɡe i kɑ ɡɑbu yĩiruɑmmɛ, ɡeyɑ bɑ koo kɑ bɛɛ yĩiruɑ.

Luku 21:19

Bɛɛn tɛmɑnɑbun sɑɑbu bɛɛn hunde yɑ koo fɑɑbɑ wɑ.

Kolose 1:11

Sɑ Gusunɔ kɑnɑmɔ u bɛɛ tɑ̃sisiɑ kpuro sɔɔ kɑ win dɑm yiikoɡim, kpɑ i kpĩ i n kɑ yɑbu bɑɑyere tɛmɑnɛ kɑ suuru nuku dobu sɔɔ.

Heberu 6:12

Sɑ ǹ kĩ i ko nɡe be bɑ tɛmɑnɑbu kpɑnɑ, ɑdɑmɑ i bu sɑɑrio be bɑ nɑɑnɛ doke mɑ bɑ tɛmɑnɑ bɑ kɑ tubi dimɔ ye Gusunɔ u bu nɔɔ mwɛɛru kuɑ.

Kɑ̃siru 1:9

Nɛnɑ Yohɑnu bɛɛɡii, nɛ wi nɑ mɑɑ bɔnu mɔ kɑ bɛɛ nɔni swɑ̃ɑru sɔɔ kɑ Gusunɔn bɑndu sɔɔ kɑ tɛmɑnɑbu sɔɔ yèn sɔ̃ sɑ ɡbinnɛ kɑ Yesu. Bɑ kɑ mɑn nɑ tem bure teni sɔɔ te bɑ mɔ̀ Pɑtumɔsi Gusunɔn ɡɑrin sɔ̃ kɑ Yesun seedɑn sɔ̃.

Kɑ̃siru 11:18

Hɑnduniɑɡibu bɑ mɔru bɛsirɑ. Mɑ wunɛn mɔru yɑ tunumɑ. Sɑɑ yɑ turɑ bu kɑ ɡɔribu siri. Sɑɑ mɑɑ turɑ bu kɑ wunɛn sɔmɔbu ɑre wɛ̃, kɑ be bɑ nun nɑɑnɛ doke kɑ be bɑ wunɛn yĩsiru nɑsie, bɑkɑ kɑ buu. Sɑɑ mɑɑ turɑ bu kɑ bu kɑm koosiɑ be bɑ hɑnduniɑ kɑm mɔ̀.

Kɑ̃siru 14:12

Gɑri yi sɔɔ, n weenɛ nɑɑnɛ dokeobu bu tɛmɑnɑ, be bɑ Gusunɔn woodɑ mɛm nɔɔwɑ mɑ bɑ Yesu nɑɑnɛ kuɑ.

Kɑ̃siru 16:6

Domi bɑ nɑɑnɛ dokeobu kɑ Gusunɔn sɔmɔbun yɛm yɑri, mɑ ɑ bu yɛm wɛ̃ bu nɔ. Mɛyɑ bɑ kɑ weenɛ.

Kɑ̃siru 17:11

Mɑ ɡbeeku yɑɑ ye yɑ rɑɑ wɑsi mɑ yɑ kun mɑɑ wɑ̃ɑ, yen tiiwɑ yɑ sɑ̃ɑ sunɔ nɔɔbɑ itɑse, u yɑrɑwɑ nɔɔbɑ yiru yen min di mɑ u dɔɔ kɑm koo yerɔ.

Kɑ̃siru 17:8

Gbeeku yɑɑ ye nɑ wɑ mi, yɑ rɑɑ wɑsi ɑdɑmɑ yɑ ǹ mɑɑ wɑ̃ɑ. Ǹ n sosi yɑ koo yɑri wɔru bɔkɔ nɔru sɑriruɡuun di yu dɑ kɑm koo yerɔ. Hɑnduniɑn tɔmbu, bèn yĩsɑ kun wɑ̃ɑ wɑ̃ɑrun tireru sɔɔ bu sere hɑnduniɑ tore, bɑ koo biti soorɑ bɑ̀ n ɡbeeku yɑɑ ye wɑ yɑ kpɑm kurɑmɑ. Domi yɑ rɑɑ wɑsi ɑdɑmɑ yɑ ǹ mɑɑ wɑ̃ɑ.

Kɑ̃siru 2:19

nɑ win kookoosu yɛ̃. Nɑ win kĩru yɛ̃, kɑ win bɔrɔkiniru, kɑ win tɔn ɡeeru kɑ mɑɑ win tɛmɑnɑbu. Nɑ yɛ̃ mɑ win sɔm dɑ̃ɑkiru tɑ ɡbiikiru kere.

Kɑ̃siru 2:2

nɑ win kookoosu yɛ̃ kɑ win sɔmɑ kɑ win tɛmɑnɑ bi u mɔ. Nɑ yɛ̃ mɑ u ǹ kpɛ̃ u kɑ tɔn kɔ̃sobu tɛmɑnɑ, mɑ u ben lɑɑkɑri mɛɛrɑ be bɑ tii sokumɔ ɡɔrobu, ɑdɑmɑ bɑ ǹ sɑ̃ɑ mɛ, u deemɑ wee kowobɑ bɑ sɑ̃ɑ.

Kɑ̃siru 3:10

Yèn sɔ̃ u tɛmɑnɑ u mɑn mɛm nɔɔwɑ, yen sɔ̃nɑ kon nùn bere wɑhɑlɑn sɑɑ sɔɔ ye yɑ sisi hɑnduniɑ kpuro sɔɔ yu kɑ tɔmbun lɑɑkɑri mɛɛri be bɑ wɑ̃ɑ hɑnduniɑ sɔɔ.

Kɑ̃siru 3:3

Yen sɔ̃, u yɑɑyo ye bɑ nùn sɔ̃ɔsi kɑ nɡe mɛ u ye nuɑ. U ye mɛm nɔɔwɔ kpɑ u win ɡɔ̃ru ɡɔsiɑ. Ù kun yɑnde, kon nɑ n nùn deemɑ wɔ̃kuru nɡe ɡbɛnɔ. U ǹ ko n mɑɑ yɛ̃ sɑɑ ye kon nɑ.