Kɑ̃siru 11:10 - Bibeli Gusunɔn Gari

¹⁰ Hɑnduniɑn tɔmbun nukurɑ koo dorɑ, bɑ koo tɔ̃ɔ bɑkɑru ko kpɑ bu kɛ̃nu mɔrisiɑnɑ yèn sɔ̃ Gusunɔn sɔmɔbu yiru be bɑ rɑɑ hɑnduniɑɡibu tɔ̃yɑ kuɑ mi, bɑ ɡu.

Kɑ̃siru 11:10 ပူးပေါင်းရင်းမြစ်များ

Sinɑmbu I 18:17

Sɑɑ ye u Eli wɛndɛ kuɑ, yerɑ u nùn sɔ̃ɔwɑ u nɛɛ, wunɑ mi, wunɛ wi ɑ nɔni swɑ̃ɑ teni doke bɛsɛ Isirelibɑn temɔ?

Sinɑmbu I 21:20

Yerɑ Eli u dɑ Akɑbun mi. Ye u turɑ mi, yerɑ Akɑbu u nùn sɔ̃ɔwɑ u nɛɛ, nɛn yibɛrɛ, ɑ den mɑn wɑ? Eli u nùn wisɑ u nɛɛ, nɑ nun wɑ. Wee, Yinni Gusunɔ u koo nun kɔ̃sɑ suremɑ kpɑ u wunɛn tɔmbu kpuro ɡo kɑ wunɛn yobɔ yèn sɔ̃ ɑ tii yɔ̃su ɑ kɔ̃sɑ kuɑ win wuswɑɑɔ.

Sinɑmbu I 22:18

Yerɑ Isirelibɑn sinɑ boko u Yosɑfɑti sɔ̃ɔwɑ u nɛɛ, nɑ ǹ dɑɑ nun sɔ̃ɔwɑ mɑ u ku rɑ mɑn ɡɑ̃ɑ ɡeenu sɔ̃, sere ɡɑ̃ɑ kɔ̃sunu?

Sinɑmbu I 22:8

Isirelibɑn sinɑ boko u nɛɛ, Gusunɔn sɔmɔ turowɑ u wɑ̃ɑ mini, wìn min di sɑ ko kpĩ su Yinni Gusunɔn ɡere nɔ. Adɑmɑ nɑ nùn tusɑ. Domi u ku rɑ mɑn ɡɑ̃ɑ ɡeenu sɔ̃. Sɔmɔ win yĩsirɑ Misee Yimilɑn bii. Mɑ Yosɑfɑti u nùn sɔ̃ɔwɑ u nɛɛ, sinɑ boko, ɑ ku ɡere mɛ.

Womusu 13:4

Yinni Gusunɔ, ɑ suuru koowo. A mɑn wisio. A mɑn dɑm kɛ̃ɛyɔ. A de nɛn nɔni yi ɡɛllɑ. A ku de n ɡbi.

Womusu 35:19

A ku de be bɑ sɑ̃ɑ nɛn yibɛrɛbɑ bɑ n mɑn yɛ̃ɛmɔ kɑm sɔɔ, kpɑ be bɑ mɑn tusɑ kɑm sɔɔ bɑ n mɑn wɔmmɔ kɑ ɡɔnibu.

Womusu 89:42

A derɑ be bɑ sɑrɔ mi, bɑ win ɑrumɑni ɡurɑ. Mɑ bɑ nùn sekuru doke.

Mɔnnu 24:17

A ku de wunɛn ɡɔ̃ru ɡu dorɑ wunɛn yibɛrɛ ù n wɔrumɑ, ǹ kun mɛ ù n sokurɑ.

Yeremi 38:4

Yerɑ wiruɡibu bɑ nɑ bɑ sinɑ boko sɔ̃ɔwɑ bɑ nɛɛ, durɔ wini u tɑbu kowobu kɑ tɔn be bɑ wɑ̃ɑ wuu ɡe sɔɔ bɛrum tiɑmɔwɑ kɑ win ɡɑri. U ǹ bɛsɛn ɡeɑ kɑsu sere bɛsɛn kɔ̃sɑ. Ǹ n mɛn nɑ, n weenɛ bu nùn ɡo.

Yeremi 50:11

Bɛɛ Bɑbiloniɡibu, bɛɛ be i nɛn ɑrumɑni ɡurɑ, i nuki doro. I n yɔ̃ɔkumɔ nɡe nɑɑ kpɛmi yɑkɑsɔ. I n sumɔ nɡe dum dwɛɛ.

Abudiɑsi 1:12

Bɛɛ Edɔmubɑ, n ǹ dɑɑ weenɛ i bɛɛn mɛro bisibu Yudɑbɑ mɛɛri kɑ nuku dobu sɑnɑm mɛ bɑ nɔni sɔ̃ɔre. N ǹ dɑɑ weenɛ i nuku dobu ko ǹ kun mɛ i bu wɔmɛ sɑnɑm mɛ bɑ nuki sɑnkire.

Misee 7:8

Bɛɛ be i sɑ̃ɑ bɛsɛn yibɛrɛbɑ, i ku yɛ̃ɛ ye yɑ sun deemɑn sɔ̃. Bɑɑ sɑ̀ n wɔrumɑ, sɑ ko se. Sɑ̀ n mɑɑ wɑ̃ɑ yɑm wɔ̃kuru sɔɔ, Yinni Gusunɔwɑ u ko n sɑ̃ɑ bɛsɛn yɑm bururɑm.

Mɑteu 10:22

Bɑɑwure u koo bɛɛ tusi nɛn yĩsirun sɔ̃. Adɑmɑ wi u tɛmɑnɑ sere kɑ nɔrɔ u koo fɑɑbɑ wɑ.

Yohɑnu 16:20

Kɑ ɡeemɑ nɑ bɛɛ sɔ̃ɔmɔ, i ko swĩ, i ko kpɑsɑ wɔri ko, ɑdɑmɑ hɑnduniɑɡibu bɑ koo yɛ̃ɛri. Bɛɛn nukurɑ koo sɑnkirɑ, ɑdɑmɑ bɛɛn nuku sɑnkirɑnu koo ɡɔsirɑ nuku dobu.

Yohɑnu 7:7

Hɑnduniɑɡibɑ kun kpɛ̃ bu bɛɛ tusi, ɑdɑmɑ bɑ mɑn tusɑ nɛ, yèn sɔ̃ nɑ nɛɛ, ben kookoosu kun wɑ̃.

Gɔrobun Kookoosu 5:33

Ye bɑ ɡɑri yi nuɑ, bɑ mɔru bɑrɑ too too sere bɑ kĩ bu ɡɔro be ɡo.

Korinti I 13:6

Wi u tɔnu kĩ u ku rɑ yɛ̃ɛri kɔ̃sɑn sɔ̃ mɑ n kun mɔ ɡem sɔ̃.

Kɑ̃siru 12:13

Ye yɑɑ ye, yɑ wɑ mɑ bɑ ye kɔ̃wɑ temɔ, yerɑ yɑ kurɔ wi nɔni sɔ̃ɔbu wɔri wi u bii tɔn durɔ mɑrɑ mi.

Kɑ̃siru 13:14

Yɑ hɑnduniɑn tɔmbu nɔni wɔ̃kuɑ kɑ mɑɑmɑɑki yèn yiiko bɑ ye wɛ̃ yu ko yɑɑ ɡbiikɑɑ yen nɔni biru. Yɑ hɑnduniɑɡibu sɔ̃ɔmɔ bu yɑɑ ɡbiikɑɑ yen weenɑsiɑ koowo ye bɑ rɑɑ kɑ tɑkobi mɛɛrɑ kuɑ, mɑ yɑ kun ɡu.

Kɑ̃siru 13:8

Bèn yĩsinu bɑ ǹ yoruɑ bu sere hɑnduniɑ tore, wɑ̃ɑrun tireru sɔɔ te tɑ sɑ̃ɑ Yɑ̃ɑ kinɛ kpɛnduɡiru te bɑ kɑ yɑ̃kuru kuɑ, beyɑ bɑ koo ɡbeeku yɑɑ ye sɑ̃.

Kɑ̃siru 16:10

Yerɑ ɡɔrɑdo nɔɔbuse u win yoruku wisi ɡbeeku yɑɑ yen sinɑ kitɑru wɔllɔ. Mɑ n kuɑ yɑm wɔ̃kuru ketem yen bɑndun tem sɔɔ. Mɑ tɔmbu bɑ ben yɑri temmɔ wuriribun sɔ̃.

Kɑ̃siru 3:10

Yèn sɔ̃ u tɛmɑnɑ u mɑn mɛm nɔɔwɑ, yen sɔ̃nɑ kon nùn bere wɑhɑlɑn sɑɑ sɔɔ ye yɑ sisi hɑnduniɑ kpuro sɔɔ yu kɑ tɔmbun lɑɑkɑri mɛɛri be bɑ wɑ̃ɑ hɑnduniɑ sɔɔ.