Yɑkɔbu 5:3 - Bibeli Gusunɔn Gari

³ Bɛɛn wurɑ kɑ bɛɛn sii ɡeesu wururɑ diirɑ. Wururɑ yerɑ yɑ koo bɛɛ ɑre kɔ̃suru diiyɑ, kpɑ yu bɛɛn wɑsin yɑɑ bɑɑsi di nɡe dɔ̃ɔ. I dukiɑ ɡurɑ i tɑɑsinɛ sɑnɑm dɑ̃ɑkim mɛni sɔɔ.

Yɑkɔbu 5:3 ပူးပေါင်းရင်းမြစ်များ

Torubu 49:1

Yen biru Yɑkɔbu u win bibu sokɑ u nɛɛ, i mɛnnɑmɑ kpɑ n bɛɛ sɔ̃ ye n koo bɛɛ deemɑ ɑmɛn biru.

Yoobu 16:8

Nɑ woorɑ, nɛn ɡɔnɑ ɡɑwɑre. Yɑ sɔ̃ɔsimɔ mɑ nɑ torɑ.

Esɑi 2:2

U nɛɛ, sɑɑ dɑ̃ɑkɑ sɔɔ, ɡuu tèn mi Yinni Gusunɔn sɑ̃ɑ yerɑ ɡire, tɑ koo ɡuu ni nu tie bɛɛrɛ kerɑ, kpɑ bwesenu kpuro nu nɑ mi,

Yeremi 19:9

Kon de yibɛrɛ be, bu bu nɔni sɔ̃ sere bu ben berusebu kɑ ben bibun ɡonun yɑɑ di.

Misee 3:3

I rɑ bu diwɑ mɑm mɑm nɡe yɑɑ ye bɑ kokɑ bɑ kukunu kɔsukɑ, mɑ bɑ ye bɔtirɑ bɑ doke wekerɔ.

Misee 4:1

Sɑɑ ɡɑɑ sisi yè sɔɔ ɡuu tèn mi Yinni Gusunɔn sɑ̃ɑ yerɑ rɑɑ ɡire, tɑ koo ɡuu ni nu tie bɛɛrɛ kerɑ. Kpɑ bwese dɑbinu nu nɑ mi,

Gɔrobun Kookoosu 2:17

U nɛɛ, “Gusunɔ u nɛɛ, yeniwɑ kon ko sɑnɑm dɑ̃ɑkim sɔɔ. Kon nɛn Hunde doke tɔmbu kpuro sɔɔ. Bɛɛn bii tɔn durɔbu kɑ tɔn kurɔbu, bɑ koo Gusunɔn ɡɑri ɡere. Bɛɛn ɑluwɑɑsibɑ bɑ ko n kɑ̃sinu wɑɑmɔ, kpɑ bɛɛn durɔ tɔkɔnu nu n dosusu mɔ̀.

Romu 2:5

Adɑmɑ yèn sɔ̃ wunɛn ɡɔ̃ru ɡɑ bɔɔbu ɡɑ deɡɑnɡɑm yibɑ, ɑ wunɛn tii mɔru mɛnnɑmmɛwɑ Gusunɔn mɔrun tɔ̃run sɔ̃ tè sɔɔ u koo tɔmbu siri dee dee

Timɔte II 2:17

Ye tɔn ben bweserɑ sɔ̃ɔsimɔ, yɑ sɑ̃ɑwɑ nɡe boo kɔ̃so wi u wɑsi kɔ̃sisiɑmɔ. Be sɔɔrɑ Himɛnɛ kɑ Filɛtu bɑ wɑ̃ɑ.

Yosue 24:27

Yosue u tɔn be kpuro sɔ̃ɔwɑ u nɛɛ, wee kpee teni tɑ ko n sɑ̃ɑwɑ bɛsɛn seedɑ domi tɑ ɡɑri kpuro nuɑ yi Yinni Gusunɔ u sun sɔ̃ɔwɑ. Tɑ koo bɛɛ yi yɑɑyɑsiɑ kpɑ i ku rɑ kɑ ko nɑɑnɛ sɑriruɡibu Gusunɔn sɑ̃ɑru sɔɔ.

Piɛɛ II 3:3

Gbiikɑɑ, i n yɛ̃ mɑ sɑnɑm dɑ̃ɑkim sɔɔ, tɔmbɑ koo yɑrimɑ bɑ n sĩimɔ kɑ ben tiin ɡɔ̃ru kĩru. Bɑ koo bɛɛ yɑɑkoru ko

Kɑ̃siru 17:16

Kɔbi wɔku te nɑ mɑɑ wɑ mi kɑ ɡbeeku yɑɑ ye, ye kpurowɑ yɑ koo kurɔ tɑnɔ wi tusi. Bɑ koo ye u mɔ kpuro suɑ kpɑ bu nùn deri tereru. Bɑ koo win yɑɑ tem kpɑ bu ye yɑ tie dɔ̃ɔ mɛni muku muku.

Kɑ̃siru 20:15

Bɑɑwure wìn yĩsiru bɑ ǹ yoruɑ wɑ̃ɑrun tire te sɔɔ, bɑ nùn suɑ bɑ kpɛ̃ɛ dɔ̃ɔ bwee te sɔɔ.

Kɑ̃siru 21:8

Adɑmɑ bɛrurobu kɑ nɑɑnɛ doke sɑriruɡibu kɑ kom kɔ̃sumɡibu kɑ tɔn ɡowobu kɑ sɑkɑrɑ kowobu kɑ dobo doboɡibu kɑ bũu sɑ̃ɔbu kɑ wee kowobu kpuro, bɑ koo ben bɔnu wɑ dɔ̃ɔ bwerɔ wi u mwɑɑmɔ kɑ sɔ̃ɔ bisu. Yerɑ yɑ sɑ̃ɑ ɡɔɔ yiruse.