Yɑkɔbu 5:1 - Bibeli Gusunɔn Gari

¹ Tɛ̃ bɛɛ dukiɑɡibu, i mɑn swɑɑ dɑkio. I swĩiyɔ kpɑ i n ɑrɑru mɔ̀ wɑhɑlɑ ye yɑ bɛɛ sisien sɔ̃.

Yɑkɔbu 5:1 ပူးပေါင်းရင်းမြစ်များ

Womusu 17:14

A ben wɑ̃ɑrun dɛ̃ɛbu kɑwo. A de bu ben dɑɑ kɔ̃sɑ kpuron ɑre wɑ, kpɑ yi n bu wɑ̃ɑsi sere kɑ ben bibun bibɔ.

Mɔnnu 11:28

Wi u win nɑɑnɛ doke dukiɑ sɔɔ, u koo wɔrumɑwɑ, ɑdɑmɑ ɡemɡibɑ koo kpɑrɑwɑ nɡe dɑ̃ɑ.

Mɔnnu 11:4

Dukiɑ kun kpɛ̃ yu tɔnu wɔrɑ Gusunɔn siribun sɑnɑm, ɑdɑmɑ ɡem mu rɑ tɔnu wɔre ɡɔɔn di.

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 15:3

Mɑ bɑ sɑɑkibɑ sebuɑ bɑ wɑ̃ɑ swɛɛ sɔɔ kɑ dii tɛɛriɔ kɑ dii yɑɑriɔ nuku sɑnkirɑnun sɔ̃. Mɑ bɑ weeweenu mɔ̀ bɑ sumɔ kɑ nɔni yĩresu.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Yeremi 9:23

Adɑmɑ wi u kĩ u woo kɑnɑ, u woo kɑnɔ yèn sɔ̃ u bwisi mɔ u kɑ mɑn tubu, mɑ u yɛ̃ mɑ nɛnɑ nɑ sɑ̃ɑ Yinni Gusunɔ. Nɑ sɑ̃ɑwɑ nɑɑnɛɡii wi u rɑ siri dee dee, kpɑ u de durom mu n wɑ̃ɑ tem sɔɔ. Tɔn benin bweserɑ bɑ rɑ mɑn wɛ̃re. Nɛ, Yinni Gusunɔwɑ nɑ yeni ɡeruɑ.

Esekiɛli 19:2

ben mɛro u sɑ̃ɑwɑ nɡe ɡbee sunɔ niu ɡeu ɡe bɑ yɛ̃ ɡbee sinɑnsun suunu sɔɔ. Gɑ rɑ n ɡen binu kpunɛwɑ ɡɑ n nu diisiɑmɔ.

Esekiɛli 30:2

tɔnun bii, ɑ Eɡibitiɡibu ɡerusio kpɑ ɑ bu sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee tɔ̃ɔ kɔ̃surɑ wee. Bu weeweenu koowo.

Yoɛli 1:11

Gbee wukobu bɑ sɔ̃ biti sɔɔ. Be bɑ rɑ resɛm yewe, weeweenɑ bɑ mɔ̀. Domi dĩɑ bimi sɑri. Dĩɑnu kpuro nu kɑm kuɑ.

Yoɛli 1:13

Bɛɛ Yinni Gusunɔn sɔm kowobu, yɑ̃ku kowobu, i sɑɑki sebuo i kɑ kpunɑ wɔ̃ku ɡiriru nuku sɑnkirɑnun sɔ̃. Domi wee bɑ ku rɑ mɑɑ kɑ ɑlikɑmɑ kɑ tɑm kɛ̃nu nɛ Gusunɔ bɛsɛn Yinnin sɑ̃ɑ yerɔ.

Yoɛli 1:5

Bɛɛ be tɑm mu ɡoomɔ, i dom yɑndo kpɑ i swĩ. Bɛɛ tɑm nɔrobu, i weeweenu koowo. Domi tɑm mu koo kpe resɛm biɑrun sɔ̃.

Misee 6:12

Wee bɛɛn ɡobiɡibu bɑ tɔmbu dɑm dɔremɔ, bɑ rɑ n weesu mɔ̀. Kpɑ bɑ n ɡɑbu nɔni wɔ̃kumɔ kɑ ben ɡɑri.

Sofoni 1:18

Yen dɔmɑ te, ben sii ɡeesu ǹ kun mɛ ben wurɑ, yen ɡɑɑ kun kpɛ̃ yu bu wɔrɑ Yinni Gusunɔn mɔru bɑkɑ yen min di. Tem mɛ kpuro mu koo dɔ̃ɔ mwɑɑrɑ win mɔrun sɔ̃. U koo mɛn tɔmbu kpuro ɡowɑ subɑru sɔɔ.

Sɔ̃ɔsiru 32:15

Ye bɑ debɑ bɑ kpɑ mɑ bɑ Gusunɔ seesi. Ye bɑ bɔriɑ bɑ kpɑ, yerɑ bɑ wi, Gusunɔ ben tɑkɑ kowo deri. Mɑ bɑ nùn ɡɛmɑ wi, wi u sɑ̃ɑ ben fɑɑbɑ kowo.

Yɑkɔbu 1:11

Sɔ̃ɔ yɑrɑ kɑ win yɑm susuru mɑ yɑkɑsu ɡberɑ, sin wɛ̃su dɛrurɑ mɑ sin burɑm kpɑ. Nɡe mɛyɑ dukiɑɡii u koo dɛrurɑ win sɔmɑ sɔɔ.

Yɑkɔbu 2:6

Adɑmɑ bɛɛ i sɑ̃ɑro be ɡɛmɑ. N ǹ dukiɑɡii berɑ bɑ bɛɛ dɑm dɔremɔ bɑ bɛɛ ɡɑwɑmɔ bɑ kɑ dɑɑmɔ siri yerɔ?

Yɑkɔbu 4:13

I mɑn swɑɑ dɑkio tɛ̃, bɛɛ be i mɔ̀, ɡisɔ ǹ kun mɛ siɑ i ko dɑ wuu kɑsɑ i ko mi wɔ̃ɔ tiɑ kpɑ i tenkuru ko i ɑre di.

Yɑkɔbu 4:9

I de i n nuki sɑnkire kpɑ i n ɡɔɔ wooru sɔ̃ kpɑ i swĩ. I de bɛɛn yɛ̃ɛsu su ɡɔsiɑ swĩi kpɑ bɛɛn nuku dobu bu ɡɔsiɑ nuku sɑnkirɑnu.