Yɑkɔbu 4:9 - Bibeli Gusunɔn Gari

⁹ I de i n nuki sɑnkire kpɑ i n ɡɔɔ wooru sɔ̃ kpɑ i swĩ. I de bɛɛn yɛ̃ɛsu su ɡɔsiɑ swĩi kpɑ bɛɛn nuku dobu bu ɡɔsiɑ nuku sɑnkirɑnu.

Yɑkɔbu 4:9 ပူးပေါင်းရင်းမြစ်များ

Nɛɛmi 8:9

Sɑnɑm mɛ tɔn be, bɑ tire ten ɡɑri nɔɔmɔ, bɑ sumɔwɑ. Adɑmɑ Nɛɛmi ben kpɑro kɑ Ɛsidɑrɑsi wi u sɑ̃ɑ yɑ̃ku kowo kɑ woodɑ yɛ̃ro kɑ Lefi be bɑ woodɑ ye tubusiɑmɔ mi, bɑ bu sɔ̃ɔwɑ bɑ nɛɛ, sɑ tɔ̃ɔ teni yiwɑ su kɑ Gusunɔ bɛsɛn Yinni sɑ̃. Yen sɔ̃, i ku nuki sɑnkirɑ i n sumɔ.

Yoobu 30:31

Tɛ̃ nɛn mɔrɔku ɡɑ wɑ̃ɑwɑ n kɑ ɡɔɔ wuri ko. Kpɑ n nɛn ɡuuru so kɑ be bɑ ɡɔɔ wuri mɔ̀ sɑnnu.

Womusu 119:136

Wee nɑ nɔni yĩresu kokumɔ nɡe dɑɑru, domi tɔmbɑ kun wunɛn woodɑbɑ mɛm nɔɔwɛ.

Womusu 119:67

N sere sekuru wɑ, nɑ rɑɑ kɔ̃ɔrewɑ. Adɑmɑ tɛ̃, nɑ wunɛn ɡɑri nɛni.

Womusu 119:71

N burɑm bo n sekuru wɑ kpɑ n kɑ kpĩ n wunɛn woodɑbɑ ɡiɑ.

Mɔnnu 14:13

Yɛ̃ɛsu koo kpĩ su tɔnun nuku sɑnkirɑnu bere. Mɛyɑ mɑɑ nuku dobu koo kpĩ bu ɡɔsirɑ nuku sɑnkirɑnu.

Wɑɑsu kowo 2:2

Mɑ nɑ nɛɛ, yɛ̃ɛsu su sɑ̃ɑwɑ ɡɑri bɑkɑru, ɑrufɑɑni yerɑ̀ nuku dobu bu mɑɑ mɔ.

Yeremi 31:13

Wɔndiɑbɑ bɑ koo nuku dobu ko, bɑ n yɑɑmɔ. Mɛyɑ mɑɑ ɑluwɑɑsibɑ kɑ durɔ tɔkɔnu ko n yɛ̃ɛrimɔ. Domi kon ben nuku sɑnkirɑnu ɡɔsiɑ nuku dobu, n bu nukuru yɛmiɑsiɑ. Kpɑ n mɑɑ ben nɔni swɑ̃ɑru ɡɔsiɑ bɔri yɛndu.

Yeremi 31:9

Be wee bɑ wee kɑ swĩi, bɑ mɑn kɑnɑmɔ. Mɑ nɑ bu kpɑre nɑ kɑ dɔɔ nim bwerɔ kɑ swɑɑ ye yɑ nɔɔ nɛ sɔɔ, mi bɑ ǹ sokurɑmɔ. Domi nɑ sɑ̃ɑwɑ Isirelin bweserun Bɑɑbɑ. Mɑ tɑ mɑɑ sɑ̃ɑ nɛn bii yerumɑ.

Swĩi 5:15

Bɛsɛn nuku dobu bu kpɑ. Bɛsɛn nuku dobun yɑɑbu ɡɔsirɑ nuku sɑnkirɑnu.

Esekiɛli 16:63

Kpɑ ɑ yɑɑyɑ ye ɑ kuɑ ɡɑsɔ, kpɑ sekuru tu nun mwɑ sere ɑ kpɑnɑ ɑ ɡɑri ɡere. Adɑmɑ nɛ kon nun wunɛn torɑnu kpuro suuru kuɑ. Nɛ, Yinni Gusunɔwɑ nɑ yeni ɡeruɑ.

Esekiɛli 7:16

Be bɑ mɑɑ kisirɑ bɑ koo kpikiru dɑwɑ ɡuunu wɔllɔ nɡe kpɑrukonu kpɑ bu weeweenu ko ben torɑnun sɔ̃.

Mɑteu 21:41

Bɑ nùn wisɑ bɑ nɛɛ, nɔni swɑ̃ɑrun ɡɔɔwɑ u koo kɑ tɔn kɔ̃so be ɡo, kpɑ u ɡbɑɑ wukobu ɡɑbu win ɡbɑɑru nɔmu sɔndiɑ, be bɑ ko n dɑ nùn win bɔnu wɛ̃ dɑ̃ɑ binun sɔribun sɑɑ sɔɔ.

Mɑteu 5:4

Doo nɔɔruɡibɑ be bɑ nukuru sɑnkire. Gusunɔ u koo bu nukuru yɛmiɑsiɑ.

Luku 16:25

Aburɑhɑmu u nɛɛ, nɛn bii, ɑ yɑɑyo mɑ ɑ wunɛn ɡɑ̃ɑ ɡeenu wɑ wunɛn wɑ̃ɑrun sɑnɑm, mɛyɑ mɑɑ Lɑsɑɑ u ɡɑ̃ɑ kɔ̃sunu wɑ. Tɛ̃ mini win nukurɑ yɛm, wunɛ mɑɑ ɑ nɔni swɑ̃ɑru wɑɑmɔ.

Luku 6:21

Doo nɔɔruɡibɑ bɛɛ be ɡɔ̃ɔrɑ mɔ̀ tɛ̃, domi i ko rɑ debu. Doo nɔɔruɡibɑ bɛɛ be i sumɔ tɛ̃, domi i ko rɑ yɛ̃ɛ.

Luku 6:25

Nɔni swɑ̃ɑruɡibɑ bɛɛ be i debɑ tɛ̃, domi ɡɔ̃ɔru tɑ koo bɛɛ ko. Nɔni swɑ̃ɑruɡibɑ bɛɛ be i yɛ̃ɛmɔ tɛ̃, domi i ko rɑ nukuru sɑnkirɑ kpɑ i swĩ.