Yɑkɔbu 3:13 - Bibeli Gusunɔn Gari

¹³ Bɛɛn wɑrɑ u bwisi kɑ yɛ̃ru mɔ. U bwisi yi sɔ̃ɔsio win dɑɑ ɡeɑ sɔɔ kɑ kookoo si u mɔ̀ kɑ tii kɑwɑbu kɑ lɑɑkɑri.

Yɑkɔbu 3:13 ပူးပေါင်းရင်းမြစ်များ

Yoobu 28:28

Sɑɑ yerɑ u tɔmbu sɔ̃ɔwɑ u nɛɛ, bu nùn nɑsio, yerɑ yɑ sɑ̃ɑ bwisi. Wi u mɑɑ kɔ̃sɑ ɡɛɛrɑri, wiyɑ u bwisi mɔ.

Womusu 107:43

Wi u bwisi mɔ, u de u ɡɑri yi kpuro nɛnɛ kpɑ u ɡiɑ mɑ Yinni Gusunɔ u sɑ̃ɑwɑ duromɡii.

Womusu 122:8

Nɛn mɛro bisibu kɑ nɛn bɔrɔbɑn sɔ̃, kon nɛɛ, Gusunɔ u de bɔri yɛndɑ n wɑ̃ɑ Yerusɑlɛmuɔ.

Womusu 149:4

Yinni Gusunɔ u win tɔmbu kĩ. U rɑ wɔnwɔndobu bɛɛrɛ wɛ̃ u bu fɑɑbɑ ko.

Womusu 25:9

A rɑ be bɑ tii kɑwe swɑɑ ɡeɑ sɔ̃ɔsi, kpɑ ɑ bu kpɑrɑ ye sɔɔ.

Womusu 45:4

Tɑbu kowo dɑmɡii, ɑ wunɛn tɑkobi bɛkio, wunɑ ɑ yiiko kɑ bɛɛrɛ bɑkɑ mɔ.

Wɑɑsu kowo 8:1

Wɑrɑ u sɑ̃ɑ bwisiɡii kpɑ u ɡɑri yini tubusiɑ yi yi nɛɛ, tɔnun bwisi yi rɑ win wuswɑɑ dɛɛrɑsiewɑ kpɑ yɑ kun mɑɑ burisinɛ.

Wɑɑsu kowo 8:5

Wi u rɑ woodɑbɑ mɛm nɔɔwɛ, u ku rɑ kɔ̃sɑ wɑ. Bwisiɡii u siribun sɑɑ yɛ̃.

Esɑi 29:19

Nɛ, Yinni Gusunɔ, kon de wɔnwɔndobu bɑ n yɛ̃ɛrimɔ bɑ n dɔɔ, kpɑ sɑ̃ɑrobu bu nuku dobu ko, nɛ, Isirelibɑn Yinni dɛɛron sɔ̃.

Esɑi 60:6

Bɑ koo nɑwɑ kɑ yooyoo dɑbi dɑbiru Mɑdiɑnin di kɑ Efɑn di. Gɑbɑ koo mɑɑ nɑ Sebɑn di, bɑ n wurɑ kɑ turɑre sɔɔwɑ, kpɑ bɑ n nɛ, Yinni Gusunɔ tɔmɑmɔ.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Yeremi 9:12

Yinni Gusunɔ u mɑɑ nɛɛ, yeni yɑ koorɑwɑ yèn sɔ̃ nɛn tɔmbu bɑ nɛn woodɑbɑ deri ye nɑ bu wɛ̃, mɑ bɑ ǹ nɛn ɡere wure, bɑ ǹ kɑ ye sɔmburu kue.

Yeremi 9:23

Adɑmɑ wi u kĩ u woo kɑnɑ, u woo kɑnɔ yèn sɔ̃ u bwisi mɔ u kɑ mɑn tubu, mɑ u yɛ̃ mɑ nɛnɑ nɑ sɑ̃ɑ Yinni Gusunɔ. Nɑ sɑ̃ɑwɑ nɑɑnɛɡii wi u rɑ siri dee dee, kpɑ u de durom mu n wɑ̃ɑ tem sɔɔ. Tɔn benin bweserɑ bɑ rɑ mɑn wɛ̃re. Nɛ, Yinni Gusunɔwɑ nɑ yeni ɡeruɑ.

Dɑniɛli 2:21

Wunɑ ɑ rɑ sɑɑbɑ ɡɔsie. Wunɑ ɑ rɑ sinɑmbu bɑndu wɛ̃. Wunɑ ɑ rɑ mɑɑ bu bɑndu yɑre. Wunɑ ɑ rɑ lɑɑkɑriɡibu lɑɑkɑri wɛ̃, kpɑ ɑ bwisiɡibu yɛ̃ru kɛ̃.

Sofoni 2:3

Bɛɛ be i tii kɑwe kpuro tem mɛ sɔɔ, i Yinni Gusunɔ kɑsuo. Bɛɛ be i nùn mɛm nɔɔwɛ, i ɡem kɑsuo, kpɑ i tii kɑwɑ. Sɔrɔkudo i ko i yɑri Gusunɔn mɔrun tɔ̃ɔ te sɔɔn di.

Gbɑburu 12:3

N deemɑ Mɔwisi u suuru mɔ too. Goo sɑri wi u nùn suuru kere hɑnduniɑ ye sɔɔ.

Mɑteu 11:29

I wuro n bɛɛ kpɑrɑ kpɑ i ko nɛn bwɑ̃ɑbu, domi nɛ tɔn duuduo kɑ tii kɑwowɑ, mɛyɑ kon de i n wɑ̃ɑ bɔri yɛndu sɔɔ.

Mɑteu 21:5

“I Yerusɑlɛmuɡibu sɔ̃ɔwɔ i nɛɛ, wee, ben sunɔ sisi ben mi. Wi, tɔn duuduowɑ, u kɛtɛku sɔni, kɛtɛku buu kpɛmbu.”

Mɑteu 5:5

Doo nɔɔruɡibɑ bèn dɑɑ yɑ du. Beyɑ bɑ koo tem mɛ tubi di.

Mɑteu 7:24

Yesu mɑɑ nɛɛ, yen sɔ̃, bɑɑwure wi u nɛn ɡɑri yini nɔɔmɔ, mɑ u yi mɛm nɔɔwɑmmɛ, u ko n kɑ durɔ bwisiɡii wini weenɛ wi u win diru bɑnɑ kpee sɑɑrɑ wɔllɔ.

Korinti I 6:5

Nɑ bɛɛ sɔ̃ɔmɔ bɛɛn sekurɑ. Kɑ ɡeemɑ i ǹ ɡoo mɔ bɛɛn suunu sɔɔ wìn bwisi turɑ u kɑ win wɔnɔbun siribu ko?

Korinti II 10:1

Nɛ Pɔlu nɛn tiiwɑ nɑ kɑ bɛɛ yɑ̃, nɛ wi bɑ nɛɛ nɑ rɑ tii kɑwe nɑ̀ n wɑ̃ɑ bɛɛn mi, kpɑ nɑ n kɑ bɛɛ wɔruɡɔ ɡɑri mɔ̀ nɑ̀ n kɑ bɛɛ tomɑ. Nɑ bɛɛ kɑnɑmɔ kɑ Kirisin dɑɑ lɑɑkɑri tɛɛruɡiɑ kɑ win tɔn ɡeeru,

Korinti II 8:24

Yen sɔ̃, i bu sɔ̃ɔsio mɑ i bu kĩ kɑ ɡem, kpɑ Yesun yiɡbɛnu nu n yɛ̃ mɑ sɑ ɡem mɔ su kɑ woo kɑnɑ bɛɛn sɔ̃.

Gɑlɑti 5:23

kɑ dɑɑ duudwiɑ, kɑ ɡɑyɑ. Woodɑ sɑri ye yɑ yeni tɑɑrɛ wɛ̃ɛmɔ.

Gɑlɑti 6:1

Nɛɡibu, ì n ɡoo mwɑ torɑru ɡɑru sɔɔ, bɛɛ be Gusunɔn Hunde u kpɑrɑmɔ, i yɛ̃ro swɑɑ ɡeɑ sureo kpɑm kɑ tii kɑwɑbu, kpɑ i n tii yɛ̃ bu ku rɑɑ kɑ bɛɛn tii kɔkirin sɔ̃.

Gɑlɑti 6:4

I de bɑɑwure u win tiin kookoosu yĩiyɑ kpɑ u wɑ si sɔɔ, ye u koo kɑ woo kɑnɑ, ɑdɑmɑ u ku woo kɑnɑ mɑ u ɡoo keren sɔ̃.

Efesu 4:2

I de i n sĩimɔ kɑ tii kɑwɑbu, kɑ dɑɑ duudwiɑ, kɑ suuru, kpɑ i n kĩru sɔ̃ɔsinɑmɔ kɑ tɛmɑnɑbu.

Filipi 1:27

I ɡesi de bɛɛn sɑnu sɑnusu su n kɑ Kirisin Lɑbɑɑri ɡeɑ weenɛ. Nɡe mɛyɑ, nɑ̀ n nɑ bɛɛn mi, ǹ kun mɛ nɑ̀ kun nɛ, kon bɛɛn bɑɑru nɔ mɑ i yɔ̃ dim dim i nɔɔ nɛ, mɑ i sunɑmɔ sɑnnu kɑ ɡɔ̃ru teu nɑɑnɛ dokebun sɔ̃ bi bu wee Lɑbɑɑri ɡeɑn di.

Kolose 3:12

Ǹ n mɛn nɑ, yèn sɔ̃ Gusunɔ u bɛɛ kĩɑ mɑ u bɛɛ ɡɔsɑ i kɑ ko wiɡibu, wee ye n weenɛ i sebe, wɔnwɔndu kɑ tɔn ɡeeru kɑ tii kɑwɑbu kɑ dɑɑ duudwiɑ kɑ suuru.

Timɔte I 4:12

A ku de bɑ n wunɛn ɑluwɑɑsiru ɡɛmɑ, ɑdɑmɑ ɑ de ɑ n nɑɑnɛ dokeobu kom ɡen sɔ̃ɔsimɔ wunɛn ɡɑri ɡerubu sɔɔ, kɑ wunɛn wɑ̃ɑrun kookoosu sɔɔ, kɑ wunɛn kĩru sɔɔ, kpɑ ɑ n nɑɑnɛ mɔ kɑ mɑɑ ɡɔ̃ru kpiku.

Timɔte I 6:11

Adɑmɑ wunɛ Gusunɔɡii, ɑ yeni kpuro dukɑ suurio kpɑ ɑ ɡem nɑɑ ɡirɑ kɑ mɑɑ Gusunɔn bɛɛrɛ wɛ̃ɛbu kɑ nɑɑnɛ dokebu kɑ kĩru kɑ tɛmɑnɑbu kɑ sere dɑɑ duudwiɑ.

Timɔte II 2:25

N weenɛ u be bɑ kun kɑ nùn nɔɔ tiɑ sɑ̃ɑ ɡerusi tɛɛru. Sɔrɔkudo Gusunɔ u koo de bu ben ɡɔ̃ru ɡɔsiɑ kpɑ bu ɡem ɡiɑ.

Titu 3:2

A bu sɔ̃ɔwɔ bu ku rɑɑ ɡoon kɔ̃sɑ ɡere bu ku mɑɑ ɡoo nɔɔ kɑsu, ɑdɑmɑ bu bɑɑwure ben dɑɑ duudwiɑ sɔ̃ɔsi.

Heberu 13:5

I ku de ɡobin kĩru tɑ n bɛɛ nɛni. I de ye i mɔ yu kɑ bɛɛ nɛrenɑ domi Gusunɔ u nɛɛ, “Nɑ ǹ nun derimɔ pɑi, mɛyɑ nɑ ǹ mɑɑ nun biru kisimɔ kɑ bɑɑdommɑɔ.”

Yɑkɔbu 1:21

Yen sɔ̃, i dɑɑ disinuɡiɑ kɑ kom kɔ̃sum kpuro derio kpɑ i ɡɑri yi mwɑ kɑ tii kɑwɑbu yi Gusunɔ u duurɑ bɛɛn ɡɔ̃ruɔ domi yiyɑ yi koo kpĩ yi bɛɛn hunde fɑɑbɑ ko.

Yɑkɔbu 2:18

Adɑmɑ ɡoo u koo nɛɛ, wini u nɑɑnɛ doke, wiɔnɔ mɑɑ u kookoosu mɔ. Kon ɡere, ɑ mɑn wunɛn nɑɑnɛ dokebu sɔ̃ɔsio n kun kɑ kookoosu, kpɑ nɛ mɑɑ n nun nɛn nɑɑnɛ dokebu sɔ̃ɔsi kɑ nɛn kookoosu.

Yɑkɔbu 3:1

Nɛɡibu, i ku de i n dɑbi bɛɛ be i kĩ i ko Gusunɔn ɡɑrin keu koosiobu. Domi i yɛ̃ mɑ bɛsɛ be sɑ Gusunɔn ɡɑrin keu sɔ̃ɔsimɔ bɑ koo sun siri kɑ wɔnwɔndu sɑriru n kere ɡɑbu.

Yɑkɔbu 3:17

Adɑmɑ bwisi yi yi nɑ wɔllun di, ɡbiikɑɑ yi dɛɛre, yen biru yi nɔɔ tiɑ kɑsu, yi du, yi ǹ kɑ wesiɑnɔ sɛ̃, yi wɔnwɔndu mɔ mɑ yi rɑ sɔm ɡeenu ko. Yi ǹ kĩru ɡem wɛ̃ɛmɔ, yi ǹ mɑɑ murɑfitiru mɔ.

Piɛɛ I 1:15

Adɑmɑ i de i n dɛɛre bɛɛn sɑnu sɑnusu kpuro sɔɔ nɡe mɛ Gusunɔ wi u bɛɛ sokɑ u dɛɛre.

Piɛɛ I 2:12

I de i n dɑɑ ɡeɑ mɔ̀ be bɑ ǹ nɑɑnɛ doken wuswɑɑɔ. Nɡe mɛyɑ bɑɑ bɑ̀ n bɛɛ dɑɑ kɔ̃sɑ mɑni bɑ koo bɛɛn sɔm ɡeenu wɑ kpɑ bu Gusunɔ siɑrɑ sɑnɑm mɛ u koo bu siri.

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.

Piɛɛ I 3:4

Adɑmɑ i de bɛɛn burɑru tɑ n sɑ̃ɑ sɔɔkiru te tɑ ǹ kpeemɔ, teyɑ dɑɑ duudwiɑ. Yeniwɑ ɡɑ̃ɑ bɛɛrɛɡinu Gusunɔn wuswɑɑɔ.