Heberu 9:7 - Bibeli Gusunɔn Gari

⁷ Adɑmɑ yɑ̃ku kowo tɔnwero wi turowɑ u rɑ du dii sɔɔ ɡe sɔɔ, wɔ̃ɔ kɑ wɔ̃ɔ nɔn teeru kɑ yɑ̃ku yɛm mɛ u rɑ Gusunɔ tusie win tiin torɑnun sɔ̃ kɑ mɑɑ tɔmbuɡinu ni bɑ kuɑ yɛ̃ru sɑriru sɔɔ.

Heberu 9:7 ပူးပေါင်းရင်းမြစ်များ

Sɑmuɛli II 6:7

Mii mii Yinni Gusunɔ u kɑ nùn mɔru kuɑ. Mɑ u derɑ u wɔrumɑ kpɑkoro ten bɔkuɔ u ɡu, yèn sɔ̃ u tu bɑbɑ.

Bɑndun Gɑri II 33:9

Adɑmɑ Mɑnɑse u derɑ Yudɑbɑ kɑ Yerusɑlɛmuɡibu bɑ kɑ Yinni Gusunɔ tondɑ, mɑ bɑ kɔ̃sɑ kuɑ n kere bwese ni Yinni Gusunɔn tii u ɡirɑ be Isirelibɑn wuswɑɑn di.

Womusu 19:12

Nɑ̀ n win ɡɑri yi swĩi, yi rɑ mɑn kirɔ ko. Nɑ̀ n win woodɑbɑ mɛm nɔɔwɑ, nɑ rɑ yen ɑrufɑɑni wɑ.

Womusu 95:10

Wɔ̃ɔ weeruwɑ nɑ bwese te bwɛ̃rɑ yɑrɑ, mɑ nɑ nɛɛ, tɔn ben ɡɔ̃rusu kɑ mɑn tondɑ. Bɑ yinɑ bu nɛn woodɑbɑ swĩi.

Yɑribu 30:10

Wɔ̃ɔ kɑ wɔ̃ɔwɑ Aroni u ko n dɑ ten kɑ̃ɑ ni sɔɔ yɑ̃ku yɛm tɛɛni mɛ bɑ rɑ kɑ durum wukiri u kɑ tu disi wɔkɑ. Nɡe mɛyɑ wi kɑ win bibun bweseru bɑ ko n dɑ ko sere kɑ bɑɑdommɑɔ, kpɑ tɑ n yii nɛnɛm nɛn sɔ̃.

Esɑi 28:7

Adɑmɑ tɛ̃, bɑɑ kɑ Gusunɔn sɔmɔbu kɑ yɑ̃ku kowobu, tɑm bɔɔbɔm mu bu tirekirɑmɔ mɑ bɑ bɑ̃ɑrimɔ mɛn sɔ̃, sere Gusunɔn sɔmɔbu bɑ ǹ mɑɑ win ɡɑri mɔ̀ dee dee. Yɑ̃ku kowobun tii bɑ ǹ mɑɑ kpɛ̃ bu siri dee dee.

Esɑi 29:14

Yen sɔ̃nɑ u koo de bu biti soorɑ kɑ sɔm mɑɑmɑɑkiɡinu. U koo de ben lɑɑkɑriɡibun lɑɑkɑri yu kɑm ko. Kpɑ ben bwisiɡibun bwisi yi kpe.

Esɑi 3:12

Aluwɑɑsibɑ bɑ Yinni Gusunɔn tɔmbu dɑm dɔremɔ. Mɑ tɔn kurɔbu bɑ sɑ̃ɑ ben yinnibu. Be bɑ bu kpɑre bɑ bu torɑsiɑmɔ. Bɑ ben swɑɑ ɡo ye bɑ rɑɑ swĩi.

Esɑi 9:16

Yen sɔ̃nɑ Yinni Gusunɔ u ǹ nuku dobu mɔ, ben ɑluwɑɑsibɑn sɔ̃. U ǹ mɑɑ ben ɡobekubɑ kɑ ɡɔminibu wɔnwɔndu kuɑmmɛ. Domi be kpuro bɑ sɑ̃ɑwɑ nuku kɔ̃suruɡibu. Bɑ ǹ Gusunɔn bɛɛrɛ yɛ̃. Sekuru sɑri ɡɑriyɑ yi rɑ yɑri sɑɑ ben nɔsun di. Yen sɔ̃, Yinni Gusunɔn mɔru kun suremɔ. U koo bu nɔmu dokewɑ u sɛɛyɑsiɑ.

Osee 4:12

Dɑ̃ɑ kukun miyɑ bɑ rɑ bikiɑru de ɡu kɑ bu ɡɑri sɔ̃. Bũu ɡɑsiribu derɑ bɑ kɔ̃ɔrɑ mɑ bɑ kɑ mɑn tondɑ.

Sɑ̃ɑrun Woodɑ 16:34

Yeni yɑ ko n sɑ̃ɑwɑ woodɑ sere kɑ bɑɑdommɑɔ. Wɔ̃ɔ tiɑ sɔɔ, bɑ ko n dɑ yɑ̃kuru kowɑ Isirelibɑ kpuron torɑnun sɔ̃ nɔn teeru. Mɑ Aroni u kuɑ kpuro ye Yinni Gusunɔ u Mɔwisi sɔ̃ɔwɑ.

Sɑ̃ɑrun Woodɑ 5:18

Yen sɔ̃, u koo kɑ yɑ̃ɑ kinɛru te tɑ ǹ ɑlebu ɡɑɑ mɔ dɑwɑ yɑ̃ku kowon mi, win torɑ ten sɔ̃ nɡe mɛ n weenɛ u kɔsiɑ. Kpɑ yɑ̃ku kowo u nùn suuru kɑnɑbun wororu koosi. Sɑɑ ye sɔɔrɑ Gusunɔ u koo nùn suuru kuɑ.

Amɔsu 2:14

Yen dɔmɑ te, wɑsi kɑsɑnuɡibɑ kun mɑɑ kpɛ̃ bu dukɑ su. Dɑmɡibɑ kun mɑɑ kpɛ̃ bu ben dɑm dendi bu kɑ ɡɑ̃ɑnu ko. Mɛyɑ tɑbu durɔ dɑmɡibɑ kun mɑɑ kpɛ̃ bu ben wɑ̃ɑru wɔrɑ.

Gbɑburu 15:25

Yɑ̃ku kowowɑ u koo Isirelibɑ kpuro dɛɛrɑsiɑbun wororu koosi. Kpɑ be kpuro bu ben torɑrun suuru wɑ. Domi bɑ torɑwɑ bɑǹ kɑ bɑɑru, mɑ bɑ kɑ ben yɑ̃ku dɔ̃ɔ mwɑɑrɑruɡiru nɑ kɑ torɑrun yɑ̃kuru nɛ, Yinni Gusunɔn wuswɑɑɔ.

Efesu 4:18

Bɑ yɑm biɑ ben lɑɑkɑri sɔɔ. Bɑ ǹ wɑ̃ɑ te Gusunɔ u wɛ̃ɛmɔ yɛ̃, ben yɛ̃ru sɑriru kɑ ben ɡɔ̃ru bɔbunun sɔ̃.

Heberu 10:3

Adɑmɑ yɑ̃ku ni, nu sɑ̃ɑwɑ ni nu koo tɔmbu ben torɑnu yɑɑyɑsiɑ wɔ̃ɔ kɑ wɔ̃ɔ.

Heberu 6:19

Yĩiyɔ bi, bu bɛsɛn ɡɔ̃ru nɛni sim sim nɡe ɡoo nimkuun mɑrutiɑ ɡu ku kɑ kɔ̃ɔrɑ. Bu dɑm mɔ, bu ǹ sikɑ mɔ, mɑ bu duɑ sere Gusunɔn wɑ̃ɑ yerun suunu sɔɔ.

Heberu 7:27

U ǹ sɑ̃ɑ nɡe yɑ̃ku kowo tɔnwero beɔnɔ. U ǹ bɑɑdommɑn yɑ̃ku kobun bukɑtɑ mɔ, ɡbiikɑɑ win tiin torɑnun sɔ̃ kɑ sere ɡɑbuɡinu. U yɑ̃ku teeru kuɑ te tɑ turɑ sere kɑ bɑɑdommɑɔ sɑnɑm mɛ u kɑ win tii ɑbɔru kuɑ.

Heberu 9:3

Tɑ mɑɑ dii sɔɔ mɔ ɡe bɑ kuɑ kɑ beku kɑreru. Geyɑ bɑ sokɑ dii te tɑ dɛɛre ɡem ɡem.