Heberu 7:14 - Bibeli Gusunɔn Gari

¹⁴ Domi sɑ yɛ̃ mɑ bɑ nùn mɑrɑwɑ Yudɑn bweseru sɔɔ. Mɔwisi kun mɑɑ bwese ten ɡɑri ɡeruɑ yɑ̃ku kowobun ɡɑri sɔɔ.

Heberu 7:14 ပူးပေါင်းရင်းမြစ်များ

Torubu 46:12

Yudɑ kɑ wiɡibu Eri kɑ Onɑni kɑ Selɑ kɑ Perɛsi kɑ Serɑki. Adɑmɑ Eri kɑ Onɑni bɑ ɡu Kɑnɑnin temɔ. Mɑ ben wɔnɔ Perɛsi wi, u Hɛsironi mɑrɑ kɑ Hɑmulu.

Torubu 49:10

Bɑndɑ kun doonɔ wunɛn bweserun di. Sinɑ bɔrɑ kun kisirɑmɔ wunɛn nɔmun di, sere Silo ù n tunumɑ, kpɑ bwesenu kpuro nu nùn mɛm nɔɔwɑ.

Esɑi 11:1

Nɡe mɛ bɑ̀ n dɑ̃ru burɑ, ten nuurun di kpii pɔturɑ rɑ yɑri, nɡe mɛyɑ ɡoo u koo yɑri u bɑndu di Isɑin bweseru sɔɔ.

Misee 5:2

Adɑmɑ ko nɑ n ɡinɑ nɛn tɔn be deriwɑ ben yibɛrɛbɑn nɔmɑ sɔɔ sere kurɔ wì u koo kpɑro wi mɑ, u kɑ mɑ. Be bɑ kpikiru dɑ, bɑ koo ɡɔsirɑmɑ bu Isireli be bɑ tie deemɑ.

Gbɑburu 24:17

Nɑ wɑ ye yɑ sisi, ɑdɑmɑ n ǹ mɔ ɡisɔ. Nɑ wɑ ye yɑ koo koorɑ, ɑdɑmɑ n ǹ tɛ̃. Wee kperɑ ɡɑɑ yɑrɑ Yɑkɔbun bweserun di. Sinɑ boko ɡoo u yɑrɑ Isirelibɑn suunu sɔɔn di, be, be bɑ sɑ̃ɑ Yɑkɔbun bweseru. Mɑ u kɑ win sinɑ dɛkɑ Mɔɑbubɑ soomɔ bɑɑ sɑburosɔ. Mɑ yɑ be bɑ tii suen bweserun winu kɔsukumɔ.

Mɑteu 2:6

“Wunɛ, Bɛtelehɛmu, Yudeɑn tem sɔɔ, n ǹ mɔ wunɑ ɑ piiburu bo Yudeɑn wuu bɑkɑsu sɔɔ. Domi wunɛn min diyɑ sunɔ u koo yɑri wi u koo nɛn tɔmbu Isirelibɑ kpɑrɑ.”

Luku 1:43

Wɑrɑ rɑ n nɛ, nɛn Yinnin mɛro u kɑ mɑn berɑm nɑ.

Luku 3:33

kɑ Aminɑdɑbu kɑ Adimi kɑ Arɑni kɑ Esiromu kɑ Fɑrɛsi kɑ Yudɑ,

Yohɑnu 20:13

Mɑ bɑ nùn bikiɑ bɑ nɛɛ, kurɔ wunɛ, mbɑ n kuɑ ɑ kɑ sumɔ. Mɑ u bu wisɑ u nɛɛ, bɑ nɛn Yinni suɑwɑ sɑɑ minin di, nɑ ǹ mɑɑ yɛ̃ mi bɑ nùn kpĩ.

Yohɑnu 20:28

Tomɑɑ u nùn sɔ̃ɔwɑ u nɛɛ, Gusunɔ nɛn Yinni.

Romu 1:3

Win Biiwɑ yɑ kɑ yɑ̃, Yesu Kirisi bɛsɛn Yinni wi bɑ mɑrɑ nɡe tɔnu Dɑfidi sinɑ bokon bweseru sɔɔ.

Romu 2:3

Ǹ n mɛn nɑ, ɑ tɑmɑɑ kɑɑ yɑri Gusunɔn siribun di wunɛ wi ɑ ɡɑbun tɑɑrɛ wɑɑmɔ mɑ ɑ mɔ̀ nɡe be?

Efesu 1:3

I de su Gusunɔ siɑrɑ bɛsɛn Yinni Yesu Kirisin Bɑɑbɑ. Bɛsɛ kɑ Kirisin ɡbinnɑɑn sɑɑbu u sun wɔllun domɑ bwese bwesekɑ kuɑ sɑɑ win Hunden min di.

Filipi 3:8

Nɑ mɑm kpuro ɡɑrisi wom dirum domi ɡɑ̃ɑ bɑkɑnɑ nɑ̀ n nɛn Yinni Yesu Kirisi ɡiɑ. Win sɔ̃nɑ nɑ kpuro deri, nɑ mɑɑ ye mɛɛrɑ kubɑnu nɑ n kɑ Kirisi mɔn sɔ̃,

Heberu 7:13

Geemɑ bɛsɛn Yinni wi ɡɑri yi, yi kɑ yɑ̃, u sɑ̃ɑwɑ bweseru ɡɑruɡii tèn tɔmbɑ kun yɑ̃ku kobun sɔmburu koore.

Heberu 7:15

Gɑri ɡɛɛ wee yi yi ye kpuro bururɑsiɑmɔ. Yɑ̃ku kowo tuko ɡoo yɑrɑ wi u sɑ̃ɑ nɡe Mɛɛkisidɛki.

Kɑ̃siru 22:16

Wi, Yesu u bɛɛ win ɡɔrɑdo ɡɔriɑ u kɑ bɛɛ ɡɑri yini sɔ̃ win yiɡbɛnun sɔ̃. Wiyɑ Dɑfidin sikɑdobu wi u sɑ̃ɑ nɡe kpii kpɑɑru win yɛnuɔ. U sɑ̃ɑwɑ yɑm sɑ̃rerun kperɑ ye yɑ bɑllimɔ.

Kɑ̃siru 5:5

Yerɑ ɡuro ɡuro ben turo mɑn sɔ̃ɔwɑ u nɛɛ, n ku swĩ. Wee, ɡbee sunɔ ɡe ɡɑ yɑrɑ Yudɑn bweserun di, ɡe ɡɑ sɑ̃ɑ nɡe kpii kpɑɑru Dɑfidin yɛnuɔ, ɡɑ tɑbu di, ɡɑ koo kpĩ ɡu yĩrenu nɔɔbɑ yiru ye kusiɑ kpɑ ɡu tire te wukiɑ.