Heberu 2:7 - Bibeli Gusunɔn Gari

⁷ A nùn kuɑ u wunɛn ɡɔrɑdobɑ kɔmiɛ fiiko. Kɑ mɛ, ɑ nùn yiiko kɑ bɛɛrɛ wɛ̃ nɡe sunɔ.

Heberu 2:7 ပူးပေါင်းရင်းမြစ်များ

Womusu 8:5

Mɑ nɑ bwisikɑ nɑ nɛɛ, mbɑ tɔnu u sɑ̃ɑ ɑ n sere kɑ nùn yɑɑye, wɑrɑ rɑ n tɔnu ɑ n sere kɑ nùn nɔɔrimɔ.

Womusu 8:6

Wee, ɑ nùn tɑkɑ kuɑ u kɑ nun ɡɛrɛrɛm dɑ. Wee, ɑ nùn yiiko kɑ bɛɛrɛ wɛ̃ nɡe sunɔ.

Romu 2:10

Bɑɑwure wi u rɑ mɑɑ ɡeɑ ko u koo yiiko kɑ bɛɛrɛ kɑ bɔri yɛndu wɑ, ɡbiikɑɑ Yuubɑ, yen biru tɔn tukobu.

Romu 2:7

Be bɑ ɡeɑ mɔ̀ kɑ tɛmɑnɑbu bɑ kɑ yiiko kɑ bɛɛrɛ kɑ wɑ̃ɑru kɑsu, beyɑ Gusunɔ u koo wɑ̃ɑru te tɑ ku rɑ kpe wɛ̃.

Timɔte I 1:17

Tɛ̃, Gusunɔ turo wi, sinɑ boko wi u ko n wɑ̃ɑ kɑ bɑɑdommɑɔ, wi u kun ɡbimɔ, wi bɑ ǹ kɑ nɔni wɑɑre, wiɡiɑ bɛɛrɛ kɑ yiiko sere kɑ bɑɑdommɑɔ. Ami.

Heberu 2:9

Kɑ mɛ sɑ Yesu wɑ. Sɑɑ fiiko sɔɔ bɑ nùn kuɑ wi u ǹ Gusunɔn ɡɔrɑdobɑ turɑ, kpɑ u kɑ ɡbi tɔmbu kpuron sɔ̃ Gusunɔn durom sɑɑbu. Tɛ̃, sɑ nùn wɑɑmɔ kɑ win yiiko kɑ bɛɛrɛ nɡe sunɔ, win ɡɔɔ wi u ɡun sɔ̃.