Heberu 2:1 - Bibeli Gusunɔn Gari

¹ Yen sɔ̃, n weenɛ su ɡɑri yi sɑ nuɑ nɛnɛ sim sim kpɑ su ku kɑ nim doonɑ.

Heberu 2:1 ပူးပေါင်းရင်းမြစ်များ

Bɑndun Gɑri I 22:13

À n Yinni Gusunɔn woodɑ kɑ win yiirebu mɛm nɔɔwɑ bi u Mɔwisi wɛ̃ Isirelibɑn sɔ̃, sɑɑ yerɑ ye ɑ mɔ̀ kpuro yɑ koo nun koorɑ. A n ɡesi dɑm kɑ wɔruɡɔru mɔ. A ku nɑndɑ, ɑ ku mɑɑ bɛrum ko.

Womusu 119:9

Aluwɑɑsi ù n kĩ win sɑnu sɑnusu su n dɛɛre, sere u n wunɛn ɡɑri mɛm nɔɔwɑmmɛ.

Mɔnnu 3:21

Nɛn bii, ɑ bwisi kɑ lɑɑkɑri nɛnuɔ, ɑ ku de yen ɡɑɑ yu nun kisirɑri.

Hɑbɑkuku 1:6

Wee, kon Bɑbiloniɡibu seeyɑmɑ. Tɔn be, bɑ nuki sum. Bɑ tem kpuro bukiɑnɑmɔ bu wɑ bu kɑ bwesenu ɡɑnun wɑ̃ɑ yenu mwɛɛri.

Hɑbɑkuku 2:16

Yɛ̃ro u tii sekuru dokemɔwɑ mi, n ǹ mɔ bɛɛrɛ. Win tii u mu nɔruo kpɑ u tereru yɔ̃rɑ. Yinni Gusunɔ u koo nùn tilɑsi ko u kɑ win mɔrun nɔrɑ nɔ kpuro, kpɑ win bɛɛrɛ ye u rɑɑ mɔ yu ɡɔsiɑ sekuru.

Mɑteu 16:9

N ǹ bɛɛ yeeri sere kɑ tɛ̃? I ǹ pɛ̃ɛ nɔɔbu ye yɑɑye ye nɑ mururɑ tɔmbu nɔrɔbun subɑ nɔɔbun (5.000) sɔ̃? Kɑ sukum mɛ n tiɑn birenun ɡeeru?

Mɑɑku 8:18

I ǹ nɔni mɔ rò? I ku rɑ yɑm wɑ? I ǹ swɑsu mɔ? I ku rɑ ɡɑri nɔ? I ǹ yɑɑye

Luku 8:15

Tem ɡem mu mɑɑ sɑ̃ɑwɑ nɡe tɔn be bɑ rɑ ɡɑri yi bɑ nuɑ nɛnɛ ben ɡɔ̃ru ɡeu sɔɔ kɑ nuku tiɑ, mɑ bɑ binu mɑrumɔ kɑ tɛmɑnɑbu.

Luku 9:44

bɛɛ i ɡɑri yini swɑɑ dɑkio sɑ̃ɑ sɑ̃ɑ. Bɑ koo Tɔnun Bii tɔmbu nɔmu sɔndiɑ.

Yohɑnu 8:59

Mɑ bɑ kpenu suɑ bu kɑ nùn kɑsuku, ɑdɑmɑ u kukurɑ u yɑrɑ sɑ̃ɑ yerun di.

Sɔ̃ɔsiru 4:23

I n tii sɛ kpɑ i ku duɑri ɑrukɑwɑni ye Gusunɔ bɛsɛn Yinni u kɑ bɛɛ bɔkuɑ. I ku rɑ tii bwɑ̃ɑrokunu kuɑ ni nu kɑ ɡɑ̃ɑnu weenɛ ni u bɛɛ yinɑri i ko.

Sɔ̃ɔsiru 4:9

I n tii sɛ kpɑ i ku duɑri bɛɛn wɑ̃ɑru kpuro sɔɔ ye i wɑ kɑ nɔni. I ku mɑɑ de yu yɑri bɛɛn ɡɔ̃run di. I ye bɛɛn bibu kɑ mɑɑ bɛɛn bibun bibu nɔɔsio.

Heberu 12:5

I dɑm kɛ̃ɛ ɡɑri duɑri yi Gusunɔ u bɛɛ sɔ̃ɔmɔ nɡe win bibu? U nɛɛ, “Nɛn bii, ɑ ku Yinni Gusunɔn sɛɛyɑsiɑbu ɑtɑfiiru ko. A ku mɑɑ nuki sɑnkirɑ ù n nun ɡerusimɔ.

Piɛɛ II 1:15

Mɛyɑ kon kookɑri ko kpɑ i kɑ kpĩ i ɡɑ̃ɑ ni yɑɑyɑ sɑɑ bɑɑyere nɛn doonɑrun biru.

Piɛɛ II 3:1

Nɛn kĩnɑsibu, tire teni tɑ sɑ̃ɑwɑ tireru yiruse te nɑ bɛɛ yoruɑmmɛ. Ten bɑɑtere sɔɔ nɑ kɑsu n bɛɛn bwisi ɡee yɑmiɑ kɑ sɔ̃ɔsi te nɑ bɛɛ yɑɑyɑsiɑmɔ.