Heberu 10:5 - Bibeli Gusunɔn Gari

⁵ Yen sɔ̃nɑ, sɑnɑm mɛ Kirisi u kĩ u nɑ hɑnduniɑ sɔɔ, u Gusunɔ sɔ̃ɔwɑ u nɛɛ, “A ǹ yɑ̃kuru kĩ ǹ kun mɛ kɛ̃ru. Yen sɔ̃nɑ ɑ mɑn wɑsi kuɑ.

Heberu 10:5 ပူးပေါင်းရင်းမြစ်များ

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Esɑi 1:11

I tɑmɑɑ bɛɛn yɑ̃ku dɑbi ni, nu mɑn ɡɑ̃ɑnu sɑ̃ɑ? Bɛɛn yɑ̃ku yɑ̃ɑnu kɑ yɑ̃ku ɡum mɛ i rɑ kɑ mɑn yɑ̃ku dɔ̃ɔ mwɑɑrɑruɡinu kue, yɑ den mɑn tusɑ. Nɑ wɑsirɑ kɑ bɛɛn yɑɑ sɑbenun yɛm mɛ i rɑ yɛ̃ke nɛn sɑ̃ɑ yerɔ.

Esɑi 40:16

Yɛɛ yi yi wɑ̃ɑ Libɑnin dɑ̃ɑ sɔ̃ɔwɔ yi ǹ dɑbiru turi bu kɑ nùn yɑ̃kuru kuɑ. Mɛyɑ dɑ̃ɑ nin tii nu ǹ turi bu kɑ yɑ̃ku dɔ̃ɔ sɔ̃re.

Esɑi 7:14

Wee tɛ̃ win tii u koo bɛɛ yĩreru wɛ̃. Wɔndiɑ ɡoo u koo ɡurɑ suɑ kpɑ u bii tɔn durɔ mɑ, kpɑ u nùn yĩsiru kɛ̃ Emɑnuɛli.

Yeremi 31:22

Sere sɑɑ yerɑ̀ i ko i n kɔ̃ɔre i n yɑɑyɑɑre mɔ̀, bɛɛ nɑɑnɛ sɑribɑ. Wee nɛ Yinni Gusunɔ, nɑ ɡɑ̃ɑ kpɑɑnu kuɑ temɔ. Tɔn kurɔwɑ u koo durɔ kɑsu.

Yeremi 6:20

Nɑ ǹ ben turɑre ye yɑ wee Sebɑn di ǹ kun mɛ dɑ̃ɑ kiku nubu duroruɡuu ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃. Nɑ ǹ ben yɑ̃ku dɔ̃ɔ mwɑɑrɑruɡinu kĩ. Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

Mɑteu 11:3

bu kɑ nùn bikiɑ, wiyɑ wi u koo be nɑ? Nɡe bɑ n kpɑo mɑrɑ.

Luku 1:35

Gɔrɑdo u nùn wisɑ u nɛɛ, Hunde Dɛɛro u koo nun deemɑ, kpɑ Wɔrukoon dɑm mu nun wukiri. Yen sɔ̃nɑ bɑ koo bii dɛɛro wi kɑɑ mɑ mi soku Gusunɔn Bii.

Luku 7:19

u bu ɡɔrɑ Yesun mi bu nùn bikiɑ, wiyɑ wi u sisi? Nɡe bɑ n kpɑo mɑrɑ.

Yohɑnu 1:14

Tɛ̃, Gɑri yi, yi kuɑ tɔnu wi u durom kɑ ɡem yibɑ, mɑ u kɑ sun sinɑ. Sɑ win yiikon ɡirimɑ mɛɛrɑ, yiiko yèn bweseru Gusunɔ Bɑɑbɑ u win Bii teereru wɛ̃.

Gɑlɑti 4:4

Adɑmɑ sɑnɑm mɛ sɑɑ yɑ turɑ, Gusunɔ u win bii ɡɔrimɑ. Tɔn kurɔwɑ nùn mɑrɑ, u mɑɑ nùn mɑrɑwɑ woodɑn nɔmɑ sɔɔ,

Timɔte I 3:16

Kɑ ɡem, ɡoo sɑri wi u koo kpĩ u bɛsɛn sɑ̃ɑrun ɑsiri yen kpɑ̃ɑru siki. Gusunɔ u sɔ̃ɔsirɑ tɔnun wɑsi sɔɔ. Hunde Dɛɛro nùn ɡem wɛ̃. Wɔllun ɡɔrɑdobɑ bɑ mɑɑ nùn wɑ. Bɑ win ɡɑri bweseru bɑɑtere wɑɑsu kuɑ. Mɑ bɑ yi nɑɑnɛ doke hɑnduniɑ sɔɔ. Mɑ bɑ kpɑm nùn suɑ wɔllɔ u wurɑ win yiiko sɔɔ.

Heberu 1:6

Adɑmɑ sɑɑ ye u win Bii yerumɑ ɡɔriɔ hɑnduniɑ sɔɔ u nɛɛ, “Gusunɔn ɡɔrɑdobɑ kpuro bu yiiro bu nùn sɑ̃.”

Heberu 10:10

Yesu Kirisi u Gusunɔn kĩi te kuɑ, yen sɔ̃nɑ sɑ dɛɛrɑ bɛsɛn torɑnun di kɑ ɑbɔ te u kuɑ kɑ win wɑsi nɔn teeru.

Heberu 10:7

Mɑ nɑ nɛɛ, nɛ wee Gusunɔ, nɑ sisi n kɑ wunɛn kĩru ko nɡe mɛ bɑ nɛn ɡɑri yoruɑ woodɑn tireru sɔɔ.”

Heberu 10:8

Gbiikɑɑ u ɡeruɑ u nɛɛ, “A ǹ yɑ̃kuru kĩ ǹ kun mɛ kɛ̃ru, ǹ kun mɛ yɑ̃ku dɔ̃ɔ mwɑɑrɑruɡiru, ǹ kun mɛ torɑrun yɑ̃kuru. A ǹ mɑɑ nuku dobu mɔ ni sɔɔ.” Kɑ mɛ, bɑ ni mɔ̀ nɡe mɛ woodɑ yɑ yiire.

Heberu 2:14

Nɡe mɛ bii be, bɑ wɑsi mɔ kɑ yɛm, Yesu win tii u kuɑ nɡe be. U kuɑ mɛ kpɑ u kɑ ɡbi. Win ɡɔɔ wi, u Yibirisi kpeerɑsiɑ ye yɑ rɑɑ ɡɔɔn dɑm nɛni.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.

Heberu 8:3

Bɑ rɑ yɑ̃ku kowo tɔnwero ɡɔsiwɑ u kɑ Gusunɔ kɛ̃nu wɛ̃ kpɑ u yɑ̃kunu ko. Ǹ n mɛn nɑ, bɛsɛn yɑ̃ku kowo tɔnweron tii u ko n ɡɑ̃ɑnu mɔwɑ ni u koo kɑ yɑ̃kuru ko.

Piɛɛ I 2:24

Kirisin tii u bɛsɛn torɑnu sɔɔwɑ win wɑsi sɔɔ dɑ̃ɑ bunɑnɑru wɔllɔ, kpɑ su kɑ torɑnu kɑrɑnɑ kpɑ sɑ n wɑ̃ɑru dimɔ ɡem sɔɔ. Win mɛɛrɑn bosun sɔ̃nɑ i bɛkurɑ.

Yohɑnu II 1:7

Dɑbirɑ bɑ yɑrinɛ hɑnduniɑ sɔɔ bɑ tɔmbu swɑɑ nim wiɑmɔ. Bɑ ǹ wure mɑ Yesu Kirisi u nɑ hɑnduniɑ sɔɔ u kuɑ tɔnu. Wi u sɑ̃ɑ nɡe mɛ, wiyɑ swɑɑ nim wio kɑ Kirisin yibɛrɛ.