Heberu 10:4 - Bibeli Gusunɔn Gari

⁴ Domi nɑɑ kinɛnu kɑ bonun yɛm mu ǹ kpɛ̃ mu torɑnu wunɑ.

Heberu 10:4 ပူးပေါင်းရင်းမြစ်များ

Womusu 51:16

Gusunɔ, wunɛ wi ɑ mɑn fɑɑbɑ kuɑ, ɑ ku mɑɑ mɑn ɡoon yɛm bikiɑ. Ko nɑ n wunɛn ɡem mɛ ɑ mɑn wɛ̃ tɑkɑru mɔ̀.

Esɑi 66:3

Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

Yeremi 6:20

Nɑ ǹ ben turɑre ye yɑ wee Sebɑn di ǹ kun mɛ dɑ̃ɑ kiku nubu duroruɡuu ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃. Nɑ ǹ ben yɑ̃ku dɔ̃ɔ mwɑɑrɑruɡinu kĩ. Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

Osee 14:2

Osee u Isirelibɑ sɔ̃ɔwɑ u nɛɛ, bu wurɑmɑ Gusunɔ ben Yinnin mi, domi bɑ wɔrumɑ ben torɑnun sɔ̃.

Osee 6:6

Domi wɔnwɔndɑ nɑ kĩ, n ǹ mɔ yɑ̃kuru. Mɛyɑ nɑ mɑɑ kĩ nɛn tɔmbu bu mɑn ɡiɑ n kere bu mɑn yɑ̃ku dɔ̃ɔ mwɑɑrɑruɡinu kuɑ.

Mɑɑku 12:33

Mɑ tɔnu ù n Gusunɔ kĩɑ kɑ win ɡɔ̃ru kpuro kɑ win bwisikunu kpuro kɑ win dɑm kpuro, ù n mɑɑ win tɔnusi kĩɑ nɡe win tii tii, yeyɑ yɑ yɑ̃ku dɔ̃ɔ mwɑɑrɑruɡinu kɑ yɑ̃ku ni nu tie kere.

Yohɑnu 1:29

Yen sisiru Yohɑnu u Yesu wɑ u sisi win mi mɑ u nɛɛ, i Gusunɔn Yɑ̃ɑ kinɛ kpɛndu mɛɛrio te tɑ hɑnduniɑɡibun durum wuuwɑ tɑ kɑ doonɔ.

Romu 11:27

Yeniwɑ ɑrukɑwɑni ye kon kɑ bu bɔke sɑnɑm mɛ kon ben torɑru wunɑ.”

Heberu 10:1

Yuubɑn woodɑ yɑ ǹ ɡɑ̃ɑ ɡee ni nu wɑ̃ɑ tɛ̃n ɡɑri tubusie sɑ̃ɑ sɑ̃ɑ, yɑ sɑ̃ɑwɑ nin yɑɑyɑɑsu. Yen sɔ̃nɑ yɑ ǹ kpɛ̃ yu kɑ yɑ̃ku tee ni bɑ rɑ ko wɔ̃ɔ kɑ wɔ̃ɔ tɔmbu dɛɛrɑsiɑ mɑm mɑm be bɑ Gusunɔ susimɔ kɑ ni.

Heberu 10:11

Tɔ̃ru bɑɑtere yɑ̃ku kowo bɑɑwure rɑ n yɔ̃wɑ u kɑ win sɔmburu ko. Yɑ̃ku tee niyɑ u rɑ n mɔ̀ bɑɑ mɛ nu ǹ kpɛ̃ nu torɑnu wunɑ.

Heberu 10:8

Gbiikɑɑ u ɡeruɑ u nɛɛ, “A ǹ yɑ̃kuru kĩ ǹ kun mɛ kɛ̃ru, ǹ kun mɛ yɑ̃ku dɔ̃ɔ mwɑɑrɑruɡiru, ǹ kun mɛ torɑrun yɑ̃kuru. A ǹ mɑɑ nuku dobu mɔ ni sɔɔ.” Kɑ mɛ, bɑ ni mɔ̀ nɡe mɛ woodɑ yɑ yiire.

Heberu 9:9

domi ɡɑ sɑ̃ɑwɑ sɑɑ yen weenɑsiɑ. Yɑ ɡerumɔ mɑ kɛ̃nu kɑ yɑ̃ku ni bɑ Gusunɔ kuɑmmɛ, nu ǹ kpɛ̃ nu tɔnu wi u sɑ̃ɑ te mɔ̀n ɡɔ̃ru dɛɛrɑsiɑ mɑm mɑm.

Yohɑnu I 3:5

I yɛ̃ mɑ Yesu u nɑwɑ u kɑ torɑru wunɑ, torɑru mɑɑ sɑri wi sɔɔ.