Gbɑburu 9:10 - Bibeli Gusunɔn Gari

¹⁰ ben ɡoo ǹ kun mɛ ben bibun bweseru sɔɔ, ɡoo ù n disi mɔ ɡorun sɔ̃, ǹ kun mɛ u wuu dɑ, kɑ mɛ, u koo Gɔɔ sɑrɑribun tɔ̃ɔ bɑkɑru diwɑ nɛn sɔ̃.

Gbɑburu 9:10 ပူးပေါင်းရင်းမြစ်များ

Bɑndun Gɑri II 30:13

Tɔn dɑbiru tɑ mɛnnɑ wɔ̃ɔn suru yiruse sɔɔ Yerusɑlɛmuɔ bu kɑ pɛ̃ɛ ye bɑ kun seeyɑtiɑ doken tɔ̃ɔ bɑkɑru ko. Dɔmɑ te, tɔn be, bɑ dɑbiɑ.

Bɑndun Gɑri II 30:18

Tɔn dɑbiru tɑ wɑ̃ɑ te tɑ ǹ tii dɛɛrɑsie, n mɑm nɛɛre Efɑrɑimubɑ sɔɔ kɑ Mɑnɑsebɑ sɔɔ kɑ Isɑkɑribɑ sɔɔ kɑ sere Sɑbulonibɑ sɔɔ. Bɑ Gɔɔ sɑrɑribun tɔ̃ɔ bɑkɑru di. Adɑmɑ bɑ ǹ ten woodɑ swĩi. Yen sɔ̃nɑ Esekiɑsi u bu kɑnɑru kuɑ u nɛɛ, Yinni Gusunɔ, wunɛ tɔn ɡeowɑ. Be bɑ tii wɛ̃ kɑ ben ɡɔ̃ru kpuro bɑ kɑ wunɛ Gusunɔ ben bɑɑbɑbɑn Yinni kɑsu, bɑɑ mɛ bɑ ǹ tii dɛɛrɑsie, ɑ bu suuru kuo.

Bɑndun Gɑri II 30:2

Sinɑ boko Esekiɑsi kɑ win sinɑ ɑsɑkpɔbu kɑ Yudɑbɑ bɑ nɔɔsinɑ mɑ bɑ koo Gɔɔ sɑrɑribun tɔ̃ɔ bɑkɑ te di wɔ̃ɔn suru yiruse sɔɔ.

Gbɑburu 9:11

Adɑmɑ bɑ koo tu diwɑ suru yirusen sɔ̃ɔ wɔkurɑ nnɛsen yokɑ sɑnɑm mɛ sɔ̃ɔ duɑ. Kpɑ bu ten yɑɑ tem kɑ pɛ̃ɛ ye bɑǹ seeyɑtiɑ doke kɑ mɑɑ kpee wuru si su sosu.

Gbɑburu 9:9

Yinni Gusunɔ u Mɔwisi sɔ̃ɔwɑ u nɛɛ, ɑ Isirelibɑ sɔ̃ɔwɔ ɑ nɛɛ,

Mɑteu 5:24

ɑ wunɛn kɛ̃ɛ te derio mi, yɑ̃ku yerun wuswɑɑɔ, kpɑ ɑ yɑnde dɑ ɑ ɡɑri yi kpeesiɑ kɑ yɛ̃ro. Yen biru ɑ wurɑmɑ ɑ Gusunɔ wunɛn kɛ̃ru kɛ̃.

Yohɑnu 11:55

Yuubɑn tɔ̃ɔ bɑkɑru te bɑ rɑ soku Gɔɔ sɑrɑribu tɑ turuku kuɑ, mɑ tɔn dɑbiru sɑɑ bɑru kpɑɑnun di bɑ dɑ Yerusɑlɛmuɔ bu kɑ tii sɑ̃rɑsiɑ tɔ̃ɔ bɑkɑ te, tu sere turi.

Korinti I 11:28

Ǹ n mɛn nɑ, bɑɑwure u tii wɛ̃ɛri u sere pɛ̃ɛ ye di u mɑɑ kɑ sere nɔrɑ ye nɔ.