Gbɑburu 6:24 - Bibeli Gusunɔn Gari

²⁴ Bɑ ko n dɑ nɛɛwɑ, Yinni Gusunɔ u bɛɛ domɑru kuɑ, kpɑ u bɛɛ kɔ̃su.

Gbɑburu 6:24 ပူးပေါင်းရင်းမြစ်များ

Torubu 28:15

Wee nɑ wɑ̃ɑ kɑ wunɛ, ko nɑ n mɑɑ nun kɔ̃su yɑm kpuro mi ɑ dɔɔ kpɑ n mɑɑ kɑ nun wurɑmɑ tem mɛ sɔɔ. Domi nɑ ǹ nun derimɔ sere n kɑ ko nɡe mɛ nɑ nun sɔ̃ɔwɑ.

Sɑmuɛli II 7:29

Ǹ n mɛn nɑ, ɑ nɛn bweseru domɑru kuo kpɑ tɑ n bɑndu dii sere kɑ bɑɑdommɑɔ wunɛn wuswɑɑɔ. Domi wunɑ ɑ ɡeruɑ mɛ. Kpɑ ɑ mɑɑ de domɑ te, tɑ n bu wɑ̃ɑsi sere kɑ bɑɑdommɑɔ.

Womusu 134:3

Yinni Gusunɔ u bɛɛ domɑru kuo Siɔnin di wi, wi u wɔllu kɑ tem tɑkɑ kuɑ.

Womusu 17:8

A nɛn lɑɑkɑri koowo nɡe mɛ tɔnu u rɑ n win nɔnin lɑɑkɑri mɔ. A mɑn beruo nɡe mɛ ɡuɑ yɑ rɑ yen binu bere yen kɑsɑ sɔɔ.

Womusu 28:9

A wunɛn tɔmbu fɑɑbɑ koowo kpɑ ɑ bu domɑru kuɑ, be, be bɑ sɑ̃ɑ wunɛn ɑrumɑni. A bu kpɑro kpɑ ɑ bu nɔɔri sere kɑ bɑɑdommɑɔ.

Womusu 91:11

Domi u koo win ɡɔrɑdobɑ nɔɔ kɛ̃ wunɛn sɔ̃, bɑ n nun kɔ̃su wunɛn swɛɛ kpuro sɔɔ,

Esɑi 27:3

nɛ, Yinni Gusunɔwɑ nɑ tu nɔɔrimɔ. Nɛnɑ nɑ tu nim yɛ̃kɑmɔ sɑɑ kpuro. Nɑ tu kɔ̃su sɔ̃ɔ sɔɔ kɑ wɔ̃kuru, ɡoo u ku rɑɑ kɑ tu wɔri u mwɑ.

Esɑi 42:6

nɛnɑ nɑ nun sokɑ n kɑ nun fɑɑbɑ ko. Kon nun dɑm kɛ̃, nɑ n wunɛn nɔmɑ nɛni. Kon nun kɔ̃su, kpɑ n kɑ tɔmbu ɑrukɑwɑni bɔke sɑɑ wunɛn min di, kpɑ bwesenu kpuro nu kɑ yɑm bururɑm wɑ.

Dɑniɛli 9:17

Gusunɔ, ɑ nɛn nɔɔ swɑɑ dɑkio kpɑ ɑ nɛn kɑnɑru nɔ. A wunɛn sɑ̃ɑ yee te tɑ bɑnsu sɑ̃ɑ mi mɛɛrio wunɛn yĩsirun sɔ̃.

Yohɑnu 17:11

Tɛ̃ nɑ sisi wunɛn mi. Nɑ ǹ ko nɑ n mɑɑ wɑ̃ɑ hɑnduniɑ sɔɔ, ɑdɑmɑ beyɑ bɑ ko n wɑ̃ɑ hɑnduniɑ ye sɔɔ. Bɑɑbɑ Dɛɛro, ɑ bu beruo kɑ wunɛn yĩsi te ɑ mɑn wɛ̃n dɑm, kpɑ bɑ n kɑ sɑ̃ɑ tiɑ, nɡe mɛ nɛ kɑ wunɛ sɑ sɑ̃ɑ tiɑ.

Korinti I 14:16

À n Gusunɔ siɑrɑ kɑ hunde tɔnɑ, ɑmɔnɑ nɑɑnɛ dokeo diro u koo kɑ kpĩ u nɛɛ, ɑmi, wunɛn siɑrɑbun sɔ̃. U ǹ yɛ̃ ye ɑ ɡerumɔ.

Efesu 6:24

Kpɑ Gusunɔn durom mu n kɑ be kpuro wɑ̃ɑ be bɑ bɛsɛn Yinni Yesu Kirisi kĩ kɑ kĩi te tɑ ǹ nɔru mɔ.

Filipi 4:23

Kpɑ Yinni Yesu Kirisin durom mu n kɑ bɛɛn bɑɑwure wɑ̃ɑ.

Filipi 4:7

Mɑ bɔri yɛndu te Gusunɔ u wɛ̃ɛmɔ, te tɑ tɔnun yɛ̃ru kpuro kere, tɑ koo bɛɛn ɡɔ̃ru kɑ bɛɛn bwisikunu kɔ̃su bɛɛ kɑ Yesu Kirisin ɡbinnɑɑ sɔɔ.

Tɛsɑlonikɑ I 5:23

Kpɑ Gusunɔ, Yinni wi u rɑ ɑlɑfiɑ wɛ̃, u bɛɛ wunɑ i kɑ ko wiɡibu mɑm mɑm, kpɑ u bɛɛn hunde kɑ bɛɛn bwɛ̃rɑ kɑ bɛɛn wɑsi kpuro bere tɑɑrɛ sɑriru sɔɔ sere kɑ bɛsɛn Yinni Yesu Kirisin wurɑmɑrɔ.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.

Yudu 1:24

Gusunɔ turo sɑ̃ɑ bɛsɛn Fɑɑbɑ kowo wi u koo kpĩ u bɛɛ kɔ̃su i ku kɑ wɔrumɑ, kpɑ u bɛɛ terɑsiɑ win yiiko sɔɔ tɑɑrɛ sɑriru sɔɔ kɑ nuku dobu. Wiyɑ u yiiko kɑ kpɑ̃ɑru kɑ dɑm kɑ ɡirimɑ mɔ sɑɑ bɛsɛn Yinni Yesu Kirisin min di, yee yellun di, kɑ tɛ̃, sere kɑ bɑɑdommɑɔ. Ami.

Rutu 2:4

Yerɑ Boɑsin tii u seemɑ Bɛtelehɛmun di u nɑ ɡberu mi, u win sɔm kowobu tɔburɑ u nɛɛ, Yinni Gusunɔ u n kɑ bɛɛ wɑ̃ɑ. Mɑ bɑ nùn wisɑ bɑ nɛɛ, kpɑ u mɑɑ nun domɑru kuɑ.

Sɑmuɛli I 2:9

U koo win bɔrɔkinibɑn sɑnu sɑnusu kɔ̃su. Adɑmɑ u koo de tɔn kɔ̃sobu bu kɑm ko yɑm wɔ̃kurɔ. Domi ɡoo sɑri wi u koo nɑsɑrɑ wɑ kɑ win tiin dɑm.