Gbɑburu 31:54 - Bibeli Gusunɔn Gari

⁵⁴ Mɔwisi kɑ Eleɑsɑɑ bɑ kɑ kɛ̃ɛ ni kpuro dɑ bɑ yi Yinni Gusunɔn kurɔ, Yinni Gusunɔ u n kɑ win tɔmbu Isirelibɑ yɑɑye.

Gbɑburu 31:54 ပူးပေါင်းရင်းမြစ်များ

Womusu 115:1

Yinni Gusunɔ, n ǹ bɛsɛ sɑ bɛɛrɛ mɔ, wunɑ ɑ bɛɛrɛ mɔ wunɛn tɔn ɡeeru kɑ wunɛn bɔrɔkinirun sɔ̃.

Womusu 145:7

Bɑ koo wunɛn tɔn ɡeerun kpɑ̃ɑru yɑɑyɑ kpɑ bu tɑki ko wunɛn ɡem sɔ̃.

Womusu 18:49

Wiyɑ u rɑ de n kisirɑ yibɛrɛbɑn nɔmɑn di. Yinni, ɑ mɑn wɔlle suɑ ben wuswɑɑɔ. Wunɑ ɑ mɑn fɑɑbɑ kuɑ tɔn kɔ̃sobun nɔmɑn di.

Yɑribu 28:12

Kpɑ ɑ nu mɑni tɑrɑkpe ɡen sɑri sɔɔ. Aroni ù n nu doke win senɔ, niyɑ nu koo sɔ̃ɔsi mɑ kɑ Isirelibɑn yĩsinɑ u duɑ nɛn sɑ̃ɑ yerɔ, kpɑ nɛ, Yinni Gusunɔ nɑ n kɑ bu yɑɑye.

Yɑribu 30:16

Gobi yiyɑ kɑɑ n dɑ kɑ kuu bekuruɡii ten sɔmburu ko. Nɡe mɛyɑ kon kɑ yɑɑyɑ mɑ Isirelibɑ bɑ ben wɑ̃ɑru yɑkiɑ.

Sɑkɑri 6:14

Sinɑ furɔ ɡe, ɡɑ ko n wɑ̃ɑwɑ nɛ, Yinni Gusunɔn sɑ̃ɑ yerɔ. Geyɑ ɡɑ koo de bu Helɛmu kɑ Tobiyɑ kɑ Yedɑyɑ kɑ Hɛni, Sofonin bii yɑɑyɑ.

Luku 22:19

Yen biru u pɛ̃ɛ suɑ. Ye u Gusunɔ siɑrɑ u kpɑ, u ye mururɑ u bu wɛ̃ u nɛɛ, yeniwɑ nɛn wɑsi [yi bɑ wɛ̃ bɛɛn sɔ̃. I n dɑ yeni ko i n kɑ mɑn yɑɑye.

Gɔrobun Kookoosu 10:4

U ɡɔrɑdo wi nɔni ɡirɑri tii tii kɑ bɛrum u nɛɛ, mbɑ n kuɑ yinni. Gɔrɑdo nùn sɔ̃ɔwɑ u nɛɛ, Gusunɔ u wunɛn kɑnɑru mwɑ, u mɑɑ wunɛn sɔm ɡeenu wɑ mɑ u nun yɑɑyɑ.

Yosue 4:7

kpɑ su bu sɔ̃ mɑ Yuudɛnin dɑɑrun nim mu kokubu yɔ̃rɑ Yinni Gusunɔn kpɑkororun wuswɑɑɔ sɑnɑm mɛ bɑ kɑ tu tɔburɔ. Kpee nini nu ko n sɑ̃ɑ yen seedɑ bɛsɛ Isirelibɑn sɔ̃ sere kɑ bɑɑdommɑɔ.