Gbɑburu 31:3 - Bibeli Gusunɔn Gari

³ Mɑ Mɔwisi u tɔn be sɔ̃ɔwɑ u nɛɛ, ɡɑbu bu ben tɑbu yɑ̃nu sebuo bu dɑ bu Mɑdiɑnibɑ wɔri kpɑ bu bu mɔru kɔsiɑ nɡe mɛ Yinni Gusunɔ u ɡeruɑ.

Gbɑburu 31:3 ပူးပေါင်းရင်းမြစ်များ

Sinɑmbu II 10:30

Yerɑ Yinni Gusunɔ u Yehu sɔ̃ɔwɑ u nɛɛ, wunɛn bibu bɑ koo bɑndu diwɑ Isireliɔ sere kɑ ben debuminɔ, yèn sɔ̃ ɑ kuɑ ye yɑ wɑ̃ nɛn nɔni sɔɔ. A Akɑbun bweseru ɡo nɡe mɛ nɑ ɡeruɑ.

Sinɑmbu II 9:7

Kpɑ ɑ wunɛn Yinni Akɑbun bweseru kpuro ɡo. U koo mɑɑ de ɑ win sɔmɔbu kɑ win sɔm kowobu kpuron yɛm mɔɔru mwɑ Yesɑbɛlin mi.

Yɑribu 17:16

U nɛɛ, yèn sɔ̃ Amɑlɛkibɑ bɑ Yinni Gusunɔ seesi, yen sɔ̃nɑ u koo kɑ bu tɑbu ko sere kɑ bɑɑdommɑɔ.

Yeremi 46:10

Adɑmɑ tɔ̃ɔ teni, tɑ ko n sɑ̃ɑwɑ Gusunɔ, wɔllu kɑ tem Yinniɡiru. Tɑ ko n sɑ̃ɑwɑ tè sɔɔ u win yibɛrɛbɑ mɔru kɔsiemɔ. Tɑkobi yɑ koo tɔmbu di, kpɑ yu yɛm debu. Tɔn dɑbi te yɑ koo ɡo, Gusunɔ wɔllu kɑ tem Yinnin sɔ̃, tɑ ko n kpĩ nɡe yɑ̃ku yɑɑ Efɑrɑtin dɑɑrun ɡoorɔ, sɔ̃ɔ yɛ̃sɑn nɔm ɡeu ɡiɑ.

Yeremi 50:28

Yerɑ Isirelibɑ be bɑ kpikiru suumɑ bɑ nɑ Yerusɑlɛmuɔ bɑ mɔ̀, Yerusɑlɛmu, Yinni Gusunɔ u nun mɔru kɔsiɑ. U win sɑ̃ɑ yee dɛɛrɑru mɔru kɔsiɑ.

Sɑ̃ɑrun Woodɑ 26:25

Kon de tɑbu bu bɛɛ wɔri yèn sɔ̃ i nɛn ɑrukɑwɑni kusiɑ. Ì n mɛnnɑ i kukuɑ bɛɛn wusɔ, kon de bɑrɑru tu bɛɛ wɔri kpɑ yibɛrɛbɑ bu bɛɛ nɔmɑ turi.

Gbɑburu 25:11

wee yɑ̃ku kowo Finɛɛsi, Eleɑsɑɑn bii, Aronin debubu, u nɛn mɔru suresiɑ ye u kɑ mɑn sɑnnɑ, Isirelibɑn suunu sɔɔ. Yen sɔ̃nɑ nɑǹ bu kpeerɑsie.

Gbɑburu 25:13

Arukɑwɑni ye, yɑ koo de wi kɑ win bibun bweseru bɑ n sɑ̃ɑ yɑ̃ku kowobu sere kɑ bɑɑdommɑɔ. Domi u nɛ, Gusunɔ win Yinni sɑnnɑ. Mɑ yɑ derɑ Isirelibɑ bɑ ben torɑrun suuru wɑ.

Gbɑburu 31:4

Yen sɔ̃, bwese kɛrɑ bɑɑyere yu tɑbu kowobu nɔrɔbu (1.000) ɡɔsio.

Kpɑrobu 5:2

i Yinni Gusunɔ siɑro domi Isirelibɑn wiruɡibu bɑ ɡɔ̃ru doke bu tɑbu ko. Tɔmbu kpuro bɑ mɑɑ tii wɛ̃ bu kɑ bu swĩi.

Kpɑrobu 5:23

Yinni Gusunɔn ɡɔrɑdo u ɡeruɑ u nɛɛ, i Mɛrosi bɔ̃rusio, i yen tɔmbu bɔ̃rusio. Domi bɑǹ nɛ kɑ wɔruɡɔbɑ sɑnnu bu kɑ Yinni Gusunɔ somi.