Gbɑburu 24:14 - Bibeli Gusunɔn Gari

¹⁴ Tɛ̃ wee nɑ ɡɔsirɔ nɛn tɔmbun mi. Adɑmɑ ɑ nɑ ɑ nɔ yè Isirelibɑ bɑ koo wunɛn tɔmbu kuɑ siɑ.

Gbɑburu 24:14 ပူးပေါင်းရင်းမြစ်များ

Torubu 49:1

Yen biru Yɑkɔbu u win bibu sokɑ u nɛɛ, i mɛnnɑmɑ kpɑ n bɛɛ sɔ̃ ye n koo bɛɛ deemɑ ɑmɛn biru.

Esɑi 24:22

kpɑ bu bu yoru mwɑ bu bu tɑɑsi wɔrusɔ nɡe pirisɔmbɑ. Sɔ̃ɔ dɑbi dɑbirun biru, kpɑ bu bu sɛɛyɑsiɑ.

Yeremi 48:47

Adɑmɑ sɑɑ ɡɑɑ sisi yè sɔɔ kon kɑ Mɔɑbu be bɑ yoru mwɛɛrɑ mi wurɑmɑ ben temɔ. Nɛ, Yinni Gusunɔwɑ nɑ yeni ɡeruɑ. Nɡe mɛyɑ kon kɑ Mɔɑbubɑ sɛɛyɑsiɑ.

Yeremi 49:39

Adɑmɑ tɔ̃ru ɡɑrɑ wee tè sɔɔ kon de be bɑ rɑɑ yɑrinɑ mi, bu wurɑmɑ.

Dɑniɛli 10:14

Tɛ̃, nɑ nɑwɑ n kɑ nun tubusiɑ ye n koo wunɛn tɔmbu deemɑ siɑ. Domi siɑn ɡɑriyɑ kɑ̃si te, tɑ kɑ yɑ̃.

Dɑniɛli 2:28

Adɑmɑ Yinni ɡoo wɑ̃ɑ wɔllɔ wi u rɑ tɔnu ɑsiri sɔ̃ɔsi, wiyɑ Gusunɔ. U mɑɑ nun sɔ̃ɔsi ye n koo koorɑ. Sɑnɑm mɛ ɑ kpĩ, ye ɑ dosɑ kɑ ye ɑ wɑ kɑ̃siru sɔɔ wee.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Misee 6:5

Bɛɛ nɛn tɔmbu, i yɑɑyo kɔ̃sɑ ye Bɑlɑki Mɔɑbun sinɑ boko u bwisikɑ u bɛɛ kuɑ. I mɑɑ yɑɑyo ye Bɑlɑmu Beorin bii u nùn wisɑ. Nɑ bɛɛ yɔ̃siri bɛɛn sɑnum sɔɔ sɑɑ Sitimun di sere Giliɡɑliɔ. Mɑ i nɛn durom wɑ mɛ nɛ, Yinni Gusunɔ nɑ bɛɛ kuɑ.

Gbɑburu 24:17

Nɑ wɑ ye yɑ sisi, ɑdɑmɑ n ǹ mɔ ɡisɔ. Nɑ wɑ ye yɑ koo koorɑ, ɑdɑmɑ n ǹ tɛ̃. Wee kperɑ ɡɑɑ yɑrɑ Yɑkɔbun bweserun di. Sinɑ boko ɡoo u yɑrɑ Isirelibɑn suunu sɔɔn di, be, be bɑ sɑ̃ɑ Yɑkɔbun bweseru. Mɑ u kɑ win sinɑ dɛkɑ Mɔɑbubɑ soomɔ bɑɑ sɑburosɔ. Mɑ yɑ be bɑ tii suen bweserun winu kɔsukumɔ.

Gbɑburu 24:25

Yenibɑn biru, Bɑlɑmu u ɡɔsirɑ u dɑ win wuuɔ, mɑ Bɑlɑki u mɑɑ wurɑ win yɛnuɔ.

Gɔrobun Kookoosu 2:17

U nɛɛ, “Gusunɔ u nɛɛ, yeniwɑ kon ko sɑnɑm dɑ̃ɑkim sɔɔ. Kon nɛn Hunde doke tɔmbu kpuro sɔɔ. Bɛɛn bii tɔn durɔbu kɑ tɔn kurɔbu, bɑ koo Gusunɔn ɡɑri ɡere. Bɛɛn ɑluwɑɑsibɑ bɑ ko n kɑ̃sinu wɑɑmɔ, kpɑ bɛɛn durɔ tɔkɔnu nu n dosusu mɔ̀.

Timɔte II 3:1

A n yɛ̃ mɑ sɑnɑm dɑ̃ɑkim sɔɔ wɑ̃ɑrɑ koo sɛ̃siɑ.

Yosue 13:22

U mɑɑ derɑ bɑ Bɑlɑmu Beorin bii ɡo wi u sɑ̃ɑ sɔro.

Kɑ̃siru 2:10

U ku bɛrum ko nɔni swɑ̃ɑ te tɑ nùn sisien sɔ̃. Wee, Setɑm u koo de bu ben ɡɑbu pirisɔm doke u kɑ ben lɑɑkɑri mɛɛri. Bɑ koo wɑhɑlɑ wɑ sere sɔ̃ɔ wɔkuru. U de u n sɑ̃ɑ bɔrɔkini sere kɑ ɡɔɔwɔ, kpɑ n nùn wɑ̃ɑru wɛ̃ nɡe sinɑ furɔ.

Kɑ̃siru 2:14

Adɑmɑ kɑ mɛ, ɡɑ̃ɑnu fiiko ni nɑ nùn wɑɑsi wee, ɡɑbɑ nùn wɑ̃ɑsi be bɑ Bɑlɑmun sɔ̃ɔsiru swĩi. Bɑlɑmu wi, u rɑ n Bɑlɑki sɔ̃ɔsimɔ nɡe mɛ u koo ko u kɑ Isirelibɑ torɑsiɑ, kpɑ bu bũu sɑ̃ɑ dĩɑnu di, kpɑ bu kɔ̃ɔ mɛnnɑ tɑntɑnɑru sɔɔ.