Gbɑburu 23:8 - Bibeli Gusunɔn Gari

⁸ Adɑmɑ kon tɔnu bɔ̃rusi wi Gusunɔ kun bɔ̃rusi? Amɔnɑ kon kɑ tɔnu mɔru ko wi Gusunɔ kun kɑ mɔru mɔ̀.

Gbɑburu 23:8 ပူးပေါင်းရင်းမြစ်များ

Mɔnnu 26:2

Nɡe mɛ ɡunɔ ɡɑ rɑ n yɔ̃ɔwɑ ɡɑ kun sinɛ ɡɑm, nɡe mɛyɑ bɑ̀ n tɔnu bɔ̃rusi wi u kun ɡɑ̃ɑnu kue, yɑ ku rɑ nùn di.

Esɑi 44:25

Nɑ rɑ sɔmɔ weesuɡibun ɡɑri tɛɛsi, kpɑ n sɔrobu yɑɑkoru ko. Nɑ rɑ de bwisiɡibu bu biru wurɑ, kpɑ n ben sɔ̃ɔsinu ɡɔsiɑ wiirɑ ɡɑri.

Gbɑburu 22:12

Gusunɔ u Bɑlɑmu sɔ̃ɔwɑ u nɛɛ, ɑ ku dɑ. A ku tɔn be bɔ̃rusi domi nɑ bu domɑru kuɑ.

Gbɑburu 22:6

Yen sɔ̃, nɑ nun kɑnɑmɔ ɑ nɑ ɑ mɑn tɔn be bɔ̃rusiɑ. Domi bɑ mɑn dɑm kere. À n kuɑ mɛ, sɔrɔkudo kon kpĩ n bu kɑmiɑ n ɡirɑ nɛn tem di. Domi nɑ yɛ̃ mɑ wi ɑ domɑru kuɑ u rɑ domɑru wɑ. Wi ɑ mɑɑ bɔ̃rusi, u rɑ bɔ̃ri wɑ.

Gbɑburu 23:20

Wee Gusunɔ u mɑn woodɑ wɛ̃ n Isirelibɑ domɑru kuɑ. Win tiiwɑ u bu tu kuɑ kɔ. Yen sɔ̃, nɑǹ kpɛ̃ n tu yinɑ.

Gbɑburu 23:23

Sɔroru tɑǹ kpɛ̃ tu Isirelibɑ ɡɑ̃ɑnu kuɑ. Dobo dobo yɑǹ kpɛ̃ yu bu nɔni wɔ̃ke. Sɑɑ yɑ̀ n turɑ bɑ koo bu sɔ̃ bu nɛɛ, bu mɛɛrio ye Yinni Gusunɔ u kuɑ.

Gbɑburu 23:7

Sɑɑ yerɑ Bɑlɑmu u ɡɑri ɡeruɑ u nɛɛ, wee Bɑlɑki Mɔɑbun sunɔ u derɑ nɑ nɑ sɑɑ Arɑmun di. Wiyɑ u derɑ nɑ sɑrɑmɑ sɑɑ sɔ̃ɔ yɑri yerun ɡuunun di. U nɛɛ, n be nɑ n Yɑkɔbun bweseru bɔ̃rusi. N be nɑ n kɑ be Isirelibɑ mɔru ko.